Texts
Return to list | edit | delete | Create a new | history | Statistics | ? Help
Galina Baburova. Nina Zaicevan vepsläine oza
Galina Baburova
Nina Zaicevan vepsläine oza
Veps
New written Veps
Petroskoiš
om lähtnu eloho "Minun vepsläine oza " -novella vepsän da venän kelil .Kirjan avtor om Nina Zaiceva .Vepsläižile ei tariž eriži pagišta siš , ken hän om .Nina Grigorjevnad mugažo nimitadas vepsän kirjkelen mamaks .Hän om äiluguižiden vepsän kelen openduzkirjoiden da vajehnikoiden avtor .Necil čudokahal naižel , tedomehel om runoilijan heng : hän om kirjutanu äi runoid lapsile da aigvoččile .Nina Grigorjevna kirjutab prozad-ki .
– Minei oma mel’he Vasilii Pul’kinan töd . Sündui taht mugažo kirjutada vepsläižes küläelos , ližata ičein tundmusid .Tahtoin ozutada , kut ristit zavodib rižada ičtaze ičeze rahvahan da sen kul’turan palaks , ozutada , kut kodikel’ tegese hänen elon ozaks , – sanub Nina Zaiceva .
Päazjan kaik vepsänkeline čomaliteratur paindas "Verez tullei " -al’manahas .Muga oli "Minun vepsläine oza "-novellanke-ki .Sen ezmäine pala oli paindud al’manahas vodel 2022.A toine pala – vodes päliči .Nügüd’ kogonaine tö om keratud ühthe kirjaha .Avtor sanub , miše äjad aigtegod , miččiš om kirjutadud novellas , hän oti todesižes elospäi .
– Taht ozutada , mi oli meil , vepsläižil , tuli päha i ei pästand mindai valdale , se vedi mindai kacuhtamha necidä elod ühten külän da kanzan ozutesel . Sikš bumagale tuliba-ki nene kuvad , miččed elos oliba i miččid ei olend , tuliba muštho külän armhad eläjad , no ei olend tahtod kucta kaikid heiden todesižil nimil .Ved’ nece om kaikuččen ristitun personaline elo , sikš nimed om vajehtadud i kaik om anttud minun mušton da hengen kal’t , kut minä necidä nägin , rižoin , muštin , – ližadab Nina Grigorjevna .
Novellas lugii tundištase Veraiženke , kuz’voččen neičukaiženke .Hänes ümbri om tehtud kaik novellan süžet .Hänelpäi tedištam siš , mi tegese elos , ühtes hänenke holdum elon da kanzan erazvuiččiš azjoiš .Lugii tedištab Veraižen armastuses kanznikoihe , kodikülähä .Babalpäi da dedalpäi Veraine sab melentartuižid tedoid vepsän rahvahan tradicijoiš da veroiš .Neičukaižen elod eläb lugii-ki .Kaikuččel lehtpolel om taht holduda ühtes starinan pähengenke – se tusttuda , se ihastuda .
Aig mäneb , Vera kazvab kel’tedomeheks .Hänen armastuz vepsän kel’he da ičeze rahvahaze , rahvahan elo tegesoiš hänen "vepsläižeks ozaks ".Jumal vedäb händast necidä tehutme i ei anda kärautas nikuna .
Kuvad "Minun vepsläine oza " -kirjan täht tegi "Kodima "-lehtesen toimitai , taidehpirdai Darja Hil’ .Hänen rad lujas tuli mel’he avtorale :
– Darja om lahjakaz ristit !Hän lujas tarkašti lugi tekstan da tegi čomad kuvad .Nacein , Darja pani niihe hengen .Rad om tehtud lahjakahašti .Kaikes südäimespäi kitän i spasiboičen händast siš !
Uz’ azj Nina Zaicevan täht om siš-ki , miše nece "Minun vepsläine oza " -novella , kut oli sanutud ülemba , om paindud vepsän i venän kelil .Nina Grigorjevna sanub :
– Nece om minun täht uz’ azjb – venänkeline tekst .Ka , minä pagižen čomin venäks , minä sain Vologdan institutas venän kelen i literaturan kesk školan opendajan radmahdod , no en radand školas .Teta kel’t , pagišta sil i kirjutada čomad prozad – nene oma ani toižed azjad , stil’ad .Tariž , miše oliži lahjoid kirjutada čomašti venäks , kut tegeba kirjutajad .
I sid’ minä tahtoižin sanuda äi spasiboid Jelena Ivanovna Markovale , tetabale literaturan tundijale , fi lologijan tedodoktorale Petroskoišpäi i fi lologijan tedokandidatale , hoštajale venän paginoiden tundijale L’udmila Jurjevna Zorinale Vologdaspäi siš abus , mittušt hö andoiba venänkelišt tekstad lugemižes i kohendamižes .
Uden kirjan tiraž om 500 ekzempl’arad .Siš jo küzuba vepsläižiden tahoiden eläjad .Pigai "Minun vepsläine oza " putub lugijoiden käzihe – se oigetas openduz - da kul’turorganizacijoihe .Ližaks , avtor toivotab läheližel aigal tehta kirjan prezentacijan lugijoiden täht .
Nina Zaicevan vepsläine oza
Veps
New written Veps
–
–