Texts
Return to list | edit | delete | Create a new | history | Statistics | ? Help
Artur Parfenčikov
Artur Parfenčikov
Livvi
New written Livvic
Artur Olegovič Parfenčikov (29. kylmykuudu
1964, Petroskoi , Karjalan avtonoumine socialistine nevvostotazavaldu , VSFNT , Nevvostoliitto ) on Ven'an valdivomies , Karjalan tazavallan piämies syvyskuun 25. päiväs 2017 (vvt 15. tuhukuudu — 25. syvyskuudu 2017).Kaksi kerdua on vallittu täh virgah .
Federuallizen suudodieloloin tovendajien palvelun johtai — Ven'an Federacien suudodieloloin piätovendai vuvven 2008 talvikuun 29. päiväs vuvven 2017 tuhukuun 15. päivässäh .Ven'an Federacien toimii oigevuonhoijon 1. kluasan valdivonevvoi .
Eloskerdu
Artur Parfenčikov on roinnuhes Petroskois , hänen lapsusaigu meni Pitkänrannan piirin Kurkijoven kyläs .Vuvvennu 1982 loppi Petroskoin školan № 17.Školavuozinnu suvaičči kon'kittua , täytti Nevvostoliiton sportumuasterin kandiduatan standartat , kuului Dinamo-sportuyhtevykseh .
Opastus
Vuvvennu 1987 Parfenčikov loppi Piiterin A . A . Ždanovan nimizen valdivonyliopiston oigevuontiijon tiedokunnan .Opastui yhtes Dmitrii Medvedevanke da Konstantin Čuičenkonke .
Ruado
Karjalan prokuratuuras
Vuozinnu 1987—1988 Parfenčikov oli Karjalan avtonoumizen socialistizen nevvostotazavallan Anuksen piirin prokuroran abuniekannu .
Vuozinnu 1988—1991 — Anuksen piirin prokuratuuran tarkastussud'd'u .
Vuozinnu 1991—1995 — Sordavalan linnan prokuroran sijahine .
Vuozinnu 1995—2000 — Petroskoin linnan prokuroran sijahine .
Vuozinnu 2000—2006 — Petroskoin linnan prokuror .
Suudodieloin tovendai
Heinykuul vuvvennu 2006 Parfenčikovua pandih Federuallizen suudodieloloin tovendajien palvelun Piiterin hallindon johtajakse — Piiterin suudodieloloin piätovendajakse .
Vuvvennu 2007 Parfenčikov rodih Federuallizen suudodieloloin tovendajien palvelun johtajan sijahizekse — Ven'an Federacien Federuallizen suudodieloloin tovendajien palvelun suudodieloloin piätovendajan sijahizekse .
Vuvves 2008 vuvven 2017 tuhukuun 15. päivässäh oli Ven'an Federuallizen suudodieloloin tovendajien palvelun johtajannu .
Karjalan tazavallan piämies
15. tuhukuudu vuvvennu 2017 Parfenčikovua pandih Karjalan tazavallan piemiehen virgah toimijah .
10. syvyskuudu vuvvennu 2017 Parfenčikov voitti Karjalan tazavallan piämiehen valličukses , hänes iänesti 61,34% valliččijua . Oli Yhtenäine Ven'a -puolovehen ehoitettu .25. syvyskuudu vuvvennu 2017 virrallizesti tuli Karjalan tazavallan piämiehen virgah .
11. syvyskuudu vuvvennu 2022 Parfenčikov voitti Karjalan tazavallan piämiehen valličukses Yhtenäine Ven'a -puolovehen kandiduatannu , hänes iänesti 69,15% valliččijua .
Kluassučiinu
Ven'an Federacien toimii oigevuonhoijon 2. kluasan valdivonevvoi (13. talvikuudu 2007).
Ven'an Federacien toimii oigevuonhoijon 1. kluasan valdivonevvoi (22. kezäkuudu 2009).
Palkindot
IV astien kunnivomerki "Arvoruadolois Ižänmuan hyväkse " (ven . За заслуги перед Отечеством ) — panokses Karjalan tazavallan sociualu-talovuollizeh kehitykseh .
Kunnivon kunnivomerki (ven . Oрден Почёта );
II astien kunnivomerkin medali "Arvoruadolois Ižänmuan hyväkse " (ven . "За заслуги перед Отечеством ");
Ahmat Kadirovan nimine kunnivomerki (Čečeenii , 2009) — panokses Suudodieloloin tovendajien palvelun sistieman kehittämizes Čečeenien tazavallas ;
Kunnivomerki "Arvoruadolois Karačajevo-Čerkessien tazavallan hyväkse " (ven . "За заслуги перед Карачаево-Черкесской Республикой ") (31. ligakuudu 2015) — arvoruadolois Karačajevo-Čerkessien tazavallan kanzalazien oigevuksien puolistamizes .
Aleksandr Nevskoin kunnivomerki (2024) "persounallizis arvoruadolois Ižänmuan hyväkse valdivollizes rakandamizes , monivuodizes kunnollizes ruavos da korgielois tuloksis virgutehtävii täyttäjes ".
Arvonimet
Ven'an Federacien arvostettu juristu (22. talvikuudu 2005) — arvoruadolois zakonalližuon lujittamizes da monivuodizes kunnollizes ruavos ;
Ven'an Federacien oigevuonhoijon kunnivoruadai ;
Ven'an Federacien prokuratuuran kunnivoruadai .
Muu
21. kezäkuudu vuvvennu 2017 eräs Čečeenien tazavallan Urus-Martanovskoin piirin Martan-Ču-kylän uuličču sai Parfenčikovan nimen .
Sankciet
24. tuhukuudu vuvvennu 2023 Amierikan Yhtysvaldoin Valdivodepartuamentu pani Parfenčikovua amierikkalazeh sankcieloin luvetteluh .
Pesounalline elos
Artur Parfenčikov on tostu kerdua naizis .
Enzimäine akkah , Natalja Aleksejevna Gul'ajeva , ruadoi Karjalan tazavallan Ylimäzen suvvon johtajan sijahizennu , vuvven 2020 kevätkuus on Piiterin yhtehizen zakonankäyttövallan toizen apel'aciisuvvon johtajan sijahizennu .
Anastasija-tytär — juristu , vuvvennu 2016 loppi Urualan valdivollizen oigevustiijon yliopiston .
Poigah — Moskovan enzimäzen kadiettukorpusan kazvatti , sit loppi Moskovan valdivollizen oigevustiijon yliopiston .
Toine akkah Jelena Vladimirovna on liečetiedotiedoloin douhturi , liäkäri-gastroenteroulogu , Moskovan A . S . Loginovan nimizen kliniekkutiedokeskuksen diagnostizen endoskopien ozaston johtai .
Parfenčikov suvaiččou kon'kittua , matkustella da kalastella .
Artur Parfenčikov
Livvi
New written Livvic
15.
21.
24.