Texts
Return to list | edit | delete | Create a new | history | Statistics | ? Help
Irina Zaitseva. Purjehtelijat matkuššetah Deržavinin reissun mukah
Irina Zaitseva
Purjehtelijat matkuššetah Deržavinin reissun mukah
Karelian Proper
New written karelian
Vuotena
2025 Karjalan enšimmäisen gubernattorin Gavriil Deržavinin ta akatemikon Nikolai Ozeretskovskin matat Onegua myöten täytetäh 240 vuotta .
Niistä matoista alko alovehen luonnon ta muantiijon tietotutkimini .Karjalašša šuunnitellah toteuttua monivuotini Matka ajašša ta avaruošša -projekti .Še on omissettu enšimmäisien valtijotutkimušmatkojen 240-vuotisjuhlalla .Projektin rajoissa järješšetäh tutkimušmatkoja Onegua myöten Gavriil Deržavinin ta Nikolai Ozeretskovskin reissun mukah .
Kevätkuun 14. päivänä Petroskoissa vietettih lehistökonferenšši , missä projektin joukko kerto omašta alottehešta .
Projektin piätarkotukšena on tutkie Onegan vesistön laivanrakennukšen ta laivaliikentehen istorijua ta nykytilua .Enšimmäini tutkimušmatka starttuau 8. heinäkuuta 2025 Petroskoin Onegan rantakavulta .
– Matkah ošallistuu urheilupurjehvenehie ta istorijallisie laivoja . Onegan rantaviivan pivuš on noin 1000 meripeninkulmua , mi on 2000 kilometrie .Gavriil Deržavinin matoilla täyttyy 240 vuotta ta vuotena 2025 šuunnittelemma kulkie juuri 240 meripeninkulmua .Keryämmä tietuo šeisontapaikoista , kerromma niistä .Vuotena 2026 matka alkau šiitä pisteheštä , mih lopetamma vuotena 2025.Haluomma matkuštua koko Onegan ympäri , mi vuatiu noin viisi vuotta .Kirjutamma kaikkie laivapäiväkirjah .Joka joukolla annetah oma tehtävä – kuvata luontuo , vesistöjä , ekologista tilannehta .Projektin lopušša šuunnittelemma julkaissa kirja .240 vuuvvešša tapahtu äijän muutokšie , kerto Karjalan urheilupurjehkoulun vanhempi valmistaja , tutkimušmatan ohjuaja Sergei Averičev .
Šamoin projektin tarkotukšena on kiinittyä nuorison huomijuo oman kotimuan istorijah , vesiurheiluh ta merimiehen ammattih .Ošallistujien kešen on niise tulijie merimiehie , Makarovilla nimitetyn yliopiston Vienanmeren-Onegan filialin opaštujie .
– Vajehamma heitä tutkimušmatan eri vaiheissa , jotta šiih ošallistuis niin äijän nuorie kuin mahollista . Šamoin piemmä kilpailuo kaupunkin yläluokkalaisien ta ylioppilahien kešen .Voittajat voijah ošallistuo matan erähih vaiheih , šano filialin kašvatušruavon ošašton johtaja Jurii Vlasov .
Makarovilla nimitetyn yliopiston filialin lisäkši tutkimušmatkojen järještäjinä ollah Karjalan purjehurheiluliitto , Perinnön instituutin arktini meritutkimušmatka , Nuorisopurjehkoulu ta Nuorien merimiehien klubi .
Purjehtelijat matkuššetah Deržavinin reissun mukah
Karelian Proper
New written karelian