Texts
Return to list | edit | delete | Create a new | history | Statistics | ? Help
Natalja Anhimova. Uz’ ozuteluz aveižihe Šoutarven muzejas
Natalja Anhimova
Uz’ ozuteluz aveižihe Šoutarven muzejas
Veps
New written Veps
Šoutarven muzejas
tal’vkun lopus mö aveižim uuden ozutelusen – "Baban däl’gid möto asttaze ".Mö voumičim sen enemba pol’ vott .Mikš päha tuli mel’ starineita necen polhe ?2024. voz’ oli Venämal Perehen voz’ .Voz’ tuli lophu , no pereh kaikuččes aigas om znamasine .Kaik mänob perehespei .Vepsan pereh oli suur’ .Kut eletihe 10–15 mest’ ühtes ?Sanutihe : "Kanzata om paha elo ".Vanhembad rat’he , a lapsed enemba aigad ol’d’he babanke .
Ken om baboi perehes ?Baboi om vanh , melev ristit : hän om elänu , hän äjan teddab .Baboi pahale ei openda .Vanhal om enemba mel’t .Da völ baboi enemba toižid armastab vonukeid .Sanutihe : "Mida laps’aigan har’gned , sen igan muštaškanded ".
Mida voib nähta ozutelusel ?Siid om äi suurid da penid fotoid .Suuriš fotoiš nägem vepsläižid pertid , miččed seištaze sada vott da enemba .Mii tegeze pertiš , mida rataze mužikad da mida akad , miččid radoid teggob pereh ühtes da miččiš radoiš abutaze lapsed .Pened fotod stariniičeba necen polhe .Siid-žo om keratud vanhoid kaluid : sida , mida andoi mama ičeze lapsile , a hö muga andoiba edeleze .Paličal oma šuukeine paik Kalagespei , samvar Šoutarvespei , savesiine pada Mägelpei , koft-kazačok Toižegespei , tätüine Vehkajaspei .Siid voib lugeda , miččes perehes oli se vai toine kalu .
Ozutelusel voib kävuda da meletada , kut sina nüguni eläd , a kut eletihe sinun baboid .Kense sanub , mise huba oli .Mina sanun , mise düged oli elo , ved’ äjan rat’he , da toižes polespei – kebn : rat’he kaik ühtes , abutet’he toine toižele perehes da küläs .
Ozutelusel voib otta päha parahimid melid , miččid kaičeb rahvaz ii üht sadad vott .Ülähan , lagen all , riptaze muštatišed – vaise luge da meleta .Meletan , mise käveluz ozutelusele abutab olda hiviš meliš , paremba el’geta toine tošt’ , lugeda da muheita : "Kodirandal ka eskai kažid oma čomarožeižed ".
Uz’ ozuteluz aveižihe Šoutarven muzejas
Veps
New written Veps