Texts
Return to list | edit | delete | Create a new | history | Statistics | ? Help
Galina Baburova. Šokšus sündui uz’ tradicii
Galina Baburova
Šokšus sündui uz’ tradicii
Veps
New written Veps
Festivalin
nimi om "Vepsän rahvahan tradicijoiden mödhe ".Se pidetihe Kvarcitnii-küläs 16. uhokud .Ezmäižen kerdan mugoine festival’ mäni 2022. vodel .
"Vepsän rahvahan tradicijoiden mödhe "-festivalin pätegend om vepsläižiden küliden tradicijoiden kaičend . Praznikal voib nägištada tradicionaližid sädoid , kulištada vepsän paginad , ühtneda vepsläižihe vändoihe da erazvuiččihe mastar’-klassoihe .
Täl vodel praznikan adivod voiba kudoda vön , tehta vepsläižen tätü-kaičijan , pättinan ozaks vai kerata penikaižehe havadoižehe erazvuittušt surimad da veda sen kodihe .Kaikuččele adivole taritihe otta muštoks babarmmujušt kived – kvarcitad .Ved’ Šokš om üksjäine mirus sija , kus sadas necidä čudokast kived .
Lapsed da aigvoččed ühtniba veslihe vändoihe : pidi joukul plet’t’a kasaine noraspäi vai ozaita vepsläižid ozoitesid , "pütta kalad " vai ühtes turutada šaruine labirintadme .
Paiči sidä praznikan aigan voi änestada parahimas vepsläižes kalitkas .Koume emägad paštoi festivalin täht kalitkoid šonanke , kartohkanke da marjoidenke .Adivod mujiba niid da andoiba ičeze änen siš paštateses , mitte heile enamba tuli mel’he .Vägesti neciš änestamižes Valentina Isakova Šokšuspäi ."Vepsän kul’tursebr " kiti emägaižid , a vägestajale andoi lahjan .
Laval kacujiden edes eziniba Jurii Mugačev da Mihail Pidžakov – molembad mužikad oma vepsläižed aktivistad , kudambad oma vepsän kul’turan praznikoiden tegijad da kaikenlaižed ühtnikad Šokšus .
Festivalin päazjtegon oli koncert , miččehe ühtniba erazvuiččed Karjalan pajo - da kargkollektivad .Oli čoma nähta mugoižel festivalil äi lapsiden modoid .
– Täl vodel festivalil eziniba Vepsän rahvahan hor , "Vesläžed "-fol’kloransambl’ , lapsiden kollektivad Šokšun , Šoutjärven da Kalagen školišpäi , "Randaine "-ansambl’ . Sid’ mö kaik kerazimoiš , kuti üks’ sur’ pereh , da joim čajud tradicionaližidenke vepsläižidenke kalitkoidenke , – starinoičeb Šokšun Kul’turpertin pämez’ Tatjana Gofman .
Šokšun Kul’turpert’ om-ki "Vepsän rahvahan tradicijoiden mödhe " -festivalin tegii .Abutab sille "Vepsän kul’tursebr ".Tegijoiden planoiš om vedäda necidä festivalid Kvarcitnijas kerdan kahtes vodes .
Šokšus sündui uz’ tradicii
Veps
New written Veps