Texts
Return to list | edit | delete | Create a new | history | Statistics | ? Help
Galina Baburova. Aktivistad popul’arizoitaba vepsläšt kul’turad Petroskoiš
Galina Baburova
Aktivistad popul’arizoitaba vepsläšt kul’turad Petroskoiš
Veps
New written Veps
Svetlana
Pl’uhina da L’udmila Aleksejeva tuliba abuhu , konz 1980-vozil zavodihe vepsän kelen udessündutandan aigkeskust da oli sätud "Vepsän kul’tursebr ".Kaik nene voded hö oma abutanuded tehta erazvuiččid azjtegoid , miččed om omištadud vepsän kul’turan kaičendale .Nügüd’-ki , oldes jo pensijal , nene aktivižed naižed jatktaba necidä radod .Üks’ heiden azjtegoišpäi mäni keväz’kun augotišes "Periodika "-painištos .
Vastusel L’udmila Aleksejeva da Svetlana Pl’uhina starinoičiba Pacientan školan ühtnikoile Karjalan igähižes vähäluguižes rahvahas – vepsläižiš .Pacientan škol om sebr , mitte radab Petroskoin poliklinikas №1.Sen ühtnikad oma eri-igäižed ristitud , kudambad opendasoiš holdumaha venujiš läžujiš , abutaba poliklinikan pacientoile-pensiimehile čomin mänetada lebuaigad .
– Ei kaikutte Petroskoin eläi tedab , ked oma vepsläižed . Mö tahtoim starinoita ristituile meiden rahvahas da ozutada , kut kulub vepsän kel’ , – sanui L’udmila Aleksejeva .
No ozaižihe muga , miše vastusen ühtnikoiden-ki keskes oli üks’ vepsläine naine .
"Periodikan " radnikad starinoičiba painusiš , miččed lähteba eloho vepsän kelel : ozutiba "Kodima "-lehtesen , "Verez tullei " -al’manahan da "Kipinä "-kulehtesen . Hö starinoičiba vepsän kirjkeles da vepsänkeližes čomaliteraturas .Muga zavodihe pagin ühtes vepsläižišpäi runoilijoišpäi – Alevtina Andrejevas .Svetlana Pl’uhina da L’udmila Aleksejeva tunziba Alevtina Andrejevad , oliba hänen sebranikoin .Hö äjan muštaba hänes , sikš jagoihe vastusen ühtnikoidenke nenil muštlotesil da ližaks lugiba än’heze ičeze armhid Alevtina Andrejevan runoid .
Oli vastusel i Alevtinan plem’annic Svetlana Sovkina .Kut hän sanui , laps’aigal Alevtina oli hänen täht kut mam , a norudes – kut podrušk .Hän kommentoi Alevtina Andrejevan fotoid da mugažo starinoiči äi melentartušt runoilijan elospäi .Pagiži äjan Alevtina Andrejevan polhe hänen podrušk Nina Mosenzova .Hän-ki starinoiči siš , kut Alevtinan läheližed da sebranikad ei voigoi sada valdmehilpäi medalid , miččen vepsläižele runoilijale oli pättud antta ani hänen surmpäivän .
Vastusen lopus "Periodikan " radnik Margarita Kemppainen starinoiči tätüižiš , miččile hän ombleb Karjalan igähižiden rahvahiden sädod .Surel tahtol vastusen ühtnikad kundliba Margaritad da vepsläižid aktivistoid L’udmila Aleksejevad da Svetlana Pl’uhinad , tegiba ičeze küzundoid .Pacientan školan pämez’ Anna Skotti tegi vastusen ühthevedo – tariž školan openikoile-ki starinoita enamba rahvahiš , miččed eläba Karjalas , tundištoitta vepsläižiden da karjalaižiden tetabiden ezitajidenke .
L’udmila Aleksejeva da Svetlana Pl’uhina tegeba suren radon , tegeba sidä hilläšti .Hö popul’arizoitaba vepsläšt kul’turad kingitamata homaičust ičheze .Mugažo hö oma "Vepsän kul’tursebran " ühtnikad , "Randaine "-ansambl’an pajanikad .Äi vozid nene aktivistad paneba ičeze vägid vepsän kul’turan kaičendaha .
Aktivistad popul’arizoitaba vepsläšt kul’turad Petroskoiš
Veps
New written Veps