Texts
Return to list | edit | delete | Create a new | history | Statistics | ? Help
Ligotskaja Jelena , Grigorjeva Nina . Ikuset runolaulut ollah meijän perintö
Ligotskaja Jelena , Grigorjeva Nina
Ikuset runolaulut ollah meijän perintö
Karelian Proper
New written karelian
Karjalan
kanšojen folkloriperinneh on šuuri , ka višših mahtavin tevoš on Kalevala-runoelma .
Sohjanankošen kulttuuritalošša ta kirjaštošša toimi Ikuset runolaulut – meijän perintö -näyttely .Kuukauven aikana myö viettimä eri tilaisukšie , missä šai čukeltuo Kalevala-runoelman muailmah , tuttavuštuo šen piäšankariloih .
Ekspositijošša oli esitetty monta esinehtä , kumpasie luajittih meijän paikalliset muasterit .Šielä oli Šampo-melliččä kirjakanšineh , Väinämöisen veneh , kannel , rašvani hauki , iče vaka vanha Väinämöini , Lemminkäini , Louhi – Pohjolan emäntä , leipä kiven kera , min Ilmarisen naini anto Kullervolla .Šamoin oli esitetty koululaisien piiruššukšien näyttely , kirjallisutta ta muuta .
Ekspositijon kävijinä oltih kuin meijän koulun opaštujat , niin ni aikuhiset ta pos’olkan vierahat .Yheššä myö pakasima runoelman šankariloista , kuuntelima istorijoja Šampo-melličäštä ta Kullervon vaikiešta kohtalošta , lukima runoja venäjän ta karjalan kielellä , arvasima karjalaisie arvautukšie , keräsimä kappalehista runoelman šankarien kuvie , vaštasima tietokilpailun kyšymykših , pelasima .
Šamoin näyttelyn vierahina oltih lapšet Piäjärven karjalan kielen kerhošta omien opaštajien kera .Opaštaja Anna Ivanovna Vlasova näin kirjutti täštä matašta omalla VK-šivulla :
– Eklein kävimä Anastasija Nikolajevnan ta koululaisien kera Sohjanankoškeh .Meitä vierahanvarasešti otettih vaštah ta tervehittih karjalakši kulttuuritalon ta kirjašton emännät Jelena Ligotskaja ta Nina Grigorjeva .Nina Jevlampijevna niin mukavašti kerto Kalevala-runoelman juonešta , jotta lapšet kuunneltih šuu kahallah !A vielä myö keräsimä kuvie , arvasima arvautukšie ta äšen luatima karjalaista voimisteluo .Emännät kostitettih meitä čäijyllä .Mie jo monta kertua olen paissun šiitä , jotta meijän piirissä juuri Sohjanankošen kulttuuritalošša parahiten šäilytetäh karjalan kieltä .Kiitämmä naisie mukavašta matašta !
Joka vuosi myö mitänih muutamma meijän ekspositijošša , mitänih lisyämmä .Kakši vuotta takaperin meilä tuli huaveh – opaštuo peluamah Šammon matka -stolapelih .Tänä vuotena huaveh toteutu .Ol’ga Ogneva autto meitä löytyä pelin , hänellä šen anto Timofei Jefimov – šuuret passipot heilä .
Ka mitein opaštuo peluamah ?Myö kävimä opaššukšella kollegan Jelena Mihailovan luo , kumpani ruatau Louhen kulttuuritalošša .Louhešša myö pelasima ta kävimä paikalliseh musejoh .Passipo Jelena Boleslavovnalla avušta !Hiän vieläi vaštasi meijän kyšymykših , konša myö jo viettimä pelie Sohjanankošešša ta meilä šynty epäilyjä .
Šammon matka -stolapelih ošallissuttih lapšet ta aikuhiset , kaikilla hyvin miellytti .Erikseh mainičemma Maksim Muračovie , kumpani ylen ruttoh ymmärti pelin kaikki šiännöt .Šamoin peli miellytti nuorisuoki .Hyö pelattih kerran ta tultih uuvveštah .
Šen lisäkši myö pelasima vielä yhteh tiijolliseh pelih "VK-sosialiverkko ".Šen meilä anto Marija Kundozerova .Stolapelien luatijana ta valmistajana on Irina Rinkevič .
Tänä vuotena Ikuset runolaulut – meijän perintö -näyttelyn toiminta-aika loppu , a šeuruavana vuotena tuaš kučumma ekspositijoh ta jatamma meijän mukavie pelijä .
Ikuset runolaulut ollah meijän perintö
Karelian Proper
New written karelian
–