Texts
Return to list | edit | delete | Create a new | history | Statistics | ? Help
Uljana Tikkanen. “Pyörät vejellä” Venehjärveššä
Uljana Tikkanen
“Pyörät vejellä” Venehjärveššä
Karelian Proper
New written karelian
Pohjosen hyvä
-hyvänluajintafondi yheššä Sosialitiijon toimiston kera ta Severstal’-yhtijön kannatukšella piettih enšimmäini granttikilpailu .Šen tarkotukšena on kehittyä luovua toimintua pohjoispiirilöissä .
Karjalaisen kulttuurin šäilyttäjän ta kannattajan Julija Filippovan Pyörät vejellä -projekti on kilpailun voittajien luvušša .Julija joukon kera rupieu järještämäh perintehellisen kulttuurin festivalie vanhašša karjalaisešša Venehjärvi-runokyläššä .
– Pyörä on šukupolvien yhtevyön simvoli . Vesi on perintehellisen kulttuurin tärkie oša .Veještä šuahah kalua ta vesičči matatah .Pyörie tulou vejellä , kun airo laškou veteh , še merkiččöy , jotta rahvašta eläy näillä paikoilla ta ihmiset muissetah omie perintehie .Pyörie voipi olla kaloistaki , kun ne kisatah vejen pinnalla , a kala ta kalaššuš ollah perintehellisen elämäntavan tärkeimmät ošat .Šentäh projektilla on šemmoni nimi .A festivalin tarkotukšena on näyttyä perintehie , kumpaset liitytäh kalaššukšeh šekä järvien ta jokien šeuvun elämäntapah , šelitti projektin johtaja Julija Filippova .
Festivalissa šuunnitellah pityä muasteri-oppija ta näyttyä mitä pitäy ošata ruatua , jotta varata talvekši riittäväšti kalua , a ruattavua on tovellah äijä : rakentua veneh , luatie pyyvvykšet , kutuo erikokoset verkot šekä vakat kalua varoin , valmistua šopivua vuatetta , jotta ois mukava olla järvellä lämpimällä tai kylmällä šiällä .
Festivalin ošallistuja , konša käypi kaikissa muasteri-oppiloissa , varmašti šuau tietyä äijä viisašta ta mukavua tietuo elämäntärkieštä ruavošta .
Muasteri-oppija ruvetah pitämäh paikalliset eläjät , ket opaššuttih niih ruatoloih omilta vanhemmilta , tahi karjalaisešta kulttuurista šyväšti kiinnoštunuot ihmiset .
Festivalissa šuau niise maissella kalaruokua : kapakeittuo , kalakukkuo , paissettuo ta keitettyö šekä šuolaista kalua šekä juuvva vereštä horšmačäijyö piiraijen kera .
Yhtänä karjalaista pruasniekkua ei šua kuvitella tanššiloitta ta lauluitta .Venehjärveh kučutah folkloriryhmie lähikylistä .Festivali šuunnitellah pityä elokuušša .
– Festivali pitäy viettyä , šentäh kun še šynnyttäy ihmisissä kiinnoššušta perintehellisih käsitöih ta ruatoloih . Toivomma , jotta šen jälkeh vierahat tahotah opaštuo kutomah verkkoja tahi luatie vakkoja , rikenempäh valmistua kalaruokie ta opaštuo karjalan kieltä .On tärkie , jotta festivalie varoin on valittu uuši paikka – Venehjärvi , missä viime aikana festivalija ei pietty .Turistit tultuon pruasniekkah šuahah tietyä , mintäh kylyä šanotah Vienan helmekši , tiijuššetah tunnetušta Lesosien šuvušta , runonlaulajista ta rauvan šuamisešta , lisäsi Julija .
Nyt festivalie varoin valmissetah ohjelmua šekä tiijotušmaterialija vierahilla .Festivalin ajašta ta kuin piäššä šinne ilmotetah vk .com /etnofestivaali -ryhmäššä .
“Pyörät vejellä” Venehjärveššä
Karelian Proper
New written karelian