Texts

Краткая Священная исторiя. Muailman luaindu

July 31, 2025 in 10:05 Ирина Новак

created the text
created the text: Muailman luaindu. Yksi Jumal, Pyhäs Kolmes Liičas kumardeltava, on kaiken¦-¦igähine, se on, Hänen olendale ei ole ni alguu, ni loppuu, no ainos Häi oli, nygöi on i ainos lienöö olemah. Paiče Jumalua kaikele on algu. Jumal luadi kai tyhjäs. Jumalale ei olluh hädiä ni miittumas eläjäs, sendäh kui Häi Iče Ičes ainos oli i on täyvellizesti kylläine i ozava; a luadi kai yhty Omua hyvytty myö, jotta kui eläjät suadas Hänes muga äijy hyvytty, mi ottua voijah, i ihasteltazih i oldas ozavat. Jumal luadi kai Omal sanal: sendäh kui Häi on kaiken¦-¦voimakas. Allus Jumal luadi taivahan i muan azettamattomannu, a azetti net kuvves päiväs. Enzimäizenny päivänny azui Häi valgien. Toizennu – sen tilan, mis ollah azetetut päiväine, kuudama i tiähtet, ei¦ka nägevän taivahan. Kolmandennu – eroitti vien muas i käski muale kazvattua kazvaimet. Nelländenny – azui päiväizen, kuudaman i tiähtet. Viijendenny – kalat i linnut. Kuvvendennu – muan elävät, i jälgimäi inehmizen. Inehmizen hibjan Jumal azui muas, i andoi hänele kuolemattoman hengen. Seiččemendenny päivänny Jumal lebäi kaikis Omis toimituksis, i pyhitti sen päivän, se on , azetti muga, jotta inehmine seiččemenden päivän sluužis erikseh Jumalale.
created the text translation