Texts
Return to list | edit | delete | Create a new | history | Statistics | ? Help
Uljana Tikkanen. Uuši projekti tuttavuššuttau lyydiläisih
Uljana Tikkanen
Uuši projekti tuttavuššuttau lyydiläisih
Karelian Proper
New written karelian
Lyydiläiset . Lyhyijen filmien šarja
lyydinkarjalaisien ainehellisešta ta henkelliseštä kulttuurista -projektie toteutetah tänä vuotena Karjalašša .
Projektin aikana joka halukaš voipi kuot’ella olla kotišeutututkijana , käyvä tutkimušmatašša ta tiijuštua äijä mukavua karjalaisien vähälukusimmašta ryhmäštä – lyydiläisistä .Projektin piätapahtumat – tutkimušmatat piirilöih , missä lyydiläiset eletäh , pietäh heinäkuun lopušša – elokuun alušša .Matat järješšetäh Kontupohjan , Priäžän ta Aunukšen piirilöissä .Ošallistuo šiihi voipi makšutta ta ryhmät on jo kovottu .Matkoih lähtöy opaštujie , kotišeutututkijie ta niitä , ketä kiinnoštau harvinaisen kanšan kulttuuri .Monilla ošallistujilla on lyydiläisie juurie ta hyö opaššutah lyydin murrehta .Šemmosilla ihmisillä projekti on mahollisuš käyvä kantatuattojen kotimailla tahi käyttyä kieltä pakinoissa karjalaisien kera , kellä še on muamonkieli .
– Tutkimušmatat ei olla pitkie – kolme päivyä . Niijen aikana myö tutkimma lyydinkarjalaisien kulttuurie .Jokahini ošallistuja on kotišeutututkijan roolissa : tutuštuu lyydiläisih kylih ta paikallisih eläjih .Myö elämmä teltoissa ta šyömmä ropivolla keitettyö ruokua , šelittäy projektin johtaja Al’ona Mil’gevič .
Tutkimušmatkojen tulokšekši tulou kolmen dokumenttifilmin valmissuš .Iče ošallistujat valmissetah tekstijä ta pakautteluja filmie varoin .Lisäkši tutkimušmatoissa rupieu toimimah valokuvuaja ta projektin lopušša valmissetah valokuvanäyttely .
Projektin ošallistujien enšimmäini vaštautumini oli pietty kešäkuušša uuvvešša lyydiläisien etnokulttuurikeškukšešša Petroskoissa .Keškukšen emäntä Lidija Konovalova kerto lyydiläisien kulttuurista ta omista kotikylistä Kontupohjan piirissä .Projektin ryhmällä hänen n’euvot ollah kallehie , ne autetah valita , mih kylih on parempi ajua , mistä paikoista voipi vielä löytyä männeisyöh virtuajan kulttuurin tovistajie .
Lisyä tietuo projektista voipi lukie VK-ryhmäštä .Šiinä jo nyt on julkaistu tietuo lyydiläisien keittijöštä , kieleštä , etnokulttuurikeškukšista eri piirilöissä ta järještölöistä , kumpaset hoijetah kanšan istorijan ta kulttuurin šäilyttämistä .
Lyydiläiset . Lyhyijen filmien šarja lyydinkarjalaisien ainehellisešta ta henkelliseštä kulttuurista -projektie toteutetah Rosmolod’ož-fondin grantin kannatukšella .
Uuši projekti tuttavuššuttau lyydiläisih
Karelian Proper
New written karelian