VepKar :: Texts

Texts

Return to list | edit | delete | Create a new | history | Statistics | ? Help

Ei appi, ga oma ristikanzu

corpus: Journalistic texts

Source:
Oma mua. № 6, 2025, p. 7

Ei appi, ga oma ristikanzu

Livvi
New written Livvic
Tuhukuun 25. päivänny Aleksei Pozdn’akovan roindas täydyy 100 vuottu. Omas armahas apis himoitti kirjuttua jo ammui, ga toičakse jättelin. Nygöi vuvvet jo huškettih, rodn’ua väheni, nygöi jo minun polvi on vahnin.

Tiettäväine, bunukat da pruavobunukat tietäh, mittumannu urhomiehenny oli heijän died’oi da pruavodied’oi. Voinan enzimäzinny päivinny, brihačču, ellendäjen, ku händy ei oleta frontale nuoruttu, pyrgihes partizunoin joukkoh, puolistamah omua Karjalua. Moine rohkei oli.
Nygöi sanelen kai allus algajen.
Aleksei Ivanovič rodivui Ivan Ivanovič da Marija Grigorjevnan Pozdn’akovien pereheh Belomorskan piirin Lapino-kyläh. Häi oli nuorimannu, viijendenny lapsennu perehes. Hänen Iivan-tuattah oli naizis kaksi kerdua, enzimäzes mučois hänel oli kolme poigua, a konzu rodivui Aleksei, tuatal oli 53 vuottu.
Oli perehel luja viiziseinäine taloi Suma-joven rannal, kudaman Iivan Ivanovič nosti yhtes akanke. Vaiku ei ozavunnuh kazvattua pienembii lapsii Ol’ua da L’ošua uvves kois. Vuvvennu 1938 Iivan Ivanovič pandih kiini. Muite vai tuldih da otettih, muaman pakičuksen kuultuu vaiku annettih suurus suuh panna enne lähtendiä. Aleksei kodvan aigua juoksi delegän peräh, kuni hebo ei hävinnyh silmis sillan tuakse.
Silloi L’oša opastui Lapinon alguškolas, opastui hyvin, sen loppiettuu piäzi opastumah Sumposadan seiččievuodizeh školah. Školan jälles häi kiändyi omah kyläh ruadamah sčetovodannu.

RAUDAINE PARTIZUANU
Konzu algavui voinu, vahnemabat vellet lähtiettih frontale. L’oša rubei miettimäh, kui olis piästä heijän luo. Vuvvennu 1942 Belomorskan piiris kerättih partizuanujoukko "Komsomolets Karelii", kunne otettihgi seiččietostuvuodine komsomol’tsu Pozdn’akov. Erähän partizuanoin matkan aigah, kudai oli 28. pakkaskuudu 1943, konzu puolistettih Seesjärven mualoi, Aleksei vagavasti ruanittih. Ruanittu oli piä, sendäh pidi kodvan aigua paranduo gospitalilois. Nuori häi terväh pareni, hos vähä ken tiezi, ku očas hänel oli raudaine plastinu.
Gospitalispäi piästyy vuvvennu 1943 briha työttih opastumah Iosif Stalinan nimizeh Kommunistoin Puolovehen korgeiškolah Moskovah. Vuozinnu 1944–1945 Aleksei Ivanovič ruadoi Karjalas-Suomelazes Sotsialistizen Nevvostotazavallan komsomolan obkomas.
Lujatabaine 20-vuodehine briha työttih hänen omah roindupiirih nuorižoliiton, a sit puolovehen ruadoh. Sanakse, puolovehes häi oli vuvves 1948 da dostalikse omua igiä (puoloveheh kuulujan lippu mugai jäi vedämättäh laitokseh).
Monen kerdua Aleksei Ivanovič voinan jälles vastavui omien bojudovarišoinke, kudamat elettih muan eri kolkis. Oli hänel Žoref-dovariššu Ufa-linnaspäi, häi kävyi Aleksein luo oman akanke. Aleksei Ufah mugai ei puuttunuh, ei ehtinyh.

KUNNOLLINE DA KOHTINAINE
Minuu lykysti tuttavuo Aleksei Ivanovičanke vuvvennu 1978, konzu minun tulii ukko enne svuad’bua oli tuonnuh minuu tuttavumah omien vahnembienke. Silloi minä opastuin pedagougizes instituutas, Aleksei Ivanovič ruadoi Sumskoin lespromhouzan johtajan sijahizennu ruadoväin puoles.
Tulimmo kyläh huondeksel, murginan aigah kodih jiävihes tämä ei korgei kazvol luja mies. Kynnyksel seizojes muhisten häi oijendi minule käin da kerras pajatti katkelman pajos opastajah nähte, kudai "pani ykközen".
Sit tuttavundas algoigi meijän ystävys. Min kerdua kävyimmö hänenke meččih marjah-sieneh. Kummu oli nähtä, kui häi, jo ei olluh nuori, ga kandoi tävven kaššalin muarjua, a sie kaššalis oli rengisty kolme onnuako, häi nouzi mägyričöile, ei prähkänyh väzyndiä!
Vie häi oli rakas kalastamah da mečästämäh. Näin, kui häi ahkerasti pidäy ruokos omua orožua, pyvvyksii sežo pidi por’adnas. Kalal ainos gostitti omii susiedoi.
Vie himoittau erikseh mainita sih nähte, ku Aleksei Ivanovič on suvaiččii da uskolline mies, putin tuatto da huolekas died’oi. Ičenmoiziksegi häi kazvatti oman tyttären da poijan. Häi savaičči sanondua: "Vz’als’a za guž, ne govori, čto ne d’už".
Joga ruaduo häi ruadoi syväinkäskys, kunnolleh, ei suvainnuh ristittyzii, kudamat ei sanottu kaikkie kohti, kuduat ei oldu oigienmugazet.
Minä da Aleksei Ivanovič suvaičimmo yhty syömistygi: mielihyväl söimmö nižustu maidokuaššua, keitinpiiraidu da kalarokkua. Minuh niškoi häi rodih ei muite apikse, häi rodih omakse, kudamua nygöi ei tävvy. Ei tävvy hänen hyviä sanua, kannatustu, paginua.
Igäine musto sinule, meijän armahaine.

Pozdnyakova, Olga

Не свекр, а родной человек

Russian
25 февраля 2025 года Алексею Ивановичу Позднякову исполнилось бы 100 лет. Написать об Алексее Ивановиче, моем дорогом свекре, хотелось давно, пока были живы старшие, но все откладывала. И все же годы идут, нас в родне все меньше, теперь уже мы – старшее поколение. Хотелось бы, чтобы память о нем еще долго жила в сердцах внуков и правнуков. Конечно они знают , каким героическим человеком был их дед и прадед, их задача передать своим потомкам то, что знали они. В первые же дни войны, понимая , что на фронт его не возьмут по малолетству, попросился в партизанский отряд, чтобы защищать родную Карелию. Вот такой героический был человек.
А теперь обо все по порядку. Родился Алексей Иванович в семье Иван Ивановича и Марии Григорьевны Поздняковых в д. Лапино Беломорского района. Был последним, пятым ребенком. Его отец Иван Иванович, был женат дважды, и от первого брака у него было трое сыновей, старших братьев – Михаил, Павел и на момент рождения Алексея Иван Ивановичу было 53 года.
Был у семьи крепкий дом-пятистенок на берегу реки Сумы , построенный Иван Ивановичем совместно с матерью, да только не суждено было растить и поднимать младших детишек - Олю и Лешу. В 1938 году арестовали Иван Ивановича. Вот так пришли и арестовали, разрешили лишь по просьбе матери перекусить на дорогу и увезли. Алексей долго бежал за конской подводой, пока та не скрылась за мостом.
Леша тогда учился в Лапинской начальной школе, учился хорошо, по окончании поступил в Сумпосадскую семилетнюю школу, и уже по окончании семилетки приехал в родную деревню, чтобы работать счетоводом.

Железный партизан
Когда началась война и старшие братья ушли на фронт, стал думать, как бы к ним присоединиться. В 1942 в Беломорском районе организовали партизанский отряд "Комсомолец Карелии", куда и приняли комсомольца Позднякова, семнадцатилетнего паренька. В одном из походов, а это было 28 января 1943 года, в боях за Сегозерье Алексея тяжело ранили. Ранение было в голову, поэтому пришлось долго лечиться в госпиталях. Молодой организм восстановился, хотя потом мало кто знал, что в лобной части у этого человека была металлическая пластина. После выписки из госпиталя в том же 1943 году его направили на учебу в Высшую партийную школу им. И.В. Сталина в Москву. Затем, в 1944-1945 году Алексей Иванович работал в обкоме комсомола Карело- Финской ССР. Учитывая твердый характер и лидерские качества Алексея Ивановича, его, 20-летнего паренька, отправляют в свой родной район на комсомольскую, а затем и партийную работу. К слову, в партии он состоял с 1948 года и до последних дней жизни (так и не отнес партийный билет в первичную организацию). Много раз после войны приезжал Алексей Иванович на встречи с боевыми друзьями, слетались они из всех уголков нашей родины. Был у него один друг- Жореф из Уфы, тот приезжал к нему в гости с супругой. А вот Алексею Ивановичу в Уфу съездить не пришлось, не успел.

Правдив и прямолинеен
Мне посчастливилось познакомиться с Алексеем Ивановичем в 1978 году, когда мой будущий супруг привез меня знакомиться с родителями перед свадьбой. Я тогда еще студенткой пединститута была, а Алексей Иванович работал заместителем директора Сумского леспромхоза по кадрам. Приехали мы в село утром, а в обед появился в доме этот невысокий крепкого сложения мужчина. С порога озарил меня улыбкой, пожал руку и тут же спел отрывок из песни про учительницу, которая "влепила кол". С этого и началась наша с ним дружба. Уж сколько мы потом походили по лесам за ягодами и грибами. Удивляло, как он - человек в возрасте, несет полный кошель ягод, а там было ведра три, поднимаясь на сопки и никогда не жалуясь на усталость!
А еще он был заядлым рыбаком и охотником. Видела, как он ухаживает за своим ружьем и всегда хранит его в полном порядке. И снасти тоже. Излишками рыбы щедро делился с соседями.
А еще хочется отметить, каким он был любящим и верным мужем, примерным отцом и заботливым дедушкой. Сумел привить сыну и дочери те же черты характера. Одной из поговорок у него была "Взялся за гуж, не говори, что не дюж".
Любую работу выполнял честно и добросовестно, с душой. Не мог терпеть ,когда люди поступают нечестно или несправедливо.
А у меня с Алексеем Ивановичем даже вкусовые пристрастия были одни и те же - любили молочную пшенную кашу и пироги "для зятя", уху. Для меня он стал не просто свекром, а родным человеком, которого не хватает. Не хватает его доброго слова, поддержки, общения. Светлая память тебе дорогой наш человек!
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages