Texts
Return to list | edit | delete | Create a new | history | Statistics | ? Help
Sidorkin, Valerii. Sulo Juntusen Karjala
Sidorkin, Valerii
Sulo Juntusen Karjala
Karelian Proper
New written karelian
Sulo
.Karjala Sulo Juntusen mualaukšissa -näyttely avautu Karjalan tašavallan taitomusejošša .Še on omissettu muasterin tulijalla 110-vuotisjuhlalla .
Näyttelyššä on esitetty tunnetun taiteilijan omaelämäkerta .Hiän šynty šuomelaiseh pereheh Piiterissä 1. šyyškuuta 1915.Tuatto oli šuutari , muamo ruato kuvontatehtahašša .
Nuorena Sulo huaveili , jotta häneštä ois tullun inšeneri tahi taiteilija .Voitti hänen šuuri veto taitoh .Enši kertua hiän esitti omie harjotelmie näyttelyššä vuotena 1940.Järješšyškomitietta ta kävijät huomattih niitä .Kohta Sulo hyväkšyttih Venäjän SFNT :n Taiteilijaliiton ehokkahakši .Onnakko še asie oli melko vaikie : šiih aikah hänen tuatto rankaistih , Sulo oli "rahvahan vihollisen " poika .Šiitä alko šota .Ollešša evakošša šillosella Molotovin alovehella Juntunen ruato mečänhakkuajana , opaštajana , Furmanov-höyrylaivan lämmittäjänä .Kuitenki hiän löysi aikua kehittyä maulauštaituo .
Šota loppu ta Sulo tuli Petroskoih .Hänen ammattikehityštä autettih oppitunnit Karjalan enšimmäisen anšijoitunuon taiteilijan Veniamin Popovin kera .
Vuotena 1946 Juntunen tuli Venäjän SFNT :n Taiteilijaliiton jäšenekši .Šen anšijošta taiteilija luajemmin ilmotti ičeštäh ošallistuon tašavallan , koko Neuvoštoliiton ta äšen ulkomaijen näyttelyih .Vuosien mittah tuli hyväkšyntä .Ajan mittah Sulo Heikkijevič tuli Karjalan ASNT :n ta Venäjän SFNT :n anšijoitunuokši taiteilijakši , Karjalan ASNT :n valtijopalkinnon šuajakši , Venäjän SFNT :n ta šiitä Neuvoštoliiton kanšantaiteilijakši .Hiän toimi Karjalan taiteilijaliiton johtajana 14 vuotta .
Sulo Juntusen naini Kerttu Karlovna ruato kiäntäjänä šillosen Progress-kuštantamon šuomelaisešša toimitukšešša .Yksi heijän kahešta pojašta , Oleg jatko tuaton ammattie ta tuli grafikokši .Pahakši mielekši hiän aivoin šiirty tuonilmasih .
Taitomusejon näyttelyššä on noin 50 tauluo , kumpaset Sulo Juntunen mualasi eri vuosina .Niissä on kuvattu Karjalan tevollisuškaupunkien , meččä - ta ruatopos’olkojen arkipäivie šekä mainivoja maisemie .
– Juuri mualuamalla maisemie taiteilija šai oman erikoisen rauhallisen , lakonisen mualauštavan , missä on hieno lyrikka ta erikoini kaunissuš . Hiän ošasi smiettie eeppisen luajašti ta vetyä kuvua yhteh taijon kannalta .Šen kautti hiän näytti rakkahutta Karjalah , šen luontoh ta rahvahah , korošti näyttelyn kurattori Julija Aprodu .
Kaikki esitetyt työt kuulutah Taitomusejon varaštoloih .
Taiteilijan ušiet taulut ollah Tretjakovin näyttelyšaliloisa , Venäläiseššä musejošša , Karjalan kanšallisešša musejošša , Venäjän ta ulkomaijen yksityiskokomukšissa .
Erähien tevokšien vierellä on nimitauluja , kumpaset kerrotah , jotta ruamit oli šuatu musejon Ota vaštah taulu -aktijon anšijošta .Erähien töijen vierellä on lyhyitä tekstijä – taiteilijan ajatukšie taijošta .
Kävijät voijah tutuštuo Sulo .Karjala Sulo Juntusen mualaukšissa -näyttelyh šyyškuun 7. päiväh šuaten .
Sulo Juntusen Karjala
Karelian Proper
New written karelian