VepKar :: Texts

Texts

Return to list | edit | delete | Create a new | history | Statistics | ? Help

Galina Baburova. Kodikelen opendajad vastsihe Šoutjärves

corpus: Journalistic texts

Source:
Kodima. № 4, 2025, p. 3

Galina Baburova

Kodikelen opendajad vastsihe Šoutjärves

Veps
New written Veps
Vastusele tuliba Šokšun da Kalagen školiden i päivkodiden vepsän kelen opendajad. Ezmäižen ezini Šokšun školan opendai Gleb Fomin. Hän starinoiči "Sanu! Luge! Kirjuta!"-projektas, miččen muloi tegi "Vepsän kul’tursebr". Necen projektan aigan oli tehtud onlain-trenaž’or – se voib tehtas sureks abunikaks openikoile da opendajile vepsän kelen urokoil školiš.
Sid’ vastusen ühtnikad starinoičiba ičeze školiš, vajehtihe radmahtištol, diskutiruiba küzundoiš, miččed koskeba vepsän kelen opendamišt Änižröunan vepsläižiš školiš.
Diskussijan jäl’ghe kodikelen opendajad kävuiba Šoutjärven školmuzejaha. Muzejan ohjandai Natalja Novikova starinoiči azjtegoiš, miččed mäneba siš.
– Meletim, miše om tärged starinoita meiden muzejas päazjan sikš, miše 2025. voz’ om omištadud 80-voččele Vägestusele Surel voinal. Äjad meiden školan openikad oma ecindjoukun ühtnikad. Vastusel pätim, miše pigai Kalagen školan openikad tuleba ekskursijale meiden muzejaha, – sanui necen vastusen sädai, Šoutjärven školan opendai Ales’a Anušenkova.
Änižröunan vepsläižiden školiden da päivkodiden kodikeliden opendajad vasttasoiš udes semendkus Kalag’-küläs.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages