Texts
Return to list | edit | delete | Create a new | history | Statistics | ? Help
Vit'azi
Vit'azi
Livvi
New written Livvic
Vit'azi on
rohkei saldattu , bohatteri Muinas-Ven'al .
Vit'azit oldih sluužbal kniäzilöin da vojevodoin družinois da oldih rohkiet , kunnollizet da uskollizet , mi yhtisti heidy keskiaijan jevrouppalazih ricariloih .Roinduperiä myöte vit'azit enimyölleh oldih ylähistöspäi , suadih omas ruavos palkua .Hyö käydih sodamatkoih , puolistettih rajua vihollizis , piettih kauppua , ruattih muadu da otettih ozua Ven'an poliittizeh elokseh .Vit'aziloil oli tärgei rouli valdivon keskiaijan yhteiskunnas da hyö oldih urhakkahuon da ricarin kunnivon simvolannu .
Bohatterilois , erinomah vägevis ristikanzois , heidy eroi se , ku vit'azit oldih ammattinerozet valdivonsluužbas olijat saldatat .Vit'azit oldih rungal raviet , korgiet , nerokkahat , lykykkähät soda-azielois da erinomazen sodataijon maltajat saldatat .Muinas-ven'alazien vit'aziloin urhotegolois , urhakkahuos da vägevyös sanellah monis lähtehis , ga enimyölleh niilöin urhotegolois suau tiijustua suullizes rahvahan perindös : suarnois , aigukirjois da starinois .
Etimolougii da merkičys
Fasmeran etimolougizen sanakniigan mugah vit'azi-sana oli roinnuh muinas-norviegielazes sanas vikingr (vikingu ).Ga nygyaijan tutkijat ebäilläh tädä mieldy .Fasmer yhtelaigua ozuttau sengi , ku vit'azi-sana on yleine sluavilaine , min periä versii skandinuavizis kielis laihinotandas rodieu vaigiehsellitettäväkse .Sidä paiči pidäy panna merkile se , ku skandinuavistu juondehtu -ing muinas-ven'an kieles vastai eibo -язь , a -яг : vaering — var'ag , kulfing — kolb'ag ."З " oli vaiku monikos muinas-ven'an kieliopin siändölöin mugah : ven . варяг — варязи , mugaže ven . ятвяг — ятвязи da ven . печенег — печенези . Sendäh skandinuavizen viking zakonanmugaine vastineh olis "викяг " libo gipotiettizen astevaihtelun mugah k /t — "витяг ", ga nikui ei "витязь ".
Pol'šu-čeehii-lužican tutkijat A . Br'ukner , K . Mahek da H . Šuster-Ševc hronolougizien da foneettizien syylöin periä pietäh sanua tozi sluavilazennu .Jälgimäzen mugah sanan alguperänny on muinastu račastajua saldattua tarkoittai sluavilaine sana *vitь — "sualis , voinusualis ", vahn .‑sluav . възвить — "hyödy , edu , tulo , bariššu ".
Vie yhten versien mugah vit'azi-sana rodieu prussien sanas "витингас " — "kuulužu račastai saldattu , ricari ".Verduamizekse : litvan kieles tädä sanua vastuau sana "витис " — "kuulužu račastai saldattu , ricari ".Juuri tämä etimolougii sellittäy т-kirjaimen roindua , a eibo к-kirjaimen roindua .
Enzikerdua vit'azi-sana tulou vastah vuozinnu 1460 interpol'acies ven .Повести временных лет -kniigas , kudai on Perejaslavl'an aigukirjas .
Vuozisualoin XI –XVII ven'an kielen sanakniigu ozuttau , ku terminiä käytettih ven'alazis aigukirjois , nimenomah Perejaslavl'an aigukirjas merkičykses "saldattu kniäzin družinaspäi , kuningahan vardoičusjoukospäi ".Vuozisualoin XV –XVII aigah sanua käytetäh ricariloin romuanoi kiändäjes merkičykses "rohkei saldattu , bohatteri ".P . J . Čornih tarkendau , ku sana oli roinnuh ei aijemba XV vuozisadua da sidä käytetäh harvah , a V . D . Kuz'mina panou merkile sen , ku se korvuau substantiivua ven . "храбр ".Suau huomata , ku puaksumbah vuozisual XV tädä sanua käyttäy Jefrosin Belozerskii .
Brokgauzan da Jefronan tiedosanakniigas on kirjutettu , ku sanua puaksumbah suau vastata ven'alazis rahvahan suarnois merkičykses "voittai , rohkei , ricari , bohatteri .Ven'an kielen kanzallizes korpusas sanan maksimualline käyttömiäry on XIX vuozisuan allus , sit tulii pieni käyttönouzu kuuluu A . S . Puškinan da M . J . Lermontovan luomisruadoh .
Kul'tuuras
Runoelmu "Sana Igor'an polkah nähte " (ven . "Слово о полку Игореве "),
Šot Rustavelin runoelmu "Vit'azi tigran nahkas " (ven . "Витязь в тигровой шкуре "),
Aleksandr Puškinan runoelmu "Ruslan da L'udmila ",
Viktor Vasnecovan kuvat Jälles Igor' Sv'atoslavovičan torua polovcoinke (ven . "После побоища Игоря Святославича с половцами ") (1880), Vit'azi ristudorogal (ven . "Витязь на распутье ") (1882).
Vit'azi
Livvi
New written Livvic