Texts
Return to list | edit | delete | Create a new | history | Statistics | ? Help
Nadežda Vasiljeva. Kešäjuhlien kauši alko
Nadežda Vasiljeva
Kešäjuhlien kauši alko
Karelian Proper
New written karelian
Kešäkuun
14. päivänä Kalevalašša piettih Uhtuon karjalaisien pruasniekka .
Juhla perintehellisešti alko kyykkä-pelin kilpailušta .Peluamah tuli šeiččemen joukkuo , niijen luvušša oli ni vierahie Piäjärveštä – Vienan Vuarto -joukko .
Kilpailun ošallistujie tervehti piirin hallinnon piämiehen šijahini Aleksandr Gladii .Šen jälkeh kilpailujen piätuomari kučču peluajie kentällä ta taistelu parahan joukon nimeštä alko .
Peli oli kiinnoštava ta luja : joka peluaja kuot’t’eli tuuvva omalla joukolla mahollisimman äijän pistehie .Nuoret kilpailijat lyötih kyykkih šamoin tarkkah , kuin ni kokenuot kalevalalaiset kyykkä-muasterit .Pitäy mainita , jotta viimesinä vuosina nuoret pojat ta tytöt mielelläh harjotellah kyykkyä , vuosittain kilpailujen taulukoissa voipi nähä yhä enämmän nuorisojoukkoja .
Kilpailu kešti muutoma tunti .Tänä vuotena parahakši tuli Kalevalan Kičut-joukko .Vain vähän jäleššä jäi Vienan Vuarto -joukko Piäjärveštä , ka peluajat oltih tyytyväisie omašta pelistä .
Illalla Uhtuon karjalaisien kulttuurin pruasniekka jatku Kuittijärven rannalla , kunne keräyty kalevalalaisie ta pos’olkan vierahie .Pruasniekašša oli äijän pelikenttie , näyttelyjä , kaupparivijä .Piätapahtumakši tuli šuuri konserttiohjelma , kumpani lahjotti kaikilla hyvyä mieltä ta luati hyväntahtoista ilmapiirie .Ohjelma valmissettih paikallisen kulttuuritalon luovat ryhmät .
Iltaohjelman erikoisuokši tuli tanšši-flešmobi .Še valmissettih Musiikkipiiri : kačo , opaššu , tanšši -projektin ošallistujat .Pruasniekan valmistelun aikana projektin järještäjät – karjalaisien tanššien ekspertti , Karjalan tunnetun horeografin Viola Malmin opaštuja , Karjalan šielu -arvonimen kantaja Boris Šustov šekä tunnetut Karjalan muusikot Sergei Zobnev , Tatjana Umn’akova , F’odor Astašov , Kirill Gurejev ta Anton Zaitsev oltih työmatalla Kalevalašša .Kahen päivän aikana hyö yheššä Kulttuuritalon tanššiyhtyvehien kera valmissettih uušie musiikkikappalehie , tanššimusiikin šovellukšie ta tanššinumeroja .Pruasniekašša Kalevalan tanššijoukot "Lokka ", "NEXT-šukupolvi ", "Krinkeli " näytettih kaččojilla , mitä opaššuttih .Šen lisäkši kaikki vierahat šuatih opaštuo tanššimah Humahušta , Šuliluikkua , Talonpojantanššie ta Oneganiemen katrillie .
Myöhäh iltah šuaten Kuittijärven ualtojen yllä virrattih karjalaiset laulut ta šieluo koškijat kantelen iänet .Kaččojat tanššittih ta laulettih artistojen kera , mielelläh ošallissuttih kilpailuih .Šiä niise autto pruasniekan pitämistä : Kalevalašša paisto päiväni , a vihmat mäntih ohičči laškien runonlaulajien mailla pitälti vuotettuo lämpyö .
Kešäkuušša pietty Uhtuon karjalaisien pruasniekka avasi kešäpruasniekkojen vuoruo .Jo lähiaikana pos’olkojen pruasniekat pietäh Borovoissa ta Luušalmešša .Šinne kučutah käymäh kaikkie halukkahie .
Kešäjuhlien kauši alko
Karelian Proper
New written karelian