Texts
Return to list | edit | delete | Create a new | history | Statistics | ? Help
Karjalas miärättih meččymarjoin keriämizen aijat
Karjalas miärättih meččymarjoin keriämizen aijat
Livvi
New written Livvic
Karjalan
tazavallan luonnonvaroin da ekolougien ministerstvu on ilmoitannuh meččymarjoin keriämizen aijat vuvvennu 2025.
Ven’an tiedoakadeemien Karjalan tiedokeskuksen biolougien da mečän instituuttu on miärännyh aijat , konzu voibi ruveta keriämäh šl’uboidu , garbaluo , must’oidu da buolua Karjalan eri piirilöis .Sih nähte ilmoitettih Karjalan luonnonvaroin da ekolougien ministerstvas .
Kondupohjan , Lahdenpohjan , Karhumäen , Mujehjärven , Anuksen , Onieganrannikon , Priäžän , Puudogan , Pitkänrannan , Segežan , Sordavalan da Suojärven piirilöis da Petroskoin linnualovehel šl’uboidu voibi kerätä heinykuun 12. päiväs algajen , must’oidu – heinykuun 26. päiväs algajen , buolua – elokuun 21. päiväs algajen , garbaluo – syvyskuun 13. päiväs .
Kalevalan , Kemin , Louhen piirin , Belomorskan da Kostamuksen linnualovehel marjoi voibi kerätä vähästy myöhembi .Šl’uboidu voibi kerätä heinykuun 19. päiväs algajen , must’oidu – elokuun 2. päiväs algajen , buolua – elokuun 28. päiväs algajen , garbaluo – syvyskuun 20. päiväs algajen .
– Täs aijas ruvetah kypsenemäh meččymarjat . Ristittyzil pidäy oigieh kerätä marjoi vahingoittamata mečän varoi , sanoi Luonnonvaroin da ekolougien ministerstvan mečän käytön da kazvatuksen ozaston piälikkö Marina Piletskaja Respublika-informagenstvale .
Mustoitammo , ku tegoäly avvuttau marjoin da grivoin-sienien ečos Karjalan mečis .Tehnolougii uskaldetah suaja käyttöh kezäl 2025.
Karjalas miärättih meččymarjoin keriämizen aijat
Livvi
New written Livvic