Texts

Stolavirzi

July 01, 2025 in 16:53 Нина Шибанова

created the text
created the text: Elä, kanazeni, katkualiete, on kandamien omenalla kaksillatoista virššoilla kajujat kaamennoit palatit. On, kuklazeni, kuvuamien omenalla kuuzillatoista virššoilla kuumottajat kuuriččakerrokset. Elä, kanazeni, katkualiete, ollah kananjäiččillä kataijut ulgozed uuliččapihazet. Elä, kanazeni, katkualiete, ollah vualimien omenalla vagavat kaksipuolellizet valdavanhemmat. Elä, kanazeni, katkualiete, ollah suavistamien omenalla samosvietloit samovuarat. Elä, kanazeni, katkualiete, ollah lienimien omenalla liävässä liänit'yt liävälähtömäzet. Elä, kanazeni, ite, on vil'l'oilla viehätetyt vil'l'avaržazet viihyttämien omenalla. On vualimien omenalla hyvät valgamozed. Hyvissä valgamozissa hyvät kuuzilaidahizet karablit. Elä, kanazeni, katkualiete, kuvuamien omenalla ollah kudrikulmazed kupeečeskoit kudrit. On mielien omenalla ministrojen mielet, ujezdojen umat. Elä, kanazeni, katkualiete, ei ole idvomien omena ildakastien kualaja, vesselien viinar'umkien vedelijä, karttilojen kandelija ei ole.
created the text translation