Texts
Return to list | edit | delete | Create a new | history | Statistics | ? Help
Nikolai Filatov
Nikolai Filatov
Livvi
New written Livvic
Nikolai Petrovič Filatov (karjalakse
Fil'oin Miikul ) on karjalaine TV - da ruadivotoimittai , kiändäi .
Eloskerdu
Nikolai Filatov on roinnuhes vuvvennu 1939 Priäžän čupun Haroilan kyläh karjalazeh pereheh .Miehel on Kolatsellän kylän paginluadu .
Opastui Kolatsellän školas .Opastundu seiččemendeh kluassassah oli kogonah suomen kielel , sendäh Filatoval on hyvä suomen kielen nero .Suomen kielen opastundua Nikolai Filatov jatkoi Petroskoin valdivonyliopistos suomen kielen ozastol , kunne piäzi opastumah vuvvennu 1956.Ehti opastuo kaksi puolenke vuottu , kui suomen kieli Karjalas kiellettih .Opastujat pandih opastumah ven'an kielen ozastole .Ga erähät yhtelläh jatkettih suomen kielen opastundua , heijän joukos oli Filatovgi .
Nikolai Filatov ruadoi ven'an kielen da fiiziekan opastajannu , oli Kolatsellän školan johtajannu .
Ruadoh Karjalan ruadivoh da TV :h tuli vuvvennu 1972, oli enzimäzii , ken Karjalan ruadivos da TV :s rubei pagizemah karjalakse .Toimittajan leivis mies oli kaksikymmen seiččie vuottu .Sit aijas on ristin-rästin ajelluh Karjalan , pagizutannuh rahvastu , luadinuh äijän ruadivo - da tv-ozutustu karjalan da suomen kielel .
Nikolai Filatov on penziel .Ga ruaduo karjalan kielen hyväkse jatkau .Kirjuttelou Oma Mua -lehteh , kiändäy .Jo penziel olles Filatov kiändi karjalakse kuulužat Kanzallizen teatran ozutelmat "Pyhäžy dielo " da "Hodari ".
Nikolai Filatov
Livvi
New written Livvic