Texts
Return to list | edit | delete | Create a new | history | Statistics | ? Help
Nadežda Vasiljeva. Luova työ keštäy jo kymmenen vuotta
Nadežda Vasiljeva
Luova työ keštäy jo kymmenen vuotta
Karelian Proper
New written karelian
Tänä
kevyänä Jyškyjärven käsityöammatit -klubi vietti oman enšimmäisen merkitykšellisen vuosijuhlan – 10 vuotta peruštamisen jälkeh .
Konša vuotena 2015 klubin ošallistujat keräyvyttih omah enšimmäiseh järješšyškokouk šeh , hyö heti valmistauvuttih pitkäh ta tulokšekkahah ruatoh .Nyt käsityöläiset luajitah oman toiminnan yhtehvetoja ta šanotah , jotta ne onnissuttih .
Jyškyjärven kylä aina oli tunnettu omista muasteriloista ta kanšanmahtimiehistä .Ideja kerätä heitä yhteh tuli Margarita Jerominan mieleh .Häneštä tuli enšimmäisen kyläjarmankan aktiivini järještäjä .Šilloin Margaritan onnistu vetyä työh käsityöläisie lähisistä pos’olkoista ta kylistä .Hyö šuunniteltih viettyä šemmosie kešäjarmankkoja joka vuosi , ka ajan mittah tarvittava ta mukava asie mänetti alkuperäsen luajuon : ei riittän piirien virkamiehien huomijuo eikä varoja .Ilman šitä on melko vaikie järještyä šemmosie tilaisukšie .
Kuitenki Jyškyjärven käsityöammatit -klubi on šäilyn ta jatkau omua ruatuo .Aktiivisimpina ollah talvikuukauvet .Pitäy muistua , jotta muasterien lisäkši Jyškyjärveššä on pelto - ta kukkaviljelijie , kalaštajie , marjamiehie .Šentäh muasterit ollah lomalla kevyän alušta , konša kylän talouš vuatiu huomijuo , šykyšyh šuaten , konša isännät ta emännät talvekši täytetäh omie puurnuja kalalla , marjalla ta toisella ruuvvalla .
Šykšyllä uušine meininkilöineh ta idejoineh hyö uuvveštah kiirehitäh kyläkirjaštoh , kumpasen tiloissa toimiu klubi , ta luajitah , nakerretah , kuvotah ta merkatah kaunehie käsitöitä .
Klubi tulou eläväkši , konša tuntiloih tulou nuorie jyškyjärviläisie .Naiset staraijah välittyä heilä omie tietoja , kumpaset aina kelvatah elämäššä .Kevyällä paikallisen koulun opaštujat yheššä vanhempien käsityöläisien kera nakerrettih onnittelusuveniirija ta yheššä myönnettih niitä erikoisen šotaoperatijon naisilla ta muamoloilla .Heitä kaikkie liikutti kotikyläläisien huomijo ta huoli .Kyläläiset avomielisešti kiitettih ošallistujie , mi tuli klubin toiminnan parahakši arvoššukšekši .
– Myö mielellänä ruamma lapšien kera , šanou "Jyškyjärven käsityöammattien " ošallistuja ta kyläkirjašton johtaja Tatjana Lesonen . – Staraičemma kehittyä heissä rakkahutta luovua työtä kohti , tuttavuššutamma lapšie perintehellisih jyškyjärviläisih käsityöammattiloih . Ei jokahisešta heistä tulou muasterija , ka taijot varmašti jiähäh .Pahakši mielekši meijän kyläh jiäy yhä vähemmän muasterija : nyt jo kenkänä ei luaji tunnettuja jyškyjärviläisie venehie .Muasterit vanhetah .Nuoret , kumpasie on yhä vähemmän , ei kiirehitä tulomah heijän tilalla .Še on šurullista , šentäh omien voimien mukah staraičemma šyventyö täh proplemah .Aika näyttäy , mitein še onnistuu .Tänä vuotena vanha karjalaini Jyškyjärven kylä viettäy 440-vuotisjuhlua .Jokavuotini kešäpruasniekka Čirkkakemijoven rannalla on omissettu tällä šuurella tapahtumalla ta keryäy äijän vierahie .
Jyškyjärven käsityöammatit-klubi niise ošallistuu šiih ta varmašti imehyttäy pruasniekan kävijie omilla töillä .Šiinä jyškyjärviläiset muasterit pärjätäh hyvin .
Luova työ keštäy jo kymmenen vuotta
Karelian Proper
New written karelian