Texts
Return to list | edit | delete | Create a new | history | Statistics | ? Help
Heini Rostkova. Kalages mäniba tradicionaližed suks’voibištelendad A. Lisicinan muštho
Heini Rostkova
Kalages mäniba tradicionaližed suks’voibištelendad A. Lisicinan muštho
Veps
New written Veps
Jo
53 vot vepsläižes Kalag’-küläs tehtas suks’voibištelendad , niihe ühtneba lapsed da aigvoččed .Necil-ki vodel 14. uhokud küläs mäniba suks’voibištelendad , miččed tehtas Sovetskijan Sojuzan Gerojan Anna Lisicinan muštoks .
– Kut kaiken-ki , meidennoks tuliba lapsed da aigvoččed susedkülišpäi : Šokš -, Šoutjärv’ -, Derev’anka - da Zaozerje -külišpäi . Täl vodel voibištelendoihe ühtni läz 100 mest .Hihtäjad voibištelihe eri-igäižiš gruppiš : 1.–4. klassoiden , 5.–6. klassoiden , 7.–9. klassoiden da 10.–11. klassoiden openikad i aigvoččed .Ühtnikoile taritihe hihtta suksil 500-metran , 1200-metran da 2000-metran piččed matkad , – starinoiči Kalagen školan pämez’ Svetlana Gotič .
Suks’voibištelendan tradicii eläb Kalages vodelpäi 1972.Ende voibištelendoihe ühtniba vaiše aigvoččed .Nügüd’ nece azjtego ühtenzoitab erazvuiččid sugupol’vid .
– Siš aigaspäi , kut minä tulin elämaha Kalagehe da zavodin rata Kalagen školas , olen ühtnenu suks’voibištelendoihe . Ezmäi olin abunikan necil azjtegol , a nügüd’ iče hihtän suksil , voibištelemoi vanhembiden hihtäjiden keskes .Minun mužik Sergei om suks’sportan mastar’ .Mindai-ki hän mel’dütoiti neche azjaha .Mö äjan hihtäm suksil ühtes .Ühtejiččed melentartused vahvištoitaba meiden kosketusid .Ühtes meidenke hihtäba suksil meiden lapsed-ki , hot’ hö ei ühtnegoi voibištelendoihe , kut mö mužikanke , – sanub Ales’a Sotnikova .– En voi kuvata sanoil , miččed tundmusid mö sam ! Suks’voibištelendoiden aigan tundem ičtamoi ühten tarb haižen azjtegon palan .Kaikuččel hihtäjal , kudamb tuleskeleb meiden külähä voibištelendoihe , om ičeze tahtoid .No ühtenzoitab meid kaikid armastuz hihtändaha , mitte abutab vahvištoitta tervhut .
Voibuižiden ezmäižen , toižen da koumanden sijoiden vägestajad kaikuččes igägruppas saiba pauklahjad .Lapsed-vägestajad valitihe eriži neičukaižiden da prihaižiden keskes .
Kaikuččen voden suks’voibištelendad Karjalan eläjiden täht tegeba Kalagen eländtahon administracii , Änižröunan administracii da Kalagen škol .Nece tradicii lahjoičeb sen ühtnikoile čomid emocijoid da hüväd mel’t !
Kalages mäniba tradicionaližed suks’voibištelendad A. Lisicinan muštho
Veps
New written Veps