Texts
Return to list | edit | delete | Create a new | history | Statistics | ? Help
Darja Hil’. Surid planoid Venäman Arktikale
Darja Hil’
Surid planoid Venäman Arktikale
Veps
New written Veps
12.–13. tal’vkud
Piteriš mäni "Arktik : nügüd’ da tulii aig " -XIV Rahvahidenkeskeine forum A .N .Čilingarovan nimel .
Forumaha ühtniba federaližiden da regionaližiden valdmehištoiden ezitajad , igähižiden vähäluguižiden rahvahiden sebroiden ezitajad , tedomehed , opendajad , IT-projektoiden kehitoitajad da Venäman ühesan arktižen regionan ezitajad .Karjalan Valdkundad forumal ezitiba "Vepsän kul’tursebran " pämez’ Larisa Vasiljevna Čirkova i necen sebran pämehišton ühtnik Natalja Jevgenjevna Silakova .
"Mez’ " tegihe foruman pätemaks . Mehed kehitoitaba Venäman Arktišt tahod da heredoitaba sen ekonomišt kazvod , sikš forumal pagištihe siš , miččed problemad , tarbhuded oma rahvahil pohjoižes , kut paremboita heiden elod , kut kehitoitta Pohjoižen regionad , kut varjoita londusen varoid da paremboita ekologižid oloid .
Sid’-žo oli ezitadud parahimad regionaližed projektad da iniciativad – erazvuiččiden pohjoižiden regionoiden parahim mahtišt .
Kaiked forumal oli 50 tematišt ištundad – erased niišpäi oli omištadud igähižile rahvahile .Sigä pagištihe Venäman Pohjoižen rahvahiden ičeladuižen kul’turan kaičendas da kehitoitandas , rahvahiden da biznesan ühthižrados .Sidä paiči forumal mäni ani tärged ištund , miččen teman oli Pohjoižen igähižiden vähäluguižiden rahvahiden oiktuded i se , kut Venäman zakonoidenkogomuz kaičeb niid .Sihe ištundaha ühtniba valdkundaližiden da regionaližiden i sijaližiden valdmehištoiden ezitajad , a mugažo tedoda openduzorganizacijoiden , paindištoiden radnikad , biznesmehed i erazvuiččiden sebroiden pämehed .Nene oliba aktivistad Čukotkaspäi , Kamčatkaspäi , Jakutijaspäi , Jugraspäi , Taimiralpäi , Karjalaspäi , Murmanskan , Krasnojarskan da Piterin agjoišpäi , Jamal-Neneckijan da Neneckijan avtonomižiš ümbruzkundoišpäi i Piter-lidnaspäi .
– Meletan , miše nece forum om tarbhaine azj . Sen kal’t mö tedištim enamba Arktižen tahon igähižiš rahvahiš (sihe tahoze mülüb Karjalan pala-ki ), erazvuiččiden Pohjoižen regionoiden tegeližudes : midä sigä tehtas , midä saudas , miččed oma ekologižed olod i muga edemba .Meile starinoitihe Pohjoižes merimatkas – se om ani tärged azj , mitte om melentartuine äjile biznesmehile da organizacijoile .I mugoine tärged matk tariž kehitoitta da varjoita .Oli melentartušt kundelta suren biznesan ezitajid : hö starinoičiba Arktižen tahon voimusiš da sen tulijas aigas .Nece koskeb kaikid Venäman Pohjoižen rahvahid , sikš om ani tarbhašt teta , mi sigä tehtas da planuitas , – starinoičeb Natalja Jevgenjevna Silakova .
Foruman ühtnikad diskutiruiba kaiked tärktembiš temoiš – siš , kut kaita da kehitoitta rahvahiden tradicionališt elomištod ; kut tugeta rahvahid , miččed kaiken aigan vajehtaba eländsijoid ; kut kehitoitta tradicionališt londusen kävutandad varjoitud sijoiš ; kut kaita kelid da kul’turid ; kut rahvahiden ezitajile tariž kosketadas valdmehidenke .Kaiken ližaks , forumal pagištihe Igähižiden rahvahiden vahvan kehitoitandan 2036.vodhesai koncepcijas .
– Forumal mö pagižim Mihail Aleksandrovič Pogodajevanke londusen tradicionaližen kävutandan sijoiš . Hän om Sahan (Jakutijan ) Valdkundan Arktikan kehitoitandan da Pohjoižen rahvahiden azjoiden varaministr .Forum andoi meile voimusen tundištadas äjiden melentartuižiden ristituidenke da eskai kožudas erasiš azjoiš i projektoiš .Ozutesikš , Mihail Pogodajevanke olem kožunus ühtnendas Jakutijan projektoihe .Nügüd’ nece om vaiše augotiž : mö oigendam tarbhaižed azjbumagad vepsän rahvahaspäi , a sid’ – kacum , mi tuleb !– jagase planoil Natalja Silakova .
Sil vodel forum oli omištadud sen augonpanijale – Artur Nikolajevič Čilingarovale .Nece tetab mez’ oli Soveckijan Sojuzan Geroi , hän radoi pohjoižpirdan taga i tegi sur’kulun panendan arktižiden sijoiden oppindaha .
Azjtegon adivoiden täht oli vaumištadud melentartuine kul’turprogramm , miččehe , kaiken ližaks , mülüiba arktižen tehnikan demonstracii da Artur Nikolajevič Čilingarovale omištadud foto-ozuteluz .
Surid planoid Venäman Arktikale
Veps
New written Veps