Texts
Return to list | edit | delete | Create a new | history | Statistics | ? Help
Pehkonen Margarita . Igävöičen karjalan kielen meloudiedu
Pehkonen Margarita
Igävöičen karjalan kielen meloudiedu
Livvi
New written Livvic
Anuksespäi
rodužin olii Moskovan valdivonyliopiston žurnalistiekan tiedokunnan opastui Darja Sokolova tutkiu karjalan kielen portensiualua Karjalas .
Moskovan valdivonyliopiston žurnalistiekan tiedokunnan toizel vuozikursil opastui Darja Sokolova tutkiu karjalan kielen roulii da potensiualua karjalan tazavallas .
– Olen Anuksespäi rodužin , buabo , died’oi da muamo hyvin maltetah karjalan kieldy . Pahakse mielekse minä en pagize karjalua muamankielenny .Opastuin sidä školas , kerdou Darja .
Mieli tutkie karjalan kieldy tuli hänele piäh enzimäzel kursil opastujes .
– Moskovas opastujes ellendin , ku igävoičen karjalan kielen meloudiedu . On igävy , ku hörö tutkie karjalua tuli vaste yliopistos olles .Opin yhtelläh kaikelleh suaha tieduo karjalan kieles .Kävyn Anukseh kaksi kerdua vuvves da pagizen kieleh nähte omahizien kel , sanou Sokolova .
Tieduo karjalan kieles , sen käytös da kehitysmahtolois opastui suau sežo verkospäi .
– Mennyt vuon tutkimuksen aihiennu oli Joukkoviestimien rouli karjalan kielen kehitykses . Kačoin Viestit Karjala - da Omin silmin -programmoi .Ližäkse kačoin karjalankielizes Oma Mua -lehtes da Oma Media -portualal jullattuloi materjualoi .Sežo sotsiuallizet mediat autettih , mustelou Sokolova .
Tänä vuon opastui tutkiu , kui karjalan kielen tila tazavallas voibi vaikuttua arbailtavien konfliktoin syttymizeh .
– Tuliel aigua tahtozin lähtie tutkimusmatkah keriämäh rahvahanrunohuttu . Toinah lähten tutkimusmatkah yhtes filolougien tiedokunnan opastujien kel .
Tutkimusruado mustoittau Sokolovale hänen kodoilas , ga se ei ole hänen ainavo mieliruado .Tavan mugah hänen päivy on täyzi tapahtumua .
– Lähten koispäi aijoi huondeksel da kiännyn järilleh vaste myöhä illal . Olen teatrutapahtumis da kinolois kerdojan telegram-kanualan piälikkö da kul’tuuruelaijas kerdojan verkosivun toimittai .Sen periä yliopiston jälles kävyn erilazih kul’tuurupidoloih , kerdou Darja .
Joudavua aigua opastujal on vähä , ga häi oppiu viettiä sidä lähäzien kel .
– Moskovalazien tuttavien kel yhtymmö tiedokilboih da kižuammo stolakižoih . Konzu omahizet Karjalas da Piiterispäi tullah minulluo , kävelemmö pihoi myöte da kävymmö Moskovan muzeiloih .
Sokolova eläy Moskovas jo tostu vuottu .Piästä opastumah Moskovan valdivonyliopistoh häi huaveili vie 15-vuodehizennu .
– Školas minuu miellytti žurnalistiekku , minä ruavoin paikallizes Olonija-lehtes . Sih huolimata 11. kluasan opastujannu olles en tiedänyh , mindäh tahton opastuo žurnalistakse libo filolougakse , mustelou Sokolova .
– Ozakse piäzin kaikis tutkindolois läbi da tulin opastumah žurnalistiekkua . Minuu miellyttäy olla tiä , sanou Darja .
Igävöičen karjalan kielen meloudiedu
Livvi
New written Livvic