Texts
Return to list | edit | delete | Create a new | history | Statistics | ? Help
Anušenkova Ales’a . Tundištoituz universitetan elonke
Anušenkova Ales’a
Tundištoituz universitetan elonke
Veps
New written Veps
Baltianmeren suomalaižen
filologijan kafedran vanhemb opendai Svetlana Valerjevna Korobeinikova tegi tundištoituzmatkan universitetadme openikoiden täht .Hän starinoiči , miččid satusid om universitetal , miččid projektoid tehtas sigä .Mö äjan tedištim gumanitarižen innoparkan polhe .Nece om sija , kus tehtas gumanitarižid oppindoid .Sigä om melentartuižid projektoid .Meiden openikoile lasktihe eskai olda endevanhgrekan literaturan ekzamenal .Čududeli innoparkan il’mišt – lujas läm’ , kuti kodiš .
Toine sija , kuna meid openikoidenke vedihe , oli "Etnopert’ " ("Nel’l’an kanzan kodi ").Nece om pen’ universitetan muzei , miččes voib tundištadas vanhan pertin predmetoidenke .Mö johtutim meiden rahvahan tradicijoid , a mugažo pagižim siš , miččed erod oma karjalaižiden , vepsläižiden da venälaižiden jogapäiväižes elos .Mugažo rindatim suomalaiž-ugrilaižiden keliden erasid sanoid .Svetlana Valerjevna starinoiči pertin erigoičusiš da predmetoiden istorijas .Om melentartušt , miše erased üläopenikad iče toba predmetoid "Etnopertihe ".
Meiden openikoile tuli mel’he nece tundištoituzmatk .Ken-se heišpäi eskai meletaba päzuda opendamhas filologijan institutaha .Mö kitäm Svetlana Valerjevnad melentartuižes tundištoituzmatkas , miččen hän vaumišti meiden täht .
Tundištoituz universitetan elonke
Veps
New written Veps