Texts
Return to list | edit | delete | Create a new | history | Statistics | ? Help
Karjalan taidehpirdajad “pal’l’astiba” ičeze henged
Karjalan taidehpirdajad “pal’l’astiba” ičeze henged
Veps
New written Veps
Petroskoiš
avaitihe kahten Karjalan taidehpirdajan "KliMaks "-ozuteluz .
Uz’ ozuteluz avaitihe Petroskoin "Tätün pert’ " -galerejas .Sihe mülüi kahten Karjalan taidehpirdajan Marus’a Klimovan da Aleksei Maksimovan 36 kuvad .Sišpäi om mugoine nimi-ki : se om tehtud kahten sugunimen ühtenzoitusespäi .
– Jo amu tundem toine tošt . Meil om äi ühthišt .Eskai radam ühtes pajas .Hot’ ozutelusen nimel om ičeze istorii , minun täht se ozutab mugažo aigkeskustaha-ki : minun elos nügüd’ om vajehtuzaig – taidehpirdandaspäi sirdämoi toižehe polehe .Sikš minai ozutelusel om ezitadud aigemba pirttud kuvad , a Marus’al – möhemba , – sanub Aleksei Maksimov .
– Ozutelusel om 17 minun da 19 Aleksejan kuvad . Mö "pal’l’astim " ičtamoi neniš kuviš ."Pal’l’astim " päd , hibjad , henged , – ližadab Marus’a Klimova .
Molembad taidehpirdajad oma simvolistad .Hö kuvadaba sidä , midä rižaba da miš holduba .Ozutelusen avaidusele tuli taidehpirdajiden sädandradon navedijoid , läheližid da sebranikoid ."Tätün pertin " pämez’ Maria Babajeva sanui , miše neniden taidehpirdajiden kuvad ezitadihe heiden galerejas ezmäižen kerdan .
Ozuteluz om avaitud sulakun 5. päivähasai .Ozutelusen tegijad varutaba , miše tulda voiba vaiše täuz’igäižed ristitud .Ezmäks , sen taguiči , miše kuviš om pal’l’astadud mehid , no mugažo sikš miše kuviden temad oma sel’ktad igäižile ristituile .
Karjalan taidehpirdajad “pal’l’astiba” ičeze henged
Veps
New written Veps