Texts
Return to list | edit | delete | Create a new | history | Statistics | ? Help
Ol’ga Ogneva. Kezäsv’atkat piettih Korzas
Ol’ga Ogneva
Kezäsv’atkat piettih Korzas
Livvi
New written Livvic
Čoma
vessel kezäpruazniekku keräi suuren joukon rahvastu ennevahnallizeh karjalazeh Korzah .
Tänä pyhänpiän jo viijes kerdu sie piettih Viändöidy .
Muga karjalazet sanotah Iivanan da Pedrunpäivän välisty aigua , kudai on juuri täl nedälil .Näminny päivin kuvatah kylyvastoi da nostetah lembie neidizil da brihoil .Sikse pruazniekas kylbiettihesgi vastoil täytty vägie , vai lehtet lennettih čurah-toizeh .
Pruazniekkah tuli pajattajua da tansijua Anuksenlinnas , Petroskoil , Jessoilas , Veškelyksespäi .Bes’odaine-pajojoukko Čalnaspäi ilaškoitti kaččojii karjalazil pajoloil .
– Minä Korzas olen ezmäizen kerran nengomal pruazniekal . Minul se on mieldy myö .Ylen äijy on täs midä ostua .I lapsil , i suurembil , kiitti pruazniekkua "Bes’odazen " pajattai Jevdokija Berezina .
Rahvastu käziruadojarmankal oli kui kudžoidu kudžoimättähäs .Muasterit tarittih eri luaduu käziruadoazutestu .Nuožarveläzet emändät ozutettih , kui pastetah keitinpiiraidu .
– Yös en muannuh , pastoin . Šipainiekkua da keitinpiiraidu zuaharinke .Pikoivähäine vai jäi , kai ostettih , löyhki jessoil’ču Tatjana Ignat’kova .
Pruazniekkurahvas käydih kaččomah Korzan muzeidu , kunne on kerätty ennevahnallistu ruadobrujua , ast’ettu , pertilomuu , kaikkie , midä enne oli joga karjalazes talois .Pihal Siämärven palitru -plenerah yhtynyöt taidokuvailijat ymbäri Ven’ua ozutettih , midä ehtittih piirdiä kymmenen päivän aigah Siämärven čupul .
– Karjalazet kylät , luondo nikedä ei jätetä viluverellizekse . Puhtas ilmu , hyvät rahvas , kaunis randu .Da puuhine arhitektuuru , kudamua myö ihailemmo .Hyvä , ku nenne koit seizotah tännesäh , sanoi taidokuvailii Piiterispäi Svetlana Varfolomejeva .
Juuri ennevahnallizien kodiloin periä , enimät kudamis ollah liygiläzien puuarhitektuuran mustomerkit , Korzua sanotah histouriellizekse kyläkse .Sadavuodizis kodilois ollah tännesäh lämmät päčit , tuatan tapokselpäi lähtenyöt lapset ei unohteta kodimuadu dai uvvet ižändät vardoijah da kaitah vahnoi taloloi .
Viändöi enne oli rouno pieni hengähtyskeski heinargie vaste , kudai alagavui Pedrunpäiväs .Mugai nygöi vahnoi taboi noudajen , Korzas rahvas hengästyttih vähäzen kezäkiirehis .Kezäsydämelhäi pidäy ruadua täytty vägie talveh varoin .
Kezäsv’atkat piettih Korzas
Livvi
New written Livvic