Texts
Return to review | Return to list
Moršien itköy omalla tuatolla ta muamolla
history
June 24, 2025 in 15:31 Нина Шибанова
- created the text
- created the text: Passipo, kaunis hyväseni, kajon viimesien päiväkuatervoisieni kaunehista kannetuista päin tullehien kačahušvierahaisien kajon kualattelomua. Passipo, orhie hyväseni, kuin viimeset päiväopranjaiset olovan onehien narotaisien otsakonaisie myöten kaiken oimullisih luatusih olovan orhien narotaisen luajittelit. Nyt rupie, valkie hyväseni, vielä vualimaisien varasih vallan vähäsillä vartunta-aijoilla varuštelomah. Nyt rupien, [orhie] hyväseni, oimun enšimmäisiksi onehien vetysieni keralla oččašeinillä olijie vaškioprasaisie /kyšymäh/. Et tiijä, ottamissa min oimulliset opiitaiset oimun luaittauhutah, mie šiun omusista oimun aššutettujen vaškioprasoijen esih oččapoklonoijeni keralla oimun luaitteliu'un. (Kumartau jalkah:) Oletko, valkie hyväseni, vualimaisih varasin vuatelippahaiset varuššellun ta vuatelippahaisien täytehiset varšišomasie? Vielä pitäis, valkie hyväseni, i välišäijen varaset varšijalaččiset varuššella. Vualimissa kuin varšitöijen varasih vallan luajitellah, niin šiun valkevuisista vallan aššuteltusih varsijalaččisih vuatettautusin. Oletko, tuuvis hyväseni, tuuvehemmilla aijoilla tuuvittamih tuhatvillaset turkkivuattiet tunnon luajitellun. Vielä, kyllä hyväseni, pitäis yksin kynin kynityt kylkišijaset kyhän luajitella. Hot on kylvettämillä omat kylkišijaseh, et tiijä kuissa kyhelmäaijoissa omilta kylkišijasiltah kylmillä puolilla kylmäilmasie kyhän olotellah. Niin hiän šiun aššutettuloilla kylkišijasilla kyhän luatiutuis. Vieläi, kaunis hyväseni, pitäis katekatuhkaiset kauhijen (?) mualliset. Et tiijä, kannetut omilta katešijoiltah kajon olotellah, hiän šiun kaunehuisista kajon aššutettuloih katekatuhkaisih kattau'ukšenteliutuu. A nyt ne vielä ruvetah, mairis hyväsen, täyšimaitosie maitomairikrikkisie luatikšentelomah. Vielä, sirie hyväsen, pitäis šilloilla šeisovat šilosorkkaset šiivon luaitella šittimih. Ei tiijä, šittimäisien šijanporšahien šilittelysie šiivon luaitellah. Niin mie šiun šiivon aššutettuja šilošorkkasie šilittelen. Vieläi, kaunis hyväseni, pitäis kankahilla kaikattajat kariččalampahaiset kannettuihi kajon luaitella. Hot’ on kannettuisissa kajon olovat karjat kariččalampahie, niin et tiijä kaihoin šanoin kajon luaitellah. Mie šiun kaunehuisista kajon aššutettuloja kaunehie kariččalampahie kačahtelen. Vieläi, valkie hyväseni, kaiken vallalliset luatuset varuštele, anna en vallan enšimmäisinä vuošivarrekšuisina vajautuis enkä vualimilta vuatis, tiän valkevuisista vallan ašetettuloih varšišomasih vuatiččeutusin.
- created the text translation