Texts
Return to list | edit | delete | Create a new | history | Statistics | ? Help
Vladimir Stepanov
Vladimir Stepanov
Livvi
New written Livvic
Vladimir Sevastjanovič Stepanov (21. kevätkuudu
1927 — 14. kezäkuudu 2022) on Nevvostoliiton valdivomies da puolovehen ruadai , diplomuattu , ylimiäräine da täyzivaldaine poslu .
Eloskerdu
Oli roinnuhes 21. kevätkuudu vuvvennu 1927 Avtonoumizen Karjalan socialistizen nevvostotazavallan Kondupohjan piirin Kavgoran kyläh .On karjalaine .Hänen tuattah ruadoi puutevolližuon alal da oli Suurel Ižänmuallizel voinal , oli Kondupohjan mehaniziiruitun meččyruadokeskuksen da Rugajärven lespromhouzan piälikönny .
Školavuozinnu Stepanov opastui Kondupohjas , Rugajärves , Tikšas , evakon aigah – Komis , sit Petroskois vuvvennu 1945 loppi školan .
Vuvvennu 1950 loppi Moskovan valdivollizen rahvahankeskezien välilöin yliopiston da tuli ruadamah Karjalah .Händy pandih Kul'tuuran da tiijonandolaitoksien ruaduo kaččojan komitietan Luvendoloin b'uron keskuksen piälikökse , kudai ruadoi Karjal-Suomelazen nevvostotazavallan Ministroin Nevvoston tyves .
Vuvves 1952 kuului Kogo Nevvostoliiton kommunistizeh partieh .Vuvvennu 1952 händy vallittih Karjal-Suomelazen socialistizen nevvostotazavallan Leninan komsomolan nuorižoliiton keskuskomitietan sekretarikse .
Vuozinnu 1955—1958 Stepanov oli Karjalan avtonoumizen socialistizen nevvostotazavallan Kondupohjan piirin Leninskii put' -kolhozan piälikönny .
Vuvvennu 1961 loppi Yhteiskundutiedoloin akadiemien , kudai ruadoi Kommunistizes partien keskuskomitietan tyves .On histourientiedoloin kandiduattu .
1961—1963 oli Kommunistizen partien Karjalan komitietan sekretarinnu .
1963—1970 oli Nevvostoliiton posol'stvan nevvonandajannu Suomes .
1970—1973 — Nevvostoliiton kommunistizen puolovehen keskuskomitietan tyves ruadajan Yhteiskundutiedoloin akadiemien välly opastui .
1973—1979 — ylimiäräine da täyzivaldaine poslu Suomes .
1979—1984 — Karjalan avtonoumizen socialistizen nevvostotazavallan Ministroin Nevvoston piälikön enzimäine sijahine .
Pakkaskuu —sulakuu 1984 — Nevvostoliiton kommunistizen partien Karjalan komitietan sekretari .
Vuozinnu 1984—1989 — Nevvostoliiton kommunistizen partien Karjalan komitietan enzimäine sekretari .
Stepanov oli Nevvostoliiton Korgeviman Nevvoston 11. kučundukerähmön deputuatannu (1984-1989), Nevvostoliiton kommunistizen partien XXV da XXVII kerähmön deleguatannu .
Vuozinnu 1986-1990 oli Nevvostoliiton kommunistizen partien keskuskomitietan ozanottajannu .
Stepanov on Suomen korgeviman kunnivomerkin — Suuren ristan Tiähtenke kavalieru .
Kuoli 14. kezäkuudu vuvvennu 2022 Moskovas 95 vuvven ijäs .
On pandu muah Trojekurovskoile kalmužimale .
Vladimir Stepanov
Livvi
New written Livvic