Texts
Return to list | edit | delete | Create a new | history | Statistics | ? Help
Naizienpäivy tulemas – eči paikku sundugas!
Naizienpäivy tulemas – eči paikku sundugas!
Livvi
New written Livvic
Anuksen
piirin Nurmoilas vesseläh piettih Naizienpäiviä .Endizen kyläkluuban taloih , kuduadu nygöi tundietah Kodirandu-koinnu , tuli paikallistu da tulolastu rahvastu .
Pivon luadijat ollah vuvvennu 2022 luajitun TOS :an "Nurmoilan kellozien " aktivistat .
Nurmoilas eläjäl Koverin kylänevvoston ruadajal Ol’ga Kekšojeval pidi hätken kehoittua kyläläzii miehii tulemah pruazniekkupidoh yhtes akoin kel .
Pivon allus aktivistu L’udmila Jeger’ saneli paikan histouries .Sen jälles kaikile ozutettih , kui kuudeh eri luaduh panna paikkua piäh argipäivinny .Sit miehet iče opittih siduo paikkoi omile muččoloile .Mieleh oli kaččuo , kui ukot kunnivoijen da huolehtijen sivotah paikkazii .
Pidoh tulluzien keskes oldih Mägriän kylänevvoston Suarimägi-kylän da Tsar’ gora -TOS :an aktivistat .Hyö ei tuldu tyhjin käzin , gostitettih pidoh tulluzii karjalazel magevuol – rozančiekoil .
Nygöi meil läs joga päiviä on mittuinetahto pruazniekku – kuatančan libo čainiekan päivy .Ga net ollah nygyaigazet , nareko keksityt pruazniekat .Eigo pidäs kiändyö kirikkökalenduaran puoleh da vallita mittuinetahto päivy , kudai panna pruazniekakse naizien paikan kunnivokse .Pravoslavnoit uskovazet pietäh Jumaldoman Pokrovua , kudai on 14. ligakuudu .Jumaldoman kunnivoiččemine provoslavnois uskos vois suaja jatkuo pruazniekas , kudai olis omistettu naizien piäpaikale .
Hyvä olis , ku sinä piän naizet , neidizet , tytöt , neičykät pandas paikat piäh .Voibi ottua buaboloin da pruavobuaboloin kaunehet paikat sundugoispäi .Voibi panna perindökse suaduloi dai uuzii ostettuloi .Voibi niegluo paikku , luadie kuva da sijoittua internettah .Ku äijät muga ruatah , rodieu kogonaine fotogallerei .Da se rodies uuzi perindö .
Naizienpäivy tulemas – eči paikku sundugas!
Livvi
New written Livvic