Texts
Return to list | edit | delete | Create a new | history | Statistics | ? Help
Marija Kirillova. Voitonpäivä kuulu karjalakši
Marija Kirillova
Voitonpäivä kuulu karjalakši
Karelian Proper
New written karelian
Šulakuun
lopušša Karjalan Rahvahan Liitto ilmotti Karjalaiset Šuurešša Isänmuallisešša šovašša -aktijon tulokšie .Tapahtuma oli omissettu Šuuren Voiton 80-vuotispäivällä .
Aktijon piätarkotukšena oli peruštua šähköarhiiva , kummaista voitais käyttyä Karjalan eläjät omih tarpehih ta Šuurella Isänmuallisella šovalla omissettuja pitoja valmistuas’s’a .
Karjalaiset Šuurešša Isänmuallisešša šovašša -aktijoh otettih erilaisie kuvie – dokumentti - ta muotokuvie , pihalla luajittuja valokuvie , luonnon kuvie ta toisie .Joka kuvašša piti olla tarkkoja tietoja : paikka , ihmisen tahi objektin nimi , kuvuamisen aika .
– Meilä työnnettih kymmenie kuvie pereharhiivoista . Niistä šuau nähä taloja , kumpasissa elettih karjalaiset , kaččuo lapšien ta aikuhisien ihoja , kačahtua heijän šilmih , koroštau Karjalan Rahvahan Liiton piällikkö Anna Jakovleva .
Karjalan kanšojen yštävyštalon etušalissa oli esitetty niijen valokuvien näyttely .Kuvat kerrotah karjalan kanšan ainutluatusie istorijoja .
Tapahtumašša yheššä Oma Pajo -kuoron vokalijoukon kera šai laulua karjalakši Voitonpäivä-lauluo .A illan lopušša eri kanšallisukšien etuštajat esitettih kaikkien mielehini Kat’uša-laulu kahekšalla kielellä .
Pito oli valmissettu Karjala ihmisissä : Istorija . Kieli .Kulttuuri -projektin rajoissa Karjalan tašavallan piämiehen granttifondin tuvella .Aktijo piettih Karjalan rahvahan luomistyön ta kulttuurialottehien keškukšen ta Periodika-kuštantamon kannatukšella .
Voitonpäivä kuulu karjalakši
Karelian Proper
New written karelian