VepKar :: Texts

Texts

Return to list | edit | delete | Create a new | history | Statistics | ? Help

Kažin päivy

corpus: Journalistic texts

Source:
RUWIKI(livv): https://olo.ruwiki.ru/wiki/Kažin_päivy

РУВИКИ: https://ru.ruwiki.ru/wiki/День_кошки

Kažin päivy

Livvi
New written Livvic
Kažin päivy (sežo Kažiloin päivy) on ei-virralline pruazniekku, kudai on omistettu kažiloile, sidä pietäh joga vuottu muailman eri mualois.
Ven'al pruazniekkua ruvettih pidämäh vuvvennu 2004 Moskovan kažin muzein da ven. "Кот и пёс" -žurnualan ruadajien alguhpanos, kuduat luajittih enzimäzen kažiloile omistetun pivon. Aijan aloh sen piendy rodih perindöllizekse.
Kanzoinvälisty Kažiloin päiviä pietäh 8. elokuudu. Ven'al sidä pietäh 1. kevätkuudu.
Joga vuottu sinäpiän pietäh ozutteluloi da kilboi rodukažiloih niškoi, poččivoijah elättilöi magieloil syömizil, kerätäh dengua koittomien elättilöin kannattamizekse. Elättilöin suojuspaikat luajitah ozutteluloi elättilöin tulieloih ižändöih nähte.

Pruazniekan perindöt
Kaži on ylezimii kodielättilöi muailmas. Kanzoinvälisty kažiloin päiviä pietäh muailmas 8. elokuudu. Sen tarkoituksennu on yhtistiä kažiloin suvaiččijoi da andua midä vai vois enämbi tieduo kažiloin eri lajilois.
Jogavuodizen Muailman kažiloin päivän (World Cat Day) piendyperindö rodih vuvvennu 2002 Kanzoinvälizen elättilön suojelufondan (Animal Welfare) alguhpanos da levii kogo muailmah. Vuvves 2020 algajen tapahtuman luadijannu on hyvyönluajinduyhtistys International Cat Care.

Ven'al
Ven'al tädä pruazniekkua pietäh 1. kevätkuudu. Pruazniekku hyväksyttih vuvvennu 2004 Moskovan kažin muzein da ven. "Кот и пёс" -žurnualan ruadajien alguhpanos. Aijan aloh se rodih perindöllizekse da sen pidäjiä rodih enämbi.
Pruazniekku kiinittäy yhteiskunnan huomavuo koittomien elättilöin ongelmih. Sinäpiän tavan mugah pietäh hyvyönluajindupidoloi, kerätäh lahjoituksii koittomien elättilöin hyväkse, pietäh rodukažiloin ozutteluloi da kilboi, kävväh kotokafeh, ihastutetah omii elättilöi eri magevuksil da uuzil bobazil. Kažiloin suojuspaikat sežo luajitah ozutteluloi, kudamis tuttavutetah kävyjii elättilöinke, annetah mahton niilöile suaja uuzi kodi.
Ven'an eri linnois on omii paikallizii kažiloin päivän piendyperindölöi.
Piiteris kažiloin histourii sai allun XVIII vuozisual imperuattoran Jelizaveta Petrovnan hyvyös, kudai kučui dvorčah valdivopalveluh kažiloi, ku net vardoittas händy hiirilöis. Imperuattoran käskyn mugah Talvidvorčah tuodih kolmekymmen parastu kazanskoin lajin elättii. Vuvves 2005 algajen Piiterin eläjät joga vuottu kevätkuun lopul kunnivoijah elättilöi Ermituažas (enne pruazniekal oli Kevätkuun kažin päivy Ermituažas -nimi (ven. "День Мартовского кота в Эрмитаже"), sen nygöine nimi on "Ermituažan kažin päivy"(ven. "День эрмитажного кота"). Tämän ližäkse linnas on vie yksi piiteriläzile kažiloile omistettu pruazniekku, kudamua pietäh 8. kezäkuudu — Piiterin emä- da uroskažiloin päivy.
Kaliningruadas Kažin päiviä pietäh 5. syvyskuudu.

Toizis mualois
Kažin päiviä pietäh monis mualois, jogahizes omannu päivänny. Pol'šas — 17. tuhukuudu, Japounies — 22. tuhukuudu, Amierikan Yhtysvallois — 16. ligakuudu da 29. ligakuudu, а Itualies — 17. kylmykuudu. Joga muas ollah omat pruazniekkuperindöt da kažiloin kunnivoičendutavat. Avatah puustoloi, laukkoi, hoteliloi da kotokafieloi kažiloih nähte, luajitah temuattizii ozutteluloi, kudamis ezile pannah ei vaiku kuvii, ga elättilöin eri lajiloigi.
Amierikan Yhtysvallois pruazniekku rodih perindöllizekse vuvves 2005 algajen. Sie 16. ligakuudu pietäh koittomien da välläl eläjien kažiloin päiviä, а 29. ligakuudu — Kažin päiviä Amierikan Yhtysvallois. Nämmii pruazniekkoi pietäh yhtes Amierikan elättilöin kohtah kovasydämellizen kosketuksen vastustusyhtistyksenke (ven. Американского общества по предотвращению жестокого обращения с животными).
Japounies ruvettih pidämäh Kažiloin päiviä vuvves 1987 algajen. Kažit voidih auttua kirikkölöis da suaja prihodalazien kannatustu. Net oldih kaikis laivois taguzien da kniigoin hiirilöis da rotis suojelemizekse. Laukois suau ostua kažin figuurua yhten nostetun käbälänke, niilöi sanotah "maneki-neko", net ollah lykyn da kyllyön tuondan simvolannu.
Kitais hyviä da huolekastu kosketustu kažiloin kohtah miärätäh zakonoinluajindutazol. Histouriellizesti Kitain rahvas syödih nämmii elättilöi, ga nygözes yhteiskunnas kažit ollah valdivon suojeltavat. Se, ken luadiu pahua kažile, suau štruafun dai händy vie voijah ottua kiinigi kahtekse nedälii.
Itualies pietäh erinomastu pruazniekkua — Mustien kažiloin suojelupäiviä, sidä tunnetah sežo Mustien kažiloin päivänny. Sen pani alguh vuvvennu (2007) Itualien elättilöin da ymbäristön suojeluliitto. Keskiaigoih mustii kažiloi piettih ozattomuon da pahoin hengien simvolannu, sendäh äijii niilöis poltettih robl'olois. Tädä pruazniekkua perustajes itualielazet piätettih suaja endizeh kundoh nämmien kažiloin maineh da tunnustua niilöin arvo.
Statiestiekkutiedoloin mugah mustii kažiloi harvembahgi otetah suojuspaikoispäi. Aktivistat ei vaiku auteta niilöile löydiä uuzi kodi, ga palkitah rahvahii, kudamat žiälöijäh niidy.
Ei kaikis mualois kažiloi pietä ozattomuon simvolannu. Ezimerkikse, Šotlandies on olemas uskomus, ku mustu kaži tuou taloih rikkahuttu. Anglies duumaijah, ku mustan kažin omistai ei jiä ihailijoin huomavottah. Ližäkse tämänvärizii kažiloi kunnivoijah merimiehet, sendäh ku uskotah, ku mustu kaži tuou lykkyy merel.
Yhtistynnyös Kuningaskunnas erähät kažit ollah valdivopalvelus, vardoijah vil'l'uvarastoloi da paikallizii muzeiloi grizijöis. Monivuodizes ruavos elätit suajah palkindokse maiduo da lihua.

Tiedo kažilois
Ristikanzanke ainos eläjes kažit harjavutah eländän eri ololoih. Ga se ei olluh muga ainos. Kaivauksien tulokisen mugah tiedomiehet tiijustettih, ku kažiloin kezittämine algavui läs 10–12 tuhattu vuottu tagaperin, konzu ristikanzu azetui elämäh yhteh kohtah. Kažin kezittämine tapahtui IV vuozituhandel enne meijän aijanluguu. Muinas-Jegiptas kažii piettih pyhänny elätinny. Niilöis luajittih muumieloi, kuvattih vestokuvis da freskois. Tietäh, ku enzimäzen "portrietan", kudamas on lähenijäh rottah tarkah kaččoi kaži, kirjutettih jegiptalazet. Se oli erähän ruuhikalman mualavus Kajiraspäi suveh päi da se luajittih enne meijän aijanluguu vuvven 1950 mail.
Vuozisualoinnu XIV–XV oli negatiivine kosketus kažiloin kohtah, niilöi piettih uavun pahiminnu da pahoin hengien simvolannu, semmite silloi, ku net oldih mustua värii. Elättilöi muokattih eri luaduh da äijin poltettih robl'olois.
Tieduo kažilois sanotah felinolougiekse (latinan kielespäi "felinus" — kažile kuului). Se on eräs eläintiijon aloi, kudai tutkiu kodikažiloin alguperiä, domestikaciedu, geneetiekkua, anatoumiedu, fiziolougiedu da taboi. Nevvostoliitos tämä tiedo rubei kehittymäh vuvvennu 1987, Ven'al sidä tutkitah felinolougien kanzallizis da kanzoinvälizis yhtistyksis. Muailmas on felinoulogoin eri kluubii, kudamat kuulutah suurembih liittoloih. Tundiettuvimii ollah amierikkalaine associacii TICA da jevrouppalaine WСF. Net sellitetäh suojuspaikkoin da kazvattajien kyzymyksii, pietäh kilboi da ruatah arvostelukunnis (WСF), sežo pannah kirjoile suojuspaikkoi kogo muailmas (TICA).
Tiedomiehien tutkimuksien mugah kažiloin igälangu jälgiaigua on suurennuh da on 17–20 vuottu. Se johtuu niilöin hyvis eländyololois da hyväs syötändäs. Läs 16 čuassuu sutkis kažit muatah. Žiivatanliäkärit sanotah, ku se on kunnon aigu, sendäh ku vai tietyn aijan voi sanuo unekse, muul aigua net nukutah.
On olemas mieli, ku kažit voijah parandua da luadie hyviä ristikanzan rungale. Statistiekan tiedoloin mugah rahvas, kudamil oldih kažit, elettih keskimiärin kymmene vuottu enämbän toizii. Konzu ižändy silittäy omua kodielättii, hänen keskushermostosistiemah mennäh pozitiivizet impul'sat, kudamat tuvvah hyviä mieldy. Sen tovestettih Elättilöin kosketuksien instituutan tiedomiehet Pohjazes Karoliinas (Amierikan Yhtysvallat) kažiloin iänilöin tutkijes. Koitteluloin aigah hyö tuldih piätökseh, ku kažin murizendu ei ole vaiku elätin pagin, ga liečindykeino, kudai auttau ristikanzan organizman vastustuskygyy tartumien vastah, leikkavuksien paranemizes, rauhoittau hermostosistiemua.
Azientiedäjät ollah sidä mieldy, ku viivoin piirros kažin nenäl on ainavoluaduine, sidä voibi verrata ristikanzan sormien jälgilöih. Ku kaži on ristikanzan vieres da sen händy särizöy, se tarkoittau sidä, ku se ylen äijäl suvaiččou da on kiindynyh ristikanzah. Konzu sen händy rubieu hil'l'kkazin laskemahes, se on elätin mielen muutundan merki.
Täl aigua muailmas on kažiloin 200 eri lajii da 600 miljonua kodikažii, puolii kudamis pietäh orboloinnu. Suvaittavimakse roittih persien kažit, mein-kunat da siamskoit kažit.

Kažiloin muzeit da mustopaččahat
Piiteris voibi löydiä Blokuadu-Leningruadan kažiloin mustokse luajitun vestokuvan, kudaman piähengenny on stuulal latelampun al istui bronzukaži. T'umenis luajittih vestokuvien kompozicii kahtestostu kažis. Moskovas on Bulgakovan tevoksien erähän mistizen piähengen Begemot-kažin mustopačas.

День кошки

Russian
День ко́шки (также День ко́шек или День кота́) — неофициальный праздник, посвящённый кошкам, отмечается ежегодно в разных странах мира.
В России этот праздник появился в 2004 году по инициативе сотрудников Московского музея кошек и редакции журнала "Кот и пёс", которые организовали первое мероприятие, посвящённое этим животным. Со временем его празднование стало ежегодной традицией.
Международный День кошек празднуют 8 августа. В России его отмечают 1 марта.
Каждый год в этот день принято проводить выставки, конкурсы и соревнования для породистых кошек, угощать питомцев деликатесами, собирать пожертвования в поддержку бездомных животных. Приюты и питомники организуют выставки для потенциальных владельцев.

Традиции праздника
Кошка является одним из наиболее распространённых домашних животных в мире. Международный День кошек отмечают 8 августа. Он призван объединить любителей кошек и предоставить больше информации о различных видах семейства кошачьих.
Традиция ежегодного празднования Всемирного дня кошек (World Cat Day) возникла в 2002 году по инициативе Международного фонда по защите животных (Animal Welfare) и распространилась по всему миру. С 2020 года организатором мероприятия является благотворительная компания International Cat Care.

В России
В России этот день отмечают 1 марта. Праздник был учреждён в 2004 году сотрудниками Московского музея кошки и редакции журнала "Кот и пёс". Со временем он стал ежегодной традицией и привлёк большое количество поклонников.
Праздник способствует привлечению внимания общественности к проблемам бездомных животных. В этот день принято проводить благотворительные акции, собирать пожертвования в помощь бездомным животным, устраивать выставки и соревнования породистых кошек, посещать котокафе, а также баловать своих питомцев различными лакомствами и новыми игрушками. Кошачьи приюты и питомники также устраивают выставки, на которых знакомят посетителей со своими подопечными, предоставляя им возможность обрести новый дом.
В разных городах России существуют традиции празднования локальных дней кошек.
История кошек в Санкт-Петербурге началась в XVIII веке благодаря императрице Елизавете Петровне, которая призвала на государственную службу во дворец кошек, чтобы они охраняли его от нашествия мышей[4]. Согласно приказу императрицы, тридцать лучших представителей казанской породы привезли в Зимний дворец. С 2005 года жители Санкт-Петербурга чествуют котов в Эрмитаже ежегодно в конце марта (ранее праздник именовался "День Мартовского кота в Эрмитаже", текущее название — "День эрмитажного кота"). Кроме того, в городе существует ещё один праздник, посвящённый петербургским котам и кошкам, который отмечается 8 июня, — День петербургских котов и кошек.
В Калининграде День кота проходит 5 сентября.

В других странах
Праздник кота отмечают во многих странах, в каждой из которых он проводится в определённый день. В Польше — 17 февраля, в Японии — 22 февраля, в США — 16 и 29 октября, а в Италии — 17 ноября. В каждой стране существуют собственные традиции его проведения и варианты чествования питомцев. Открывают парки, магазины, гостиницы и котокафе для котов и кошек, организуют тематические выставки, экспонатами которых становятся не только картины, но и питомцы разных пород.
В США этот праздник стал традицией начиная с 2005 года. 16 октября отмечается День бездомных и диких кошек, а 29 октября — День кошки в США. Эти праздники проводятся при участии Американского общества по предотвращению жестокого обращения с животными.
В Японии начали праздновать День кошек с 1987 года. Коты могли служить при храмах и пользоваться расположением прихожан. Они присутствовали на всех кораблях для защиты припасов и книг от мышей и крыс. В магазинах можно найти фигурки кошек с одной поднятой лапкой, которые называются "манэки-нэко", символизирующие привлечение удачи и достатка.
В Китае доброжелательное и заботливое отношение к котам обеспечивается на законодательном уровне. Исторически китайцы использовали этих животных в качестве пищи, однако в современном обществе коты пользуются защитой от государства. Те, кто причинит вред кошке, могут получить не только штраф, но и лишение свободы на две недели.
В Италии отмечается необычный праздник — День защиты чёрных котов, также известный как День чёрных кошек. Он был учреждён в 2007 году Итальянской ассоциацией по защите животных и окружающей среды. В Средние века чёрных котов считали символами несчастья и воплощением злых сил, поэтому многие из них были сожжены на кострах инквизиторами. Учреждая этот праздник, итальянцы решили восстановить их репутацию и признать ценность котов.
Согласно статистическим данным, чёрных котят реже, чем остальных, забирают из приютов. Активисты не только помогают им найти новый дом, но и награждают людей, которые проявляют к ним сочувствие.
Не во всех странах чёрные кошки считаются символом неудачи. В Шотландии, например, существует поверье, что чёрная кошка приносит в дом богатство. В Англии полагают, что владелица чёрной кошки не останется без внимания поклонников. Кроме того, кошек такого окраса почитают моряки, так как верят в то, что чёрная кошка приносит успех и удачу во время плавания.
В Великобритании некоторые коты находятся на государственной службе, охраняя склады с зерном и местные музеи от грызунов. За многолетний труд эти животные получают награду в виде молока и мяса.

Наука о кошках
Находясь постоянно рядом с человеком, кошки адаптируются к разным условиям обитания. Но так было не всегда. По результатам раскопок учёные определили, что одомашнивание кошки началось около 10–12 тысяч лет назад, когда человек стал вести оседлый образ жизни. Приручение кошки человеком произошло в IV тысячелетии до н. э. В Древнем Египте кошка считалась священным животным. Их мумифицировали, изображали в скульптурах и на фресках. Известно, что первый "портрет", на котором изображена кошка, пристально смотрящая на приближающуюся крысу, написали египтяне. Он представлял собой роспись в одной из гробниц к югу от Каира, которая была сделана около 1950 года до н. э.
В XIV–XV веках к кошкам относились негативно, считая их исчадьем ада и воплощением злой силы, особенно если у них был чёрный окрас. Животных подвергали различным видам пыток и массово сжигали на кострах.
Наука о кошках называется фелинология (от лат. "felinus" — кошачий). Это одна из научных областей зоологии, которая изучает происхождение, доместикацию, генетику, анатомию, физиологию и поведение домашних кошек. В СССР эта наука появилась в 1987 году, в России её изучают на базе фелинологических национальных и международных объединений. В мире существуют различные любительские клубы фелинологов, которые объединяются в крупные ассоциации. Наиболее известными из них являются американская ассоциация TICA и европейская WСF. Они занимаются вопросами урегулирования питомников и заводчиков, организуют соревнования, проводят судейства (WСF), а также регистрируют питомники по всему миру (TICA).
Согласно исследованиям учёных, продолжительность жизни котов в последнее время увеличилась и составляет 17–20 лет. Это происходит благодаря хорошим условиям их содержания и кормления. Около 16 часов в сутки кошки тратят на сон. Ветеринары считают, что это нормально, поскольку только определённые периоды можно назвать сном, а остальное время они проводят в дремоте.
Существует мнение о том, что кошки обладают лечебными свойствами и благотворно влияют на организм человека. По данным статистики, люди, которые имели котов, прожили в среднем на 10 лет дольше остальных. Когда хозяин гладит питомца, в его центральную нервную систему поступают положительные импульсы, поднимающие настроение. Этот факт был доказан учёными Института общения животных в Северной Каролине (США) в ходе исследований кошачьих голосов. В результате экспериментов они пришли к выводу, что мурлыканье кошки — это не только разговор животного, но и лечебное средство, которое способствует повышению сопротивляемости организма к инфекциям, ускорению процессов заживления ран, а также позволяет успокоить нервную систему.
Специалисты считают, что рисунок линий на поверхности носа кошки обладает уникальностью, сравнимой с отпечатком пальца у человека. Если кот находится рядом с человеком и его хвост дрожит, то это означает, что он испытывает высшую степень любви и привязанности. Когда его хвост начинает медленно опускаться, это является знаком изменения настроения у животного.
В настоящее время в мире насчитывается 200 различных пород и около 600 миллионов домашних кошек, половина из которых считается бесхозными. Наибольшую популярность завоевали персидские, мейн-куны и сиамские кошки.

Музеи и памятники кошкам
В Санкт-Петербурге можно найти скульптурную композицию в память о кошках блокадного Ленинграда, главным героем которой является бронзовый кот, сидящий на стуле под торшером. В Тюмени была создана группа скульптурных композиций с двенадцатью кошками. В Москве есть памятник одному из мистических персонажей Булгакова — коту Бегемоту.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages