Texts
Return to review | Return to list
Toimenpidoloin yhtehine jälletys tapahtuman paikal, konzu on kärzinytty
history
June 22, 2025 in 15:36 Александра Родионова
- changed the language
from Veps
to Livvi
June 22, 2025 in 15:35 Александра Родионова
- created the text
- created the text translation
- created the text: 1.^ Tarkastakkua, ku teil da kärzinyöl ei pie varata. Käyttäkkiä maskua da käzinehii. Arvostakkua kärzinyzien lugu da, ku on moine mahto, ilmoitakkua heile, ku olet valmis andamah enzimästy abuu. Turvua ilman välly läbikäyndy hengityselimien kauti, konzu niidy mitahto salbuau. 2.^ Kaččokkua kärzinyh. Azetakkua ulgopuoline verenvuodo sen nähtyy. 3. ^Tarkastakkua ongo kärzinyh hajus da hengittäygo häi. Gu häi on hajus, kačokkua 5.^ pygäl da muga ielleh. 4.1.^ Ku kärzinyh on tainehtuksis, ei hengitä da hänel ei ole verenkierduo, kuččukkua (iče libo rinnal olijoin avul) kiirehelline abu noumeran 103 libo 112 mugah. Algua syväin-keuhkoloin reanimatsii vuorotellen painajen rynnästy da keinotegostu hengitysty luadijes — 30 ryndähäle painandua kahteh hengitykseh. Gu on, käyttäkkiä avtomuattistu ulgopuolistu defibril’l’atorua. 4.2.^ Konzu kärzinyh oli tainehtuksis da rubei toibumah (libo ku häi allus algajen oli hajus) azetakkua händy muga, ku ilmu välläl läbikävys hengityselimien kauti (pyzyvy bokalleh azetus) libo kaldakkua hänen piä tuaksepäi da pidäkkiä sidä muga, ku leugu olis yläh päi (ku lienne ei sua azettua kärzinytty bokalleh virumah). 5.^ Tarkah kaččokkua kärzinyh, ku löydiä satatuksien, travmoin, myrkytyksien, myrkyllizien elättilöin purendan libo n’okkuandan jälgie; mehanizien, hiimiellizien, sähköllizien, termiellizien vahingoittajien faktoroin da suvastuksen periä suaduloin satatuksien jälgie da toizien hengisolendale da tervehyöle vahingollizien ololoin merkilöi. 6.^ Andakkua enzimästy abuu suaduloin tiedoloin perustehel. 7.^ Avvutakkua kärzinyöle ottua rohtoloi, kudamii liäkäri ennepäi kirjutti hänele. 8.^ Azetakkua kärzinyh hyväh tilah hänen oluo da suaduloi satatuksii huomivoh ottajen. 9.^ Kuččukkua kiirehelline abu (gu se ei olluh kučuttu ennepäi). Kiirehellizen avun da toizien palveluloin tulendassah tarkastakkua kärzinyön oluo, andakkua hänele psiholougiellistu kannatustu. Kiirehellizen avun briguadan tulduu andakkua heile kärzinyh, vastakkua kyzymyksih da avvutakkua kaikel, mil voitto.