Texts
Return to list | edit | delete | Create a new | history | Statistics | ? Help
Pajusova Lidija . Kuldaine igälangu kestäy kaiken
Pajusova Lidija
Kuldaine igälangu kestäy kaiken
Livvi
New written Livvic
Jessoilan molodoit
Anatolii Pavlovič da Valentina Grigorjevna Tarasovat piettih oman svuad’ban 50-vuozipäivän .
Tarasovil on kolme lastu , kuuzi bunukkua da pruavobunukku .Ruavonsuvaičus rodih lykyn pohjakse ei vaiku ammattialal , ga lapsii kazvattamizesgi .Perindön mugah pidämäh kuldastu svuad’bua stolah kerävyi kai pereh .Hyvittelemäh molodoloi tuldih paikallizet virguniekatgi .
Gost’at da omahizet mielihyväl kuunneltih perehen suures taibalehes , kudai on täyzi iluo da vaigevustu .
Valentina Grigorjevna da Anatolii Pavlovič tuttavuttih betonluajilmuksien zavodal Jessoilas , kus ruattih .Anatolii ei ajatelluh kodvua , 8. kevätkuudu häi lähti Korzah koziččemah andilastu .Jo oraskuun 9. päivänny molodoit pandih kirjoih vahnas sel’sovietas Sovhoznaja-pihas .
– Svuad’ban piimmö vahnembien talois Siämärven rannal , ei suureh pertih syndyi läs 40 hengie , mustelou perehen ižändy .
Vahnoin perindölöin mugah molodoit salvattih kylyh , heijän ties poikki pandih parret da viritettih robl’ot .
– Rahvas enne oldih vesselät , ystävällizet , sanotah molodoit .
Aijan aloh pereh muutti elämäh fatierah , piettih žiivattoi : kaksi häkkii , poččiloi , oli 80 kananpoigastu kezäl .
Pereh rubei kazvamah : rodivui Galina-tytär .Valentina Grigorjevna mustelou , kui vrača nevvoi keskustua la "hengetöi " kohtu , ga naizen luja taba da usko hyväh ei annettu ebäillä .Harvinaine verijoukko – enzimäine negatiivine – ei häirinnyh suaha tytärdy .Jällespäi harvinaine verijoukko piästi ristikanzan hengeh – verdy pidi siirdiä tulolazele miehele .Valentina Grigorjevnale annettih sit kunnivogruamottu .
Sit rodivuttih kaksozet Kol’a da Valera .Fatieras rodih ahtas , i heile annettih muapala koin nostamizekse .
Kogo oman eloksen molodoit ruattih zavodal .Anatolii Petrovič ruadoi sie 39 vuottu .Sit lähti eläkkehele da sit uvvessah tuli järilleh .
– Pidi säilyttiä zavodu , ku ei hävinnys . Minä jälgimäzenny lähtin zavodalpäi , sanoi Anatolii .
Valentina Grigorjevna on nerokas savun da ogrodan hoidai , savus hänel kai kukkiu da andau andimii , häi suvaiččou , konzu kaikkiel on puhtahus , pidäy puhtahuttu ei vaiku omas pihas , ga aijan ulgopuolelgi .
Toivotammo molodoloile lujua tervehytty da pitkiä yhtehisty igälangua .Oletto ezimerkinny meile kaikile .
Kuldaine igälangu kestäy kaiken
Livvi
New written Livvic