Texts
Return to list | edit | delete | Create a new | history | Statistics | ? Help
Urbanovič Marija . Tuomi-ryhmä täytti 50 vuotta
Urbanovič Marija
Tuomi-ryhmä täytti 50 vuotta
Karelian Proper
New written karelian
Lapšuošta
alkuan myö joka kyläpruasniekašša kuulima karjalaisie ta šuomelaisie lauluja , kumpasie esitettih "Tuomen " artistat .Niijen šanoja ei pitän opaštuo ulkuota , ne iče tartuttih muistih .
Jyškyjärven Tuomi-folkloriryhmän istorija on keštän jo 50 vuotta .
Enšimmäisie harjotteluja piettih 1975 vuotena .Jo vuuvven piäštä kollektiivi esinty Petroskoin kaupunkinpäivän juhlašša Jyškyjärven katrillin ta Karjalaiset hiät -spektaklien kera .
Nyt "Tuomen " ohjelmistošša on 80 lauluo , piirileikkie , itkuo , joikuo .Kaikki ne on kerätty Jyškyjärveššä .
Monie lauluja ta tanššija tallennettih Marija Osipovna Uljanovalta , Mavra Maksimovna Korkkoselta , rahvahan starinankertojalta šekä karjalaisien laulujen ta runojen esittäjältä Uljana Mihailovna Kardininalta , Anna Sergejevna Stepanovalta .Helmi Ivanovna Rekinua tiijetäh joikujen esittäjänä , a Vera Grigorjevna Meteleva laulo itkulauluja .
Monta vuotta kollektiivin ohjuajana oli Galina Aleksandrovna Patrakova , a vuuvvešta 1997 ryhmyä johtau Raisa Ivanovna Ribakova .
Vuosien mittah kollektiivin artistoina oli 70 henkie , niijen luvušša 15 mieštä .Aika muuttu , muututtih ohjuajat ta ryhmän ošallistujat .Muuttumattomana oli vain rakkahuš kotišeutuh ta luomistyöh .
"Tuomi " esiinty pruasniekoissa ta festivaliloissa Šuomešša , Virošša , Murmanskissa ta tietyšti omašša Karjalašša . Lämmin vaštahotto , räpytykšet , kaččojien muhahukšet , a toičči kyynäletki innoššettih kollektiivin artistoja .
Tuomi-ryhmällä on mielehini laulu , kaikilla tunnettu "Šorjana kašvoi ".Šen lisäkši kollektiivin ošallistujat kiännettih karjalakši Tulkua Vienah työ käymäh-laulu .Laulujen ta tanššien paičči "Tuomen " artistat esitettih kaččojilla kolme näytelmyä šekä vietetäh tanšši-iltoja , missä koululaiset ta kaikki halukkahat voijah opaštuo tanššimah rahvahan tanššija .
Vuotena 2010 ryhmä šai Kanšankollektiivi-statussin ta tovisti šitä 10 vuotta .
Onnittelemma Tuomi-ryhmän ošallistujie merkkipäivällä !Kiitämmä karjalaisien kulttuurin ta folklorin šäilyttämiseštä , rakkahuošta ta varmuošta pieneh kotimuah !Toivotamma tervehyttä ta perehonnie , lykkyö ta luovua mäneššyštä !
Tuomi-kollektiivin artistat ilahutetah kaččojie Jyškyjärven kyläpäivänä 26. heinäkuuta .Tulkua ihual’omah kanšantaituo ta karjalaista folklorie !
Tuomi-ryhmä täytti 50 vuotta
Karelian Proper
New written karelian