Error:
Permission denied
Texts
Return to list | edit | delete | Create a new | history | Statistics | ? Help
Irina Zaitseva. “Oma Mua”: 35 vuotta karjalan kielen ta kulttuurin hyväkši
Irina Zaitseva
“Oma Mua”: 35 vuotta karjalan kielen ta kulttuurin hyväkši
Karelian Proper
New written karelian
Kešäkuun
6. päivänä Oma Mua -lehen 35-vuotisjuhlan kynnykšellä Veškelykšen kyläššä vietettih juhlallini tilaisuš .Perintehellisešti toimituš pitäy omie vuosijuhlie juuri šielä .
Kešäkuun 6. päivänä Oma Mua -lehen 35-vuotisjuhlan kynnykšellä Veškelyš-etnokulttuurikeškukšešša vietettih juhlallini tilaisuš .Perintehellisešti toimituš pitäy omie vuosijuhlie juuri Veškelykšen kyläššä .Šieläki mäni "Oman Muan " enšimmäini šuuri vuosijuhla 25 vuotta takaperin .
Pruasniekka alko Veškelyš-lauluryhmän esitykšeštä ta onnittelušta .Šiitä vierahie tervehti Oma Mua -lehen piätoimittaja Natalja Sinitskaja .
– Täkši vuuvvekši meilä on varuššettu kaikenmoisie pitoja . Myö rupiemma ajamah karjalaisih kylih .Olima jo Vieljärveššä .Ennein issuttimma Petroskoissa puita – koivuja ta pihlajie .Tämä tilaisuš Veškelykšen kyläššä on kaikista tärkein .Tahtosima , jotta tänäpiänä työ olisija kuin omašša pereheššä , korošti Natalja Anatoljevna .
Karjalan tašavallan lakienluajintakokoukšen deputatit Tatjana Tiškova ta Jurii Vasiljev muissutettih oman kielen šuurešta merkitykšeštä .
– Pitäy paissa omalla kielellä joka päivä , kaikki rippuu meistä . Vaikka missä paikašša löyvän mahollisuon šanuo pari šanua karjalakši ta šitä otetah vaštah hyvällä mielellä .Ylpeilen šiitä , jotta pakajan karjalakši , tiluan Oma Mua -lehtie ta karjalankielisie kirjoja , šaneli Tatjana Vasiljevna .
Šamoin Oma Mua -lehtie onnitteli Karjalan kanšallisen ta alovehellisen politiikan ministerijön kantakanšojen valtijollisen tuven ošašton piällikkö Jelena Migunova .Hänen mieleštä lehti tuli mukavammakši , šentäh kun nyt šiitä voipi lukie Karjalan sosialitalouvellisešta tilašta .Jelena Ivanovna luki Karjalan piämiehen Artur Parfenčikovin tervehyšatressin .
– "Oma Mua " ei ole vain lehti . Še henkilöiččöy rakkahutta omah kieleh , ylpevyttä ta kantatuattojen iäntä .Še kannattau šukupolvien yhteyttä ta auttau karjalaisien ainutluatusen perinnön šäilyttämistä , korošti piämieš .
Karjalan tietokeškukšen Kielen , kirjallisuon ta istorijan instituutti jo monta vuotta ruatau yheššä Oma Mua -lehen kera .Šiitä kerto instituutin johtaja Irina Novak .
– Yhteistyön enšimmäini puoli on še , jotta teijän leheššä kirjutetah kaikista meijän tilaisukšista ta tutkimukšien tulokšista . Toini puoli on še , jotta instituutin ruatajat ollah lehen lukijie ta kirjuttajie .Kolmaš puoli on še , jotta panemma teijän materialija Vepšän ta karjalan kielen korpussih .Tämä on hyvä asie , jotta korpussi kašvais , korošti Irina Petrovna .
Virallisen ošan jälkeh Oma Mua -lehen toimittajat vietettih keräytynyillä mukava karjalankielini tietokilpailu .Ošallistujat jakauvuttih viiteh joukkoh ta tarkaššettih omie tietoja karjalan kielen , perintehien , kulttuurin ta tapojen alalla .Voittajakši tuli Oman muan tähet -joukko .Šen ošallistujat šuatih lahjakši Kipinä-kuvalehen vereš numero karjalan kielellä .
Šeikkailupelin jälkeh Oma Mua -lehen toimittajie onniteltih Periodika-kuštantamon johtaja Jevgenija Šustova , Karjalan Rahvahan Liiton johtaja Anna Jakovleva , Karjalaisien X kerähmön valtuutettujen neuvošton johtaja Inga Gurilova ta valtuutettu Raisa Samodajeva .Lämpimie šanoja lehen toimitukšella šanottih kaikki halukkahat .
Lehen toimitukšen ruatojoukko šai Karjalan tašavallan lakienluajintakokoukšen kiitoškirjani , a kirjuttajat ta lukijat šuatih Karjalan kanšallisen ta alovehellisen politiikan ministerijön ta Periodika-kuštantamon kiitoškirjasie .
Šiitä tilaisutta virkissettih Revinnyh kottu -ryhmän laulut .Šen jälkeh Veškelyš-etnokultuurikeškukšen ruataja Irina Pogrebovskaja vietti halukahilla ekskursijon kylyä myöten , missä kerto paikan istorijašta ta näytti nähtävykšie .
Galina Porojeva ta Valentina Jefremova tultih Veškelykšeh Vieljärveštä .
– Pakajamma karjalakši lapšuošta alkuan ta mielellänä luvemma Oma Mua -lehtie . Lehen vuosijuhla mäni ylen hyvin .Toivomma , jotta lehti tulis värikkähäkši , šanottih naiset .
“Oma Mua”: 35 vuotta karjalan kielen ta kulttuurin hyväkši
Karelian Proper
New written karelian