VepKar :: Texts

Texts

Return to list | edit | delete | Create a new | history | Statistics | ? Help

Edvard Gylling

corpus: Journalistic texts

Source:
RUWIKI(livv): https://olo.ruwiki.ru/wiki/Edvard_Gylling

РУВИКИ: https://ru.ruwiki.ru/wiki/Гюллинг,_Эдвард_Александрович

Edvard Gylling

Livvi
New written Livvic
Edvard Otto Vilhelm Gylling (ruoč. Edvard Otto Wilhelm Gylling, ven. Гюллинг, Эдвард Александрович), 30. kylmykuudu 1881, Kuopio, Suomen suuri kniäzikundu, Ven'an valdukundu — 14. kezäkuudu 1938, Nevvostoliitto) on suomelaine sociualu-demokruattine poliitiekku, Suomen parluamentan deputuattu vuozinnu 1908—1910 da 1911—1918, vallankumovusmies, Ruskien gvardien štuaban piälikkö, Karjalan ruadokommuunan enzimäine piälikkö, filosoufientiedoloin douhturi. Gylling oli Nevvostoliiton keskustoimehpaniikomitietan kaikkien kučundukerähmölöin ozanottajannu.

Eloskerdu
Oli roinnuhes 30. kylmykuudu vuvvennu 1881 Kuopios Suomen ruoččilazien pereheh, kudai kuului keskikluassah. Hänen tuattah Uno Aleksandr Gylling oli raududorogan inženierannu. Muamah oli Jevgenija Viktorija Klotil’da Ganrietta Helsingius. Edvard oli toizennu lapsennu kymmenen lapsen perehes.
Edvardan lapsus- da nuorusaigu mendih vahnembien kois – Kalmaan usad’bas Ikaalizen lähäl.
Vuvvennu 1900 Jyväskylän Lyseon lukio lopiettuu häi piäzi opastumah Imperuattoran Aleksandran yliopistoh Helsingforsas.
Vuvvennu 1903 loppi magistrannu yliopiston talovus da statistiekku -opastusalan mugah. Tutki Suomen kyläläzien ruadajien elostu.
Vuvvennu 1909 Gylling sai filosoufien douhturin oppiarvon. Hänen douhturin väitösruado oli omistettu muavälilöin kehittämizele Suomes da muattomien muanruadajien (torpariloin) tilale. Vuozinnu 1910—1918 ruadoi Helsingforsan yliopiston docentannu talovuollizen statistiekan kursal. Samal aigua sluuži Helsingforsan valdivollizes statistiekkuhallindos statistiekannu.

Poliittine toimindu
Vuvvennu 1905 Gylling yhtyi Suomen sociualu-demokruattizen partien huruah marksilazeh puoleh.
Vuozinnu 1906—1908 ruadoi partien Sosialistinen Aikakauslehti -julgavon ("Socialistine žurnualu") piätoimittajannu. Žurnualan perustettih Edvard Gylling, Yrjö Sirola, Otto Kuusinen da Sulo Wuolijoki.
15.—16. kevätkuudu vuvvennu 1907 Suomen suures kniäzikunnas piettih enzimäzet valličukset yksikamarillizeh parluamentah. Vuozinnu 1908—1918 Edvard Gylling oli parluamentan deputuatannu Suomen sociualu-demokruattizes partiespäi.
Vuozinnu 1913—1917 Gylling oli Suomen sociualu-demokruattizen partien toimehpaniikomitietan ozanottajannu, 1917—1918 — Suomen sociualu-demokruattizen partien piälikönny.
Vuvvennu 1918 Gylling yhtyi Suomen Kommunistizeh partieh, rodih sen Keskuskomitietan ozanottajakse.

Vallankumovus da rahvahienväline voinu Suomes
Vuvven 1918 Suomen vallankumovuksen aigua Edvard Gylling ruadoi vallankumovuksen halličukses raha-aziimiehenny, sen jälles vallankumovuksen halličuksen varapiälikönny. Vuvven 1918 sulakuus algajen oli Ruskien gvardien Piäštuaban piälikönny. Häi yhtyi Viiborgan puolistukseh.
Vallankumovuksen hävitändän jälles Gylling läs puolduvuottu ruadoi peitoči, vuvven 1918 lopus muutti Ruoččih da ruadoi Stokgol'mas Suomen kommunistizen partien keskuskomitietan ulgomuan b'uros. Vuvvennu 1919 Gylling ruadoi III Kommunistizen internacionualan Skandinuavien komitietan sekretarinnu.

Nevvosto-Karjal
Vuvvennu 1919 sygyzyl Edvard Gylling työndi Vladimir Leninale iččeh valmistetun Kehoitus Karjalan kommuunas -dokumentan. Kehoituksen tarkoituksennu oli perustua Karjalan kommuunu Svirin joves Jiävaldumeressäh, sen avul pidi sellittiä kolme ongelmua: täyttiä Karjalan eläjien kanzallizet kiinnostukset, ottua iäre Suomel perustat Päivännouzu-Karjalan järilleh suandas da luadie pohju vallankumovuksele Suomes da Skandinuavien mualois. Sen mugah Karjalan kommuunas pidi roita socialistine vaihtovariantu Suomen buržualistovaldivole.
Karjalan kanzallis-valdivollizes rakendehes äijän kerdua paistih Ven'an federatiivizen socialistizen nevvostotazavallan johtajat. Vuvven 1920 kevätkuun — sulakuun allun aigah Nevvostohalličuksen johtai V. I. Lenin pagizi sih nähte Ven'an bol'ševiekkoin kommunistizen puolovehen IX kerähmön deleguatoinke Anuksen gebernien partiiyhtistyksespäi.
Leninan kučus Gylling tuli Moskovah da vuvven 1920 oraskuun puolivälis Kremlis Lenin pidi paginua Gyllinganke da toizen kommunistu-emigrantan, endizen Suomen vallankumovuksellizen halličuksen ozanottajan J. K. Sirolanke "Karjalan avtonoumizen tazavallan perustamizeh nähte". Gylling kehoitti andua Karjalale talovuollizen da aiga levien avtonoumien. Lenin hyväksyi Gyllingan kehoituksen.
Vuvven 1920 oraskuus Gylling yhtyi Ven'an bol'ševiekkoin kommunistizeh partieh.
8. kezäkuudu vuvvennu 1920 Kogo Ven'an keskustoimehpaniikomitietan dekrietän mugah Anuksen da Arhangelin gubernies, kus elettih karjalazet perustettih Karjalan ruadokommuunu. Petroskoi sit rodih gubernien piälinnakse da Karjalan avtonoumien keskuksekse.
Vuvven 1920 kezäkuus vuvven 1921 tuhukuussah Gylling oli Karjalan ruadokommuunan vallankumovuskomitietan enzimäzenny piälikönny.
Elokuul vuvvennu 1920 Gyllingan johtol norviegielaine inženieru H. Langset valmisti Karjalan ruadokommuunan kehityspluanan projektat.
11.-18. tuhukuudu vuvvennu 1921 I Kogo Karjalan Nevvostoloin kerähmön aigua Gyllingua vallittih Karjalan ruadokommuunan alovehen toimehpaniikomitietan piälikökse.
Heinykuul vuvvennu 1921 perustettu Luodehen alovehellizen talovusnevvoston perustandas rodih varavuo Karjalan ruadokommuunan avtonoumizele stuatusale. 23. sulakuudu vuvvennu 1921 Edvard Gylling Karjalan ruadokommuunan Rahvahan komissuaroin nevvoston piälikönny uvvessah vastai Leninan Kremlis da ezitti projektat. Gylling Ven'an federatiivizen socialistizen nevvostotazavallan ulgomualazien azieloin rahvahan komissuaran G. V. Čičerinan da Ven'an federatiivizen socialistizen nevvostotazavallan Rahvahan komissuaroin nevvoston (halličuksen) piälikön V. I. Leninan kannatuksel pani alguh dekrietän hyväksymizen, kudaman mugah tovestettas Karjalan ruadokommuunan avtonoumizet oigevuot. 26. sulakuudu vuvvennu 1921 mollembat dokumentat — Ven'an federatiivizen socialistizen nevvostotazavallan Rahvahan komissuaroin nevvoston da Ruavon da Puolistuksen Nevvoston piätös — hyväksyttih. Hyväksyttyh alovehen lähivuozien talovuon uvvistusohjelmah kuului rutto meččy-, bumuaganvalmistus- da kivenlouhindutevolližuon kehittämine.
Vuvvennu 1922 Gylling oli Karjal-Murmanskan sodavallankumovuskomitietan piälikönny.
Talvikuul vuvvennu 1922 Gyllingal leikattih hurai jalgu professoru G. I. Turneran bol'ničas Petrogruadas. Huruan siäriluun kylmändysviga, märrän olendu polviniveles da tartuttamine roittih kylmändän da jallan satatandan periä jiähallelmukseh pakuttuu. Jälles leikkavustu Gylling käytti kainalokeppilöi, vuvvennu 1925 ajoi Germuanieh, kus hänele luajittih kaksi protiezua.

Karjalan avtonoumine socialistine nevvostotazavaldu
Heinykuul vuvvennnu 1923 Karjalan ruadokommuunu muutettih Avtonoumizekse Karjalan socialistizekse nevvostotazavallakse. Gylling rodih Avtonoumizen Karjalan socialistizen nevvostotazavallan Rahvahien Komissuaroin Nevvoston piälikökse (oli nevvoston piälikönny vuodessah 1935).
Syvyskuul vuvvennu 1930 Avtonoumizen Karjalan socialistizen nevvostotazavallan Rahvahien Komissuaroin Nevvoston piätökses perustettih Karjalan tiedo-tutkimusinstituuttu. Sen piälikökse rodih Gylling, säilyttäjen halličuksen piälikön virran. Varapiälikökse häi pani Karjalan valdivollizen (kodialovehen) muzein johtajan Stepan Makarjevan. Sen ližäkse Gylling ruadoi opastajannu Karjalan valdivollizes pedagouguinstituutas. Häi kuului Karjalan talohus da statistiekku –žurnualan toimituskundah (ven. "Экономика и статистика Карелии").
Gylling kuului Ven'an federatiivizen socialistizen nevvostotazavallan Kogo Ven'an keskustoimehpaniikomitietan monien kučundukerähmölöih. Oli Kogo Nevvostoliiton bol'ševiekkoin kommunistizen partien Karjalan alovehkomitietan b'uroh kuulujannu. Händy vallittih Kogo Ven'an XI—XVI da Kogo Nevvostoliiton Nevvostoloin II-VII kerähmölöin deleguatakse.
Vuozinnu 1933 da 1936 Gylling oli erähänny Karjalan tiedosanakniigan redaktorois. Ga tiedosanakniigua ei piästetty ilmah, sen erähät redaktorat (E. A. Gylling, S. A. Makarjev, N. N. Vinogradov) sit suudittih da ammuttih.
1930-luvun puolivälis tazavallan johtokundah kohti rubei kuulumah kriitiekkua keskuksespäi — Gyllingua viäritettih "buržuaznois nacionalizmas", häi opitteli puolistua iččie viäritändöis ičenkriitiekal, ga se ei avvutannuh.
Pakkaskuul vuvvennu 1935 V Kogo Nevvostoliiton bol'ševiekkoin kommunistizen partien Karjalan alovehkomitietan plenumas E. A. Gyllingan poliittistu toimindua da hänen johtettuu "valankumovuksenvastastu" joukkuo moitittih. Ligakuul vuvvennu 1935 händy työttih iäre Avtonoumizen Karjalan socialistizen nevvostotazavallan Rahvahien Komissaroin Nevvoston piälikön virraspäi.
Sikse aigua, elokuul vuvvennu 1935, Kogo Nevvostoliiton bol'ševiekkoin kommunistizen partien Karjalan alovehkomitietan sekretarin virraspäi ajettih iäre hänen lähimäine abuniekku Gustav Rovio, kudamua työttih opastajan ruadoh Moskovah (otettu kiini da ammuttu vuvvennu 1938).
J. S. Vargan kyzyndäs Gyllingua työttih Kogo Nevvostoliiton bol'ševiekkoin kommunistizen partien ohjailub'uron vuvven 1936 pakkaskuun 16. päivän piätöksen mugah tutkimusruadoh Moskovah Nevvostoliiton tiedoakadiemien muailman talovuon da muailman poliitiekan instituuttah.

Kiinniotandu da tapandu
17. heinykuudu vuvvennu 1937 Gyllingua otettih kiini valehdielon "vallankumovuksenvastazes nacionalistizes Gyllingan — Rovion yhtistyksen" mugah.
Händy suudittih repressieloikse enzimäzen kategourien mugah vuvven 1938 kezäkuun 10. päivän Moskva-centr -luvettelus 88 hengie, № 25, NKVD:n valdivollizen turvalližuon piähallindon. Ozaston piälikön valdivollizen turvalližuon vahnemban majouran I. I. Šapiron ezitykses. Allekirjutettih: Stalin, Molotov. Nellän päivän peräs, 14. kezäkuudu vuvvennu 1938, Gyllingua viäritti Nevvostoliiton Korgeviman Nevvoston Sodakolliegii valankumovuksenvastazen terroristuyhtistykseh ozanotandas (Ven'an federatiivizen socialistizen nevvostotazavallan Kriminualukoudekan stat’t’u 58-1а-2-7-8-11) da samannu piän händy ammuttih Kommunarka-ammundukentäl. Moskovan ammundat vuvvennu 1937 da 1938 mendih NKVD:n rahvahan komissuaran Ježovan vuvven 1937 elokuun 25. da 30. päivien, syvyskuun 11. da 20. päivien käskylöis, kudamat roittih Keskuskomitietan Poliittizen b'uron saman vuvven heinykuun 2. päivän piätöksis.
Gyllingua reabilitiiruittih 16. kezäkuudu vuvvennu 1955 Nevvostoliiton Korgeviman suvvon Sodakolliegien piätökses persounan kul'tan borčan hantuzis.

Pereh
Vuvvennu 1906 Edvard naidih on Fanni Elizabet Ahren. Oldih venčan Ikaalisten kirkko 14. kezäkuudu vuvvennu 1906.
7. heinykuudu vuvvennu 1938 Fanni Gyllingua suudi Nevvostoliiton NKVD:n Erilline nevvottelu kui kodimuan pettäjän perehenhengie kaheksakse vuottu ruadoluagerii. Häi kuoli Karagandan luageris 6. syvyskuudu vuvvennu 1944. Fannii reabilitiiruittih 4. sulakuudu vuvvennu 1956.
Lapset:
tyttäret — Maija Elizabet Gylling (1907—1995) ruadoi Ivanovon alovehen Šuja-linnas opastajannu, Fanni Jelena Gylling (1910—1995) ruadoi Iževskas rakenduslaitoksen piäkonstruktorannu;
poigu — Valtter Eduardovič Gylling (1912—1988) ruadoi Tulas rakendushallindon piäinženierannu.

Palkindot
Ruskien Ruadoflavun kunnivomerki (20. sulakuudu vuvvennu 1931, ainavoluaduzis arvoruadolois Ven'an federatiivizen socialistizen nevvostotazavallan hyväkse Karjalas nevvostovallan lujittamizen alal);
Sampo-kunnivomerki (5. kezäkuudu vuvvennu 2019, kuoltuu; arvoruadolois Karjalan kanzallizen valdivolližuon perustandas da lujitandas).

Musto
Petroskois 8. kezäkuudu vuvvennu 1970 Nevvostorandupiha Lohijovensuus sai Gyllingan nimen.
Petroskois on säilynyh kodi, kuduas Gylling eli vuodessah 1935. Silloi tämä kaksikerroksine puutaloi oli eliittutaloinnu. Sie elettih kai tazavallan piämiehet.
Moskovas Gylling eli adresil Sverdlovan lagevo, taloi 3, fatieru 70.
Vuodessah 1936 Gyllingan nimi oli Volodarskoin uuličal Karhumäin Školapos'olkas.

Гюллинг, Эдвард Александрович

Russian
Э́двард О́тто Вильге́льм Гю́ллинг (Э́двард Алекса́ндрович Гю́ллинг, швед. Edvard Otto Wilhelm Gylling), 30 ноября 1881, Куопио, Великое княжество Финляндское, Российская империя — 14 июня 1938, СССР) — финский социал-демократический политик, депутат финляндского сейма в 1908—1910 и в 1911—1918 годы, революционер, начальник штаба Красной гвардии, первый руководитель Карельской трудовой коммуны, доктор философских наук. Был членом ЦИК СССР всех созывов.

Биография
Родился 30 ноября 1881 года в городе Куопио в семье финских шведов, принадлежавшей к среднему классу. Его отец, Уно Александр Гюллинг, был районным инженером-путейцем. Мать — Евгения Виктория Клотильда Генриетта Хельсингиус. Эдвард был вторым ребёнком в семье из десяти детей.
Детские и юношеские годы Эдварда прошли в имении родителей — усадьбе Калмаа близ Икаалинена.
В 1900 году после окончания лицея в Ювяскюля (Jyväskylän Lyseon lukio) поступил в Императорский Александровский университет в Гельсингфорсе.
В 1903 году окончил магистром университет по специальности "экономика и статистика". Занимался изучением жизни сельского трудового населения Финляндии.
В 1909 году получил степень доктора философии. Его докторская диссертация была посвящена истории развития земельных отношений в Финляндии и положению безземельных крестьян-торпарей. В 1910—1918 годах работал доцентом Гельсингфорского университета по курсу экономической статистики. Одновременно служил статистиком в государственном статистическом управлении Гельсингфорса.

Политическая деятельность
В 1905 году вступил в Социал-демократическую партию Финляндии (СДПФ), принадлежал к её левому, марксистскому крылу.
С 1906 по 1908 год — ответственный редактор партийного издания "Sosialistinen Aikakauslehti" ("Социалистический журнал"), организованного совместно с Юрьё Сирола, Отто Куусиненом и Суло Вуолийоки.
15 и 16 марта 1907 года в Великом княжестве Финляндском состоялись первые выборы в однопалатный сейм. С 1908 по 1918 год Эдвард Гюллинг — депутат Сейма от Социал-демократической партии Финляндии.
В 1913—1917 годах — член Исполкома СДПФ, а в 1917—1918 — председатель СДПФ.
В 1918 году вступил в Коммунистическую партию Финляндии, вошёл в состав её Центрального комитета.

Революция и гражданская война в Финляндии
Во время Финляндской революции 1918 работал в революционном правительстве уполномоченным по делам финансов, а затем — заместителем председателя революционного правительства. С апреля 1918 года — начальник Главного штаба Красной гвардии. Принимал непосредственное участие в обороне Выборга.
После поражения революции, около полугода работал в подполье, в конце 1918 года эмигрировал в Швецию и там работал в Стокгольме в загранбюро ЦК компартии Финляндии. В 1919 году — секретарь Скандинавского комитета III Коммунистического интернационала.

Советская Карелия
Осенью 1919 года Эдвард Гюллинг направил В. И. Ленину подготовленное им "Предложение о Карельской коммуне". Суть "Предложения" сводилась к тому, чтобы посредством образования Карельской коммуны на пространстве от реки Свирь до Северного Ледовитого океана решить три проблемы: удовлетворить национальные интересы карельского населения, лишить Финляндию оснований претендовать на Восточную Карелию и создать плацдарм для подготовки революции в Финляндии и Скандинавских странах. В соответствии с этими "Предложениями" Карельская коммуна должна была стать своего рода социалистической альтернативой буржуазному финляндскому государству.
Вопрос о национально-государственном устройстве Карелии неоднократно рассматривался руководством РСФСР. В конце марта — начале апреля 1920 года глава Советского правительства В. И. Ленин говорил об этом с делегатами IX съезда РКП(б) от Олонецкой губернской партийной организации.
По приглашению В. И. Ленина Гюллинг прибыл в Москву и в середине мая 1920 года в Кремле состоялась беседа Ленина с Гюллингом и другим финским коммунистом-эмигрантом, бывшим членом Финляндского революционного правительства Ю. К. Сирола "по делам о создании Карельской автономной республики". Гюллинг предложил предоставить экономическую и вообще относительно широкую автономию Карелии. Ленин предложение Гюллинга одобрил.
В мае 1920 года принят в члены РКП(б).
8 июня 1920 декретом ВЦИК из населённых карелами местностей Олонецкой и Архангельской губерний была образована Карельская трудовая коммуна. При этом Петрозаводск стал "двойной" столицей — главным губернским городом и центром карельской автономии.
С июня 1920 по февраль 1921 года — первый председатель Ревкома Карельской трудовой коммуны.
В августе 1920 года под его руководством, норвежским инженером X. Лангсетом, были подготовлены проекты плана развития Карельской трудовой коммуны.
На 1-м Всекарельском съезде Советов 11-18 февраля 1921 года Гюллинг был избран председателем областного исполнительного комитета Карельской трудовой коммуны (Карисполкома).
Образование в июле 1921 году Северо-Западного регионального экономического совета (СевзапЭкосо) подвергало опасности сложившийся автономный статус Карельской Трудовой Коммуны (КТК). 23 апреля 1921 года Эдвард Гюллинг, как председатель Совнаркома КТК, снова встретился с Лениным в Кремле и представил проекты. Гюллинг, при поддержке наркома иностранных дел РСФСР Г. В. Чичерина и председателя Совета Народных Комиссаров (правительства) РСФСР В. И. Ленина, инициировал утверждение декрета, подтверждающего автономные права КТК. 26 апреля 1921 года оба документа — постановление Совета народных комиссаров РСФСР и Совета Труда и Обороны были одобрены. Принятая программа промышленного преобразования края на ближайшие годы состояла в ускоренном развитии деревообрабатывающей, бумагоделательной и горной промышленности.
В 1922 году занимал пост председателя Карело-Мурманского военного революционного комитета.

В декабре 1922 года Эдварду Гюллингу ампутировали левую ногу в клинике профессора Г. И. Турнера в Петрограде. Острое воспаление левой большеберцовой кости, скопление гноя в коленном суставе и резко выраженное общее заражение были вызваны обморожением и повреждением ноги в результате попадания в трещину во льду. После операции ходил на костылях, в 1925 году выезжал в Германию, где для него было изготовлено два протеза.

Автономная Карельская ССР
В июле 1923 года Карельская трудовая коммуна была преобразована в Автономную Карельскую Советскую Социалистическую Республику (АКССР). Гюллинг возглавил руководящий орган — был избран председателем Совета Народных Комиссаров АКССР (возглавлял совет до 1935 года).
В сентябре 1930 года постановлением СНК Автономной Карельской ССР был учреждён Карельский научно-исследовательский (комплексный) институт. Эдвард Гюллинг стал директором КНИИ, сохранив при этом должность главы правительства. Заместителем он назначил заведующего Карельским государственным (краеведческим) музеем Степана Макарьева. Кроме того Гюллинг преподавал в Карельском государственном педагогическом институте. Являлся членом редколлегии журнала "Экономика и статистика Карелии".
Член ВЦИК РСФСР нескольких созывов. Член Бюро Карельского Обкома ВКП(б). Избирался делегатом XI—XVI Всероссийских и II—VII Всесоюзных съездов Советов.
Гюллинг был одним из редакторов Карельской энциклопедии, работа над которой велась с 1933 по 1936 год. Однако энциклопедия так и не была издана, а большинство её редакторов (среди них: Э. А. Гюллинг, С. А. Макарьев, Н. Н. Виноградов) были впоследствии арестованы и расстреляны.
К середине 1930-х годов в адрес руководства республики начала раздаваться критика со стороны центра — Гюллинга обвиняли в "буржуазном национализме", он пытался в форме самокритики оградить себя от обвинений, но безрезультатно.
В январе 1935 года на V пленуме карельского областного комитета ВКП(б) политическую деятельность Гюллинга Э. А. и возглавляемой им "контрреволюционной" группировки осудили. В октябре 1935 года он был смещён с поста председателя Совнаркома Автономной Карельской ССР.
К этому времени, в августе 1935 года, с поста секретаря Карельского обкома ВКП(б) был смещён его ближайший соратник Густав Ровио и направлен на преподавательскую работу в Москву (арестован и расстрелян в 1938 году).
По просьбе Е. С. Варги, Эдвард Гюллинг был командирован решением Оргбюро ЦК ВКП(б) от 16 января 1936 года на исследовательскую работу в Москву в Институт мирового хозяйства и мировой политики АН СССР.

Арест и расстрел
17 июля 1937 года Гюллинг был арестован по якобы сфабрикованному делу о "контрреволюционной националистической организации Гюллинга — Ровио".
Подписан к репрессии по первой категории (расстрел) в списке "Москва-центр" от 10 июня 1938 на 88 чел., № 25, по представлению начальника 8-го отдела ГУГБ НКВД ст. майора госбезопасности И. И. Шапиро. Подписи: Сталин, Молотов. Через четыре дня, 14 июня 1938 года, Гюллинг был осуждён Военной коллегией Верховного суда СССР по обвинению в участие в контрреволюционной террористической организации (ст. 58-1а-2-7-8-11 УК РСФСР) и в тот же день расстрелян на полигоне "Коммунарка". Московские расстрелы 1937 и 1938 годов явились следствием приказов наркома НКВД Ежова от 25 и 30 августа, 11 и 20 сентября 1937 года, которые, в свою очередь, появились в результате решений Политбюро ЦК от 2 июля того же года.
Гюллинг был реабилитирован 16 июля 1955 года решением Военной коллегии Верховного суда СССР в рамках борьбы с культом личности.

Семья
В 1906 году Эдвард женился на Фанни Элизабет Ахрен. Венчание состоялось в церкви Икаалинена (Ikaalisten kirkko) 14 июня 1906 года.
Фанни Гюллинг была осуждена 7 июля 1938 года ОСО при НКВД СССР как член семьи изменника Родины на 8 лет исправительно-трудовых лагерей. Она умерла в Карагандинском лагере (Карлаг) 6 сентября 1944 года. Реабилитирована 4 апреля 1956 года.
Дети:
дочери — Майя Элизабет Гюллинг (1907—1995) работала учительницей в г. Шуя Ивановской области, Фанни Елена Гюллинг (1910—1995) работала главным конструктором в строительной организации в г. Ижевск;
сын — Валттер Эдуардович Гюллинг (1912—1988) работал главным инженером строительного управления в г. Тула.

Награды
орден Трудового Красного Знамени (20 апреля 1931, за исключительные заслуги перед РСФСР в области укрепления советской власти в Карелии);
орден "Сампо" (5 июня 2019, посмертно; за особо выдающиеся заслуги в создании и упрочении национальной государственности Карелии).

Память
В Петрозаводске именем Гюллинга 8 июня 1970 года была переименована Советская набережная в пойме реки Лососинки — Набережная Гюллинга.
В Петрозаводске сохранился дом, в котором Эдвард Гюллинг жил до 1935 года. Тогда это двухэтажное деревянное здание было элитным. Там жили все руководители республики.
В Москве Гюллинг проживал по адресу площадь Свердлова, д. 3, кв. 70.
До 1936 г. имя Гюллинга носила улица Володарского в Школьном посёлке Медвежьей Горы.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages