Texts
Return to list | edit | delete | Create a new | history | Statistics | ? Help
Nadežda Vasiljeva. Eči runoja Kalevalašta!
Nadežda Vasiljeva
Eči runoja Kalevalašta!
Karelian Proper
New written karelian
Tuanoin lapšien
joukko Kiestinkin pos’olkašta , kumpani on tunnettu omašta rikkahašta istorijašta , kävi Kalevalašša .
Koululaiset tultih lähemmin tutuštumah Kalevala-runoelmah , šen henkilöih ta kuulomah runoja tunnetuilta esittäjiltä , kumpasista Kalevalan mua on rikaš .
Jotta toteuttua niitä toivoja lapšet ta heijän opaštajat kiännyttih Kalevalatalo-etnokulttuurikeškukšen ruatajien puoleh .Hyö vaššattih pyyntöh .
Kiestinkiläiset tytöt ta pojat tunnuššettih , jotta hyö melkein ei tiijetty Kalevala-eepossua eikä šen luomisen istorijua eikä juonta .Käytyö Väinölän mua -näyttelyššä hyö alettih tutuštuo vienankarjalaisien elämäntapah , miehien ta naisien käsitöih , talojen rakentamisen taitoh , kalaššukšen ta mečäššykšen šaloih .Lapšet mielenkiinnolla kačeltih näyttelyesinehie ta ihmeteltih šitä , mitein ta mitä varoin heijän kantatuatot valmissettih pettuleipyä ta käytettih šilityšpualikkua musiikkie ta vuatteijen šilittämistä varoin .Tytöt äšen piätettih kuot’ella omie kykyjä šilittämiseššä vanhan šilityšpualikan avulla .Valitettavašti , ei kaikin onnissuttu .
Koululaisie oikein kiinnošti näyttelyšali , missä on kerätty ainehistuo Kalevalan starinankertojista ta runonlaulajista , on esitetty "Kalevalan " eri painokšie ta Karjalan kanšankirjailijien Juakko Rugojevin , Pekka Pertun , Antti Timosen , Ortjo Stepanovin , Puavo Leontjevin , Antti Tuomen ta toisien tevokšie .Hyö kaikin šynnyttih Kalevalan mualla .Kotimua lahjotti heilä kirjuttajan ta luovan neron .
Etnokulttuurikeškukšen ruataja Viktorija Tihonova tuttavuššutti ekskursijon ošallistujie paikallisih starinankertojih ta runonlaulajih .Šamoin hiän kerto eepossan luatijašta Elias Lönnrotista , hänen tevokšen henkilöjen ta karjalaisien piäšoittimen , kantelen , šynnyštä .Lapšet šuatih kannel käsih ta yhissyttih oikieh orkesterih .Još heilä ois ollun enemmän aikua , ois tullun mainivo kollektiivi !
"Kalevalan " muah ekskursijon lopušša vietettih muasteri-oppi , missä lapšet šujuvašti pärjättih karjalaisien runojen kekšimiseššä . Šamoin hyö luajittih ičellä muissokši applikatijo eepossan piähenkilön , viisahan Väinämöisen muuvvošša .
– Meijän Kiestinkin koulušša opaštuu yli 60 koululaista , šano istorijan ta yhteiskuntaopin opaštaja Julija Kuksina . – Myö harvoin käymmä šemmosissa ekskursijoissa ta lapšilla še on oikie tapahtuma . Myö oikein tykkäsimä Kalevalua , päivä mäni huomuamattomašti , jätti niin äijän tapahtumie , vaikutelmie .Tärkein on še , jotta meijän koululaiset šuatih äijän positiivisie tuntehie ta hyvie tietoja .Hyö huaveillah tulla tänne uuvveštah ta toivottovašti heijän unelma toteutuu .
Eči runoja Kalevalašta!
Karelian Proper
New written karelian