Texts
Return to list | edit | delete | Create a new | history | Statistics | ? Help
Galina Baburova. Hö muštaba da ülendasoiš
Galina Baburova
Hö muštaba da ülendasoiš
Veps
New written Veps
Sulakun
lopus Šoutjärves mäni "Eläban mušton purtked " -školidenkeskeine konferencii .Sille tuliba 1.–11. klassoiden openikad susedkülišpäi-ki – Šokšuspäi , Kalagespäi , Paišpäi .
Školidenkeskeine konferencii Šoutjärves tehtas jo amu .Sen nimi ende oli "Todesižed vepsläižed ".Konferencijan täht lapsed vaumištiba ičeze oppindradoid kodiküläs , sen eläjiš , vepsän rahvahan kul’turas da keles .Täl vodel konferencijale anttihe toine nimi – Suren Vägestusen jubileivodeks .
– Necil vodel oli taht , miše lapsed oppižiba süvemba kodiröunan istorijad da vaumištaižiba Suren voinan temale omištadud oppindradoid . Ved’ kaikuččes perehes oma vai oliba voinan ühtnikad – ken-se vojui , ken-se abuteli tilas .Patriotižen kazvatandan täht om tärged kacta kodiröunan istorijaha neciš polespäi , – sanui školan pämez’ Natalja Bikova .
Konferencii ühtenzoiti eriigäižid lapsid .Hö vaumištiba melentartuižid dokladoid erazvuiččile temoile .Ken-se starinoiči kodiküliden eläjiš , kudambad tegiba znamasižen panendan Surehe Vägestusehe da külän kehitoitusehe , ken-se – muzejiden kaluiš , miččed voiba äjan starinoita vepsän rahvahan kul’turan polhe .Ozutesikš , Milana Jelisejeva Šokšun školaspäi pagiži Kvarcitnijan pühäkodin istorijas , a Darina Murašova necišžo školaspäi – vanhas liphaižes : midä kaitihe siš , kut se sirdihe ühtes sugupol’vespäi toižehe , miččid veroid om sidotud liphaižehe .Openikad Šoutjärvespäi Julia Vernigora da Art’om Lutohin starinoičiba ičeze školan enččen pämehen polhe .Kaikid norembad konferencijan ühtnikad oliba Irina Mironova Kalagespäi , Jeva Jevtušenko da Nikita K’uršunov Šoutjärvespäi .Nikita starinoiči ičeze pradedas , kudamb ühtni Surehe Voinaha , a neičukaižed – armhiš kodiküliš : midä znamoičeba heiden küliden nimed , midä melentartušt voib nägištada sigä .
Om taht sanuda , miše openikad tegiba todesižed oppindradod !Lapsed vaumištiba ezitusid nellän nominacijan täht : "Todesižed vepsläižed ", "Minun armaz , minun čoma kodirand ", "Muzejan ozuteluzkalu – üks’ istorijan oppindan mahtoišpäi ", "Te Vägestusennoks ".
– Mugoižiden azjtegoiden rol’ om sur’ : norištol sündub melentartuz’ Karjalan rahvahiden istorijaližehe jäl’gestusehe , armastuz Kodimaha , ülenduz männuden aigan , ičeze rahvahan polhe . Kitäm kaik konferencijan ühtnikoid da tegijoid heiden panendas istorijan mušton kaičendaha , – kirjutadihe Karjalan rahvahaližen da regionaližen politikan ministerstvan Internet-lehtpolel .
Pidab sanuda , miše žürijoukule oli lujas jüged valita parahimad .Konferencijan kaikuččen nominacijan vägestajad da laureatad saiba pauklahjad .Äjad oppindradod Šoutjärven vepsläižen etnografižen muzejan radnikad otiba kerdale arhivan täht .
Hö muštaba da ülendasoiš
Veps
New written Veps