Texts
Return to list | edit | delete | Create a new | history | Statistics | ? Help
Irina Sotnikova. 80 vot Surele Vägestusele
Irina Sotnikova
80 vot Surele Vägestusele
Veps
New written Veps
Täl
vodel Surele Vägestusele om 80 vot .Kaikiš suriš da peniš lidnoiš i küliš mäniba praznikazjtegod .Starinoičem teile , kut Änižröunan vepsläiziden küliden eläjad praznuičiba Vägestusen päiväd .
Küliš mäniba praznikkoncertad , runoiden lugemižen konkursad , erazvuiččed vastused eläjidenke , oli tehtud foto-ozutelused , eläjad hüviš meliš ühtniba erazvuiččihe akcijoihe , miččed om omištadud Surele Vägestusele .
Üks’ mugoine läm’ vastuz mäni Šoutjärven muzejas .Se kerazi äi rahvast , oli läz 80 mest , eskai tuliba adivod Moskvaspäi da Murmanskaspäi .Muzejan pämez’ Natalja Anhimova jagase ičeze tundmusil :
– Vastusen nimi oli "Aigan lehtesed kändam ".Rahvaz tuli muzejaha , miše otta päha sanoid , miččed kaitaze muštod lujas dügedas voinan aigas , vastata Sur’t praznikad – Vägestusen päiväd .Tuld’he vanhad da nored .Ken-se lugi runoid , ken-se stariniiči muštlosid , ühtes kaciim kuvid da pajatim pajoid – kündled lähttihe sil’mišpäi , a konz vesläs vätihe muzikaližen školan openikad , kaikuččele tuli ihastuz .Vepsän rahvahan hor pajati voinan aigan pajoid da ristitud zalas mugažno zavottihe pajatada .Nened minutad kosktihe kaikuččen ristitun südäint .Konz mändaze mugomad vastused , muzejaha tulob ecindjoukun pämez’ Viktor Lonin da stariniičeb , mida uut löutihe mecas da miččed oma planad – necil kezal hö lähteba sijale , kus om lendim voinan aigaspäi .Viktor kird’utab runoid , i sid’ hän lugi runon partizaniide polhe .Ihastum , konz ken-se tulob toižes küläspäi .Necel kerdal Kaleigespäi tuli Kaleigen külän pämez’ Mihail Pol’akov , i stariniiči , mida hö tehtaze , mise kaita edeleze-ki Anni Lisicinan nimed .Mel’he om se , mise muga ühtes mö voim kaita proudan sen aigan pol’he .Meletan , mise Vägestusen päiv eläškab miide südäimiš .
Kalagen školas kanman praznikad eläjiden täht mäni čoma koncert .Školan pämez’ Svetlana Gotič starinoiči , kut nece oli :
– Tuli äi rahvast .Zal oli täuz’ kacujid .Openikad ozutiba koncertnomeroid , pajatiba voinpajoid , lugiba runoid .Lapsed oliba gimnast’orkoiš , pilotkad päs , opendajad vaumištiba čomid dekoracijoid , neičukaižed iče ombliba kost’umoid .Ristitud zalas ištuiba kündled sil’miš – mugoine südäintkoskii oli koncert .Om žal’ , miše vanhoid ristituid , ked voiba starinoita neniš jügedoiš voziš , kaikuččen vodenke tegese vähemba .No tämbei jo heiden lapsed , vunukad , pravunukad praznuičeba Vägestusen päiväd i kaikuččel heišpäi perehes om ičeze istorii , om se , ken oli Surel voinal , i mušt heiš om lujas kalliž .
Vägestusen päiväl küliš mäniba mitingad muštpachidenno .Rahvaz tuli muštlemaha niid , ked koliba kaites meiden mad vihanikoišpäi , jagadamhas meiden suren man Vägestusen ihastusel .
80 vot Surele Vägestusele
Veps
New written Veps
–
–