Texts
Return to list | edit | delete | Create a new | history | Statistics | ? Help
Heini Rostkova. Valitas parahimad
Heini Rostkova
Valitas parahimad
Veps
New written Veps
Kaikuččen
voden Karjalan školiš , kus opetas karjalan , vepsän da suomen kelid , tehtas olimpiadad .Olimpiadoiden taguiči tedištadas parahimad kodikeliden tedajad openikoiden keskes .Ezmäi lapsed kirjutaba kodikelen olimpiadad ičeze školiš , a sid’ , kevädel , vägestajad erazvuiččiš školišpäi voibištelesoiš kesketi .
Täl vodel Petroskoin Suomalaiž-ugrilaižes školas E .Lönnrotan nimel kodikelen olimpiadan vepsän kelel 7.–9. klassoiden keskes kirjuti koume mest – kaks’ prihašt da üks’ neičukaine .Natoi da Maksim Lebedevad opendasoiš 9. klassas , a Ivan Perec – 8. klassas .Pidab sanuda , miše täl vodel olimpiadrados ei olend pagintegendad , kus lapsile tariž pagišta žürijoukunke da antta vastusid küzundoihe .No kacmata sihe , olimpiad oli jügedahk .Tegendoiden keskes oliba ningoižed , miččed kodviba lapsiden tedoid kut keles , muga i vepsän kul’turas da literaturas .Ozutesikš , kuvitusen mödhe pidi ozaita , miččes kalas om pagin vai miččes kirjaspäi om ottud tekstan pala .
– Kodikelen olimpiad om hüvä školvero . Se ozutab lapsiden tedoid keles .Olimpiadan abul opendai voib el’geta , miččid temoid , miččid harjoitusid pidab enamba otta urokoil .Täl vodel olimpiadan ezmäine etap ozuti minei , miše lapsed paremba tedaba vepsän kelen grammatikad , a nenid harjoitusid , miččiš kodvdihe tedoid vepsän rahvahan kul’turas , lapsile oli jügedamb tehta .Openikoiden täht olimpiad om völ üks’ pordhaine , miččespäi nägub , kuna sirttas edemba vepsän kelen opendamižes , – sanui opendai Nadežda Petrova .
Parahimaks lapsiden keskes tegihe Natoi Lebedeva : hän sai enamba balloid .Lopuks Natoi Lebedeva da Ivan Perec ühtneškandeba kodikelen olimpiadaha sulakus , konz vepsän kelen tedajad erazvuiččiš školišpäi udes vasttasoiš , miše valita parahimad parahimišpäi .
Valitas parahimad
Veps
New written Veps