Texts
Return to list | edit | delete | Create a new | history | Statistics | ? Help
Galina Baburova. Norištol om melentartuz’ “Virantanaz”- eposaha
Galina Baburova
Norištol om melentartuz’ “Virantanaz”- eposaha
Veps
New written Veps
"Virantanaz " om
vepsläine epos , miččen kirjuti Nina Zaiceva vodel 2016. Sid’ se oli kätud venän , suomen da estin kelihe .Vepsläižehe eposaha om keratud tedoid vepsläižes fol’kloraspäi , mifologijaspäi , vepsän rahvahan istorijaspäi .Kacmata sihe , miše eposale om jo ühesa vot , melentartuz’ "Virantanhaze " ei sambu .
Ei amu Petroskoin universitetan filologijan institutas mäni tedokonferencii aspirantoiden da magistrantoiden täht .Konferencijan nimi oli "Kodiman da verhiden maiden filologijan päivänteraližed problemad ".Sil voi kulištada dokladoid , miččed oli omištadud lingvistikan da literaturantedon jügedusile .
Ezmäižen sijan konferencijal sai Jekaterina Golubnik , magistraturan ezmäižen voz’kursan openik .Jekaterina eziti konferencijal dokladan "Virantanaz "-eposan polhe .Ičeze dokladas hän starinoiči eposan akpoližiš hengiš i ozuti , kut niiš ühtenzoitasoiš fol’kloriž-mifologižed komponentad da avtoran mel’kuviteluz .
– Minun ezitusen teman oli "Akpoližed henged Nina Zaicevan "Virantanaz "-eposas . Konz openzimoi bakalavraks , oppin "Kalevalan " kändmišt vepsän kel’he .Necen teman minei siloi tariči vepsän kelen opendai Ol’ga Žukova .Magistraturas minun tedo-ohjandai Maria Kazakova tariči oppindan täht "Virantanast ".Surel tahtol tartuin neche radho , – starinoiči Jekaterina .
Konferencijal ičeze dokladoidenke ezini kümne ühtnikad .Jekaterina sanub , miše hänen täht se oli melentartuine mahtišt .Konferencijan ühtnikad tarkašti kundliba händast da tegiba äi küzundoid .
– Minä lugin otegid eposaspäi . Äjile oli melentartušt kulištada vepsän paginad .Ičein dokladas ezitin Airad da Annid .Nece tem lujas mel’dütoiti mindai .Tahtoin edemba-ki oppida sidä minun magistran dissertacijan täht , – ližazi Jekaterina .
Paiči küzundoid eposan polhe Jekaterinad küzutihe vepsän kelen kaičendas .Hän ičeze polespäi starinoiči "Kodima "-lehteses da "Oma Media " -portalas .
Norištol om melentartuz’ “Virantanaz”- eposaha
Veps
New written Veps