Texts

Matkustelijoin paginat

May 22, 2025 in 14:22 Александра Родионова

created the text
created the text: - Vikse kiriköllyö jo ammui ei olluh nikedä, ni yhty jälgie, kivokset roitah vyössäh, ku sukset heittiä. Kuibo lähtemmö? - Kohti, kuibo toizin?! Taputtajen suksiladuu kirikköh päi da talviluonduo ihaillen kodvazen peräs kuulemmo mouttoran ärizendän. - Tytöt, kirikköhgo puuttumas oletto? kyzyy kalaniekku, kudai nareko ajoi meihpäi. - Sinne. Jiä kandaugo, jogo luja on? - Jiä on luja, ga hukkua tiä juoksendelou. Suareh päi illal seiččei piädy juoksi. Nygöi heidy sie ei ole, yöl jänölöi peräh ajeltih da lähtiettih, ga yökse sinne älgiä jiägiä, nevvoi kalastai da lähti iäres. - Varua jiän hoikuttu da vie ližäkse hukkii. Suarehpäi lähestyjes tottugi näimmö hukkien jälgilöin viivastu randua myöte. Tarkazeh jälgi jälgeh hukat mendih omua taivaldu, myö – omua. Täl kerdua, hyväkse mielekse, myö emmo puuttunuh toine tostu vastah.
created the text translation