Texts

Краткая Священная исторiя. Enzimäizien inehmizien hyvä eloaigu

July 31, 2025 in 10:32 Ирина Новак

created the text
created the text: Enzimäizien inehmizien hyvä elo¦-¦aigu. Enzimäizele miehele oli nimi Adami, a enzimäizele naizele Eva. Jumal azui Evan kylgi¦-¦luus, kudaman otti Adamil, konzu häi magai. Inehmizet ollah azutut Jumalan kuvua i muodoo myö. Jumalan kuva ei ole hibjas, sendäh kui Jumal on hibjatoin, no henges, puhtahas mieles i pyhäs vallas. Adami i Eva elettih Ruajus, hyväs sadus, kudai oli istutettu ei inehmizien käzil, no sen valmisti heile Jumal. I Ruajun, i kaiken muan, i kai muan eläjät Jumal andoi inehmizien valdah. Kaikis paras Ruajun puulois oli eländän puu. Inehmizet, syvves sen puun kazvaimii, ei olis kuoltu hibjal¦-¦gi. Adamil i Eval ei olluh hädiä sovas; sendäh kui ilmas ei olluh ni midä hibjan rikkojua, i sendäh kui heijän hibjat oldih kuolemattomat i puhtahat, a sendäh ei pidänyh kattua niidy soval. Inehmizen velgu oli tiediä i suvaija Jumalua, i sit erikseh oli hänen oza. Jumal muga¦-¦gi käski hänele ruadua i vardoija Ruajuu i kieldi syvvä kazvaimii yhtes vai puus, kudamal oli nimi: hyvän i pahan tiedämizen puu, sen kere, jotta, vai kui syöbi niidy, surmal kuoloo.
created the text translation