VepKar :: Texts

Texts

Return to list | edit | delete | Create a new | history | Statistics | ? Help

Paanajärvi (kanzalline puusto)

corpus: Journalistic texts

Source:
RUWIKI(livv): https://olo.ruwiki.ru/wiki/Paanajärvi_(kanzalline_puusto)

РУВИКИ: https://ru.ruwiki.ru/wiki/Паанаярви_(национальный_парк)

Paanajärvi (kanzalline puusto)

Livvi
New written Livvic
Paanajärvi on valdivolline kanzalline puusto Louhen piiris Karjalan tazavallas, eriže suojeltavu luonnonaloveh.

Yleistiijot
Paanajärven kanzalline puusto on perustettu Ven'an halličuksen oraskuun 20. päivän vuvven 1992 azetuksen № 331 mugah Paanajärven järven da Oulangan jovenalan ainavoluaduzien luonnonkompleksoin säilyttämizekse, niilöin käytettäväkse luonnonsuojelu-, rekriacii-, opastus- da tiedotarkoituksis".
Se on Ven'an Federacien luonnonvaroin da ekolougien ministerstvan alaine Federualline valdivolline b'udžiettulaitos, eriže suojeltavu luonnonaloveh Federuallizen merkičyksenke.

Muantiijollizet tiijot
Paanajärven kanzalline puusto on sijoitunnuh Pohjazen pol'arnoin kruugan lähäl Karjalan tazavallan luodehes, Louhen piiris. Sen päivänlaskuraja on Ven'an da Suomen valdivollizennu rajannu. Suomen puolespäi Paanajärven puustoh liittyy kanzalline Oulanka-puusto, kudai on perustettu vuvvennu 1956 Suomes.
Kanzallizen puuston pinduala on 103,3 tuhattu gektuarua. Meččymuadu on 78 tuhattu gektuarua (75,5%), niilöis luvus juuri mečän vallas olijoi mualoi on 77,5 tuhattu gektuarua (75,0%). Ei-meččymualoin pinduala on 25,3 tuhattu gektuarua (24,5%), niilöin luvus vezistölöi on 10,9 tuhattu gektuarua (10,6%), suoloi — 13,0 tuhattu gektuarua (12,6%), tielöi da mežoi — 0,2 tuhattu gektuarua (0,2%), toizii mualoi — 1,2 tuhattu gektuarua (1,1%). Kanzallizen puuston alovehel ei ole eländykohtii.

Funksionualline juandu
Projektupiätöksien mugah puuston aloveh on juattu viideh funksionuallizeh aloveheh erilazien suojelu- da käyttökuriloinke:
Erillizen kurin aloveh — 6,9 tuhattu gektuarua (7% kaikes pindualas), se on raja-aloveh;
Rauhoitetun alovehen kurin aloveh — 19,0 tuhattu gektuarua (18%);
Opastusmatkailualoveh — 5,2 tuhattu gektuarua (5%);
Rekriaciikäytön ohjailualoveh — 71,6 tuhattu gektuarua (69%);
Kävyjien palvelualoveh — 0,8 tuhattu gektuarua (1%).

Ilmasto
Talvel tuulou enimyölleh lounahas, kezäl – koillizespäi. Agroilmastollizen juandan mugah Paanajärven järviala kuuluu Maansellän agroilmastollizeh alapiirih, kudai on vilu, pitkän da kovan talvenke da lyhyön pakkazettoman aijanke. Vuvven keskimiäräine lämbötila on läs 0 astettu, а vihmu- da lumimiäry on 500—520 mm. Kuulois lämbevin on heinykuu (15 astettu lämmiä), kaikis viluvin – pakkaskuu-tuhukuu (13 astettu pakkastu). Lumen keskimiäräine korgevus on 70—80 santimetrua, ga puaksumbah on enämbi metrii.
Puuston alovehel on mondu mägie, kudamat kuulutah Karjalan kymmenen korgeviman mäin joukkoh: Lunas-mägi — 495 metrii, Kivakka-mägi — 499 metrii, Mäntytunturi-mägi— 550 metrii. Puuston nähtävyksenny on Nuorunen-mägi — 577 metrii, Karjalan suurin mägi. Mägilöin jyrkil paltieloil ollah omaluaduzet "rippujat" suot, mi on tämän alovehen nähtävyksenny.
Puuston alovehel on 15 suurdu geolougistu objektua da 54 erillisty mustomerkii, kudamat tiijon puoles ollah arvokkahat. Objektoih muailman merkičyksenke kuulutah kerrostunnuot intruziet Kivakka da Cipringa (Päinur-mäit), Nuoruzen graniittumassiivu, Paanajärven halgiemu Ruskeakallio-kallivonke, Paanajärven-Kandalakšan syvän katkelman oza da Oulangu-Cipringu-jiätikköjogiloin muinaine sistiemu.
Paanajärven järvi on ainavoluaduine luonnon objektu. Sen piduhus on 24 kilometrii, maksimualline levevys on 1,4 kilometrii, syvys – 128 metrii. Se kuuluu muailman syvimien pienien järvilöin joukkoh. Järven syvyös on läs 1 km³ puhtastu vetty, kudamas happiguazun rikkahus suuris syvyksis (60—80 metrii) on kaikis suurin toizien järvilöin keskes. Järven alango on ymbäröitty korgieloil mägilöil, mi luadiu erinomazen mikroilmaston. Talvel vilut ilmumassat heitytäh mägilöispäi järven alangole, kovinnu pakkazinnu lämbötilan ero voi olla 20 astettu. On pandu kirjoile pakkaslämbötilat, kudamat ollah pohjazen muanpuoliškon vilun poul'usan verdazinnu. Ga sulakuus syvyskuussah täs on äijiä lämmembi migu ymbäristös. Moine Oulangu-Paanajärvi-jovenaloin lämbötilan poikkevus andau mahton pidiä puuston alovehtu Fennoskandien kaikis manderehizembannu kohtannu.

Kazvi- da eläinmuailmu
Paanajärven kanzallizen puuston alovehel on pandu kirjoile 623 lajii ylimäzii suonikazviloi, niilöis enämbi 70 on pandu Fennoskandien, Suomen da Karjalan Ruskieloih kniigoih.
Kanzallizes puustos on 42 lajii imettäjii da 171 lajii linduloi. Kaikkiel on hirvie, kondiedu, ilvesty, huahmoidu, hukkua, reboidu, kuniččua, meččyjänöidy, oravua, norkua, pordimoidu, lumikkuo, peldohiirdy, muamygriä.

Histourii
Enzimäzet rahvas oli tuldu Paanajärvele 5-6 vuozituhandel enne meijän aijanluguu. Muinazet rahvas kerättih marjua da gribua, mečästettih da kalastettih. Tovestuksennu sille ollah Paanajärven da Piäjärven järvilöil löytyt kivizet ruadobrujat da savizet astiet. XIX vuozisuan lopus muanruadajien löytty kivine talttu on ruokos Kanzallizes muzeis Helsinkis. Voinan jälgehizinny vuozinnu Piäjärven rannoil oli löytty puoldutostukymmendy muinastu eri aijan (kivikavves raudukaudessah) eloipaikkua.
Vuozisualoin XII-XIV aigah Paanajärven aloveh, kui kaigi pohjaine Lappi, kuului Suureh Novgorodah.
Vuvvennu 1595 Paanajärvi, kudai nikelle ei kuulunuh Novgorodan hävitändän jälles Iivanan IV:n johtol, rubei kuulumah Ruočin kuningaskundah.
Vuvvennu 1673 Ruočin kuningahan Karl XI:n käskys Lappi oli avattu uudeh muutandah nähte da muuttolazet oli piästetty veroloin maksandas 15 vuottu.
Vuvvennu 1769 Paanajärvel rodih enzimäine suomelaine eloipaikku.
Vuvvennu 1809 Ven'an da Ruočin rauhusobimuksen mugah Paanajärvi, kui kai Suomi, rodih Ven'an valdukunnan ozannu.
Vuvvennu 1849 oli loppussah miärätty Ven'an da Suuren avtonoumizen Suomen kniäzikunnan rajat, sen jälles Paanajärven järvi rubei kogonah kuulumah Suomeh. Vuozisuan XIX loppussah kyläs eli läs 450 hengie.
Vuvvennu 1890 rubei kuadamah meččiä Ven'an meččytevolližuslaitos "Rusanova". Parzienuitto meni Oulangu-jogie myöte.
Vuozisualoin XIX—XX aigah Paanajärvi rodih kuulužakse matkailukohtakse.
Vuvvennu 1917 Suomi sai iččenäžyön. Raja oli salvattu da perindöllizet kauppuvälit Vienan Karjalanke oli katkettu.
Vuvvennu 1937 — oli nostettu kirikkö.
Jälles Nevvostoliiton da Suomen välisty Talvivoinua 165 340 gektuaran aloveh Paanajärves ymbäri rubei kuulumah Nevvostoliitole. Vuvvennu 1941 Suuren Ižänmuallizen voinan allettuu nämmä muat valloitettih Suomeh da nemsoin vermahtan sodajoukot. Vuvvennu 1944, rauhusobimuksen solmittuu, tämä aloveh uvvessah rubei kuulumah Nevvostoliitole.

Паанаярви (национальный парк)

Russian
Па́анаярви — государственный национальный парк в Лоухском районе Республики Карелия, особо охраняемая природная территория.

Общие сведения
Образован постановлением Правительства России № 331 от 20 мая 1992 года "в целях сохранения уникальных природных комплексов озера Паанаярви и бассейна реки Оланги, использования их в природоохранных, рекреационных, просветительных и научных целях".
Является Федеральным государственным бюджетным учреждением, подведомственным Министерству природных ресурсов и экологии Российской Федерации, это особо охраняемая природная территория Федерального значения.

География парка
Национальный парк расположен вблизи Северного полярного круга на северо-западе Республики Карелия, на территории Лоухского района. Западная граница его совпадает с государственной границей России с Финляндией. Со стороны финской границы к "Паанаярви" примыкает национальный парк "Оуланка", образованный в 1956 году в Финляндии.
Площадь национального парка составляет 103,3 тыс. га. Лесные земли занимают 78 тыс. га (75,5%), в том числе покрытые лесом земли — 77,5 тыс. га (75,0%). Площадь нелесных земель 25,3 тыс. га (24,5%), в том числе: воды — 10,9 тыс. га (10,6%), болота — 13,0 тыс. га (12,6%), дороги и просеки — 0,2 тыс. га (0,2%), остальные 1,2 тыс. га (1,1%) — прочие земли. На территории парка населённых пунктов нет.

Функциональное зонирование
Согласно проектным решениям территория парка подразделяется на 5 функциональных зон с различным режимом охраны и использования:
Зона специального режима — 6,9 тыс. га (7% общей площади) — это погранполоса;
Зона заповедного режима — 19,0 тыс. га (18%);
Зона познавательного туризма — 5,2 тыс. га (5%);
Зона регулируемого рекреационного использования — 71,6 тыс. га (69%);
Зона обслуживания посетителей — 0,8 тыс. га (1%).

Климат
Преобладающее направление ветра зимой — юго-западное, летом — северо-восточное. По агроклиматическому районированию бассейн озера Паанаярви относится к Маанселькскому агроклиматическому подрайону, который характеризуется как холодный, с продолжительной и суровой зимой, и коротким безморозным периодом. Среднегодовая температура приближается к 0°C, а количество осадков составляет 500—520 мм. Самое тёплое время — июль (+15°C), самое холодное — январь-февраль (−13°C). Средняя высота снежного покрова около 70—80 см, но часто больше метра.
На территории парка имеется несколько гор, входящих в десятку самых высоких в Карелии: гора Лунас — 495 м, гора Кивакка — 499 м, гора Мянтютунтури — 550 м. Достопримечательность парка: фьельд Нуорунен — 577 м — самая высокая гора во всей Карелии. На крутых склонах гор встречаются своеобразные "висячие" болота — одна из достопримечательностей этого района.
В районе расположения парка 15 крупных геологических объектов и 54 отдельных памятника, представляющих большую научную ценность. К объектам мирового значения отнесены расслоённые интрузии Кивакка и Ципринга (горы Пяйнур), Нуоруненский гранитный массив, Паанаярвский раздвиг со скалой Рускеакаллио, отрезок Паанаярви-Кандалакшского глубинного разлома и древняя система водноледниковых дельт рек Оланги-Ципринги.
Озеро Паанаярви — уникальный природный объект. Его размеры: 24 км в длину, 1,4 км максимально в ширину, оно имеет глубину 128 м. Оно относится к самым глубоким малым озёрам мира. В чаше озера находится почти 1 км³ чистейшей воды, насыщение кислородом которой на больших глубинах (60—80 м) самое высокое среди других озёр. Долина озера окружена сравнительно высокими горами, что создаёт особый микроклимат. Зимой холодные воздушные массы стекают с гор в долину озера, в сильные морозы разница температур может достигать 20°. Регистрировались отрицательные температуры, близкие по значению к полюсу холода северного полушария. Но с апреля по сентябрь здесь заметно теплее, чем в окрестностях. Подобная экстремальность температур бассейна Оланги-Паанаярви позволяет считать район парка самым континентальным местом Фенноскандии.

Флора и фауна
На территории "Паанаярви" зарегистрировано 623 вида высших сосудистых растений, из них более 70 видов занесено в Красные книги Фенноскандии, Финляндии и Карелии.
В национальном парке обитает 42 вида млекопитающих и 171 вид птиц. Широко распространены лось, медведь, рысь, росомаха, волк, лисица, куница, заяц-беляк, белка, норка, горностай, ласка, полёвки и землеройки.

История
Первые люди появились в Паанаярви в 5—6 тысячелетиях до нашей эры. Древнейшее население Паанаярви занималось собирательством, охотой и рыболовством. Об этом свидетельствуют каменные инструменты и глиняная посуда, обнаруженные на берегах озёр Паанаярви и Пяозеро. Найденное крестьянами в конце XIX века каменное долото хранится в Национальном музее в Хельсинки. В послевоенный период на берегах Пяозера было обнаружено полтора десятка древних стоянок различных эпох (от каменного до железного веков).
В XII—XIV веках район Паанаярви, как и вся северная Лапландия, входил в состав земель Новгорода Великого.
В 1595 году Паанаярви, ставшее практически ничьим после разгрома Новгорода Иваном IV, вошло в состав Королевства Швеция.
1673 — указом короля Швеции Карла XI Лапландия была открыта для нового заселения и переселенцам было предоставлено освобождение от всех налогов на 15 лет.
1769 — на Паанаярви появилось первое финское поселение.
1809 — согласно мирному договору между Россией и Швецией Паанаярви вместе со всей остальной Финляндией стало частью Российской империи.
В 1849 году произведено окончательное уточнение границы между Россией и автономным Великим княжеством Финляндским, в результате чего озеро Паанаярви полностью оказалось на территории Финляндии. К концу XIX века в деревне жило около 450 человек.
1890 — начала рубку леса российская лесопромышленная компания Русанова. Сплав леса шёл по реке Оланга.
На рубеже XIX—XX веков Паанаярви стал популярным туристическим центром.
1917 — Финляндия обрела независимость. Граница закрылась на замок, прервались традиционные торговые связи с Беломорьем.
1937 — сооружена церковь.
После окончания советско-финской зимней войны территория в 165 340 гектаров вокруг Паанаярви отошла к СССР. В 1941 году, после начала советско-финской войны, территорию заняли войска Финляндии и немецкого вермахта. В 1944 году, после заключения перемирия, территория снова перешла к СССР.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages