Texts

Tulin angeh aivin abeudunun muamorukka

June 30, 2025 in 15:57 Нина Шибанова

created the text
created the text: Tulin angeh aivin abeudunun muamorukka, hoi alli aigomazeni, siuda armahist'a syndyzist'ä aigauttamah. Tulin, kukla kuvuamazeni, siuda kukkahista synd'yzist'ä, kukas kandajaizeni, kuonnuttamah. Omahas pienien kaksikerdazien kandamozieni kera kallehista synd'yzist'ä siuda tulin kuonnuttamah. Nouze lämbiemät't' ömän muamorukan liänimäzeni, lämbimist'ä synd'yzist'ä pienie omiedas liänimäzie kaččomah. Tule hoi, siččimäzeni, sibie on kandajazen, omahas siivottomist'a siämyzist'ä azetettuloi siiččimäzie omilas siivottomila siivenkynäzil'ä silit't'ämäh. Oi alli aigomazeni, aigauvu armahist'a synd'yzist'ä omiedas kaksikerdahizie aigomazie armahemmin käd'yzin omiedas aigomazies armahemmila käd'yzilä armastamah i silit't'ämäh. Mie d'o en'ämbi en voi vaivane, vaiveudunuh muamorukka, valgie alli vualimazeni, siun kaksikerdazie vualimazie omila vaibunuzil'a siivenkynil'ä ni vovse armastua ni silit't'iä. (No, en voi en'ämbi, midä sanuo.)
created the text translation