Texts
Return to list | edit | delete | Create a new | history | Statistics | ? Help
Uljana Tikkanen. Koštamukšen lapšie opaššettih tanššimah
Uljana Tikkanen
Koštamukšen lapšie opaššettih tanššimah
Karelian Proper
New written karelian
Koštamukšen gimnasijan 2. – 4. luokan
opaštujat opaššušvuuvven lopušša käytih tanšši - ta kisatunnilla .Šitä piettih Karjalaini tanšširyhmä "Tuulitar " ta karjalan kielen opaštaja , kotišeutututkija Valentina Dmitrijeva .
Karjalan kielen opaštaja Anna Nikandrova kučču omie opaštujie mukavah ta vesseläh tapahtumah , jotta tanššie ta tuttavuštuo piirileikkiperintehih .Eri luokkien 12 koululaista kaunehena kevätpäivänä keräyty Kotiranta-turistimajan pihalla .Šielä heitä vuotettih tanššijat Tuulitar-ryhmäštä ta kotišeututukija Valentina Arhipovna Dmitrijeva .
– Lapšet opaššuttih eryähie karjalaisie tanššij a ta piirileikkijä . Tanššimašša hyö opaššuttih lyhyitä šanaliittoja , kuin kuččuo tanššimah , kuin laškie tanššin ritmie .Šiitä Valentina Arhipovna opašti lapšie leikkimäh Kalat ta verkko - šekä Niekla ta lanka -kisoih , šelitti Anna Aleksandrovna .
Tunnin lopušša oli čäijynjuonti , missä opaššettih järvikalojen nimijä ta missä oli aikua paissa Valentina Arhipovnan kera .Lapšilla oli oikein mukava kuunnella opaštajua , kenen opaštamiskokemuš on jo yli 60 vuotta ta ken kouluh lähtiessä ei tietän venäjän kieltä .Kotih kaikin tultih onnellisina ta ilosina .
Gimnasijašša karjalan kielen tunti on kerran netälissä , šiih tullah lapšet , kellä on karjalaisie juurie tahi kellä on mukava šäilyttyä karjalan kieltä , vaikka šuvušša karjalaisie ei ole .Lapšet opaššutah Jelena Pankratjevan oppikirjojen mukah , ka himottais , jotta ois enämpi tuntija .
Koštamukšen lapšie opaššettih tanššimah
Karelian Proper
New written karelian