Texts
Return to list | edit | delete | Create a new | history | Statistics | ? Help
P’otr Vasiljev. Ozan puzuine endevanhas Tervalas
P’otr Vasiljev
Ozan puzuine endevanhas Tervalas
Veps
New written Veps
33. "Enarne Ma
" -praznik , mitte oli heinkus endevanhas Tervalküläs , kerazi lujas äi adivoid Venäman erazvuiččiš agjoišpäi . Vaiše artistoid da mastarid tägä oli enamb 200 mest .
Terval om endevanh külä meiden röunas .Sen nimen pohjas om sana "terv ".
Konz-se necil praznikal tägälaižel scenal lugi ičeze runoid vepsän literaturan klassik Nikolai Abramov .A necil vodel täs-žo ezmäižel kerdal ozutadihe minun uz’ "Baboin ripakod "-sarn , mittušt čomiti runoil lahjakaz artist da runoilii Leonid Zaicev .
Ojatin vepsläižiden praznikan nimi necil vodel oli mu - goine – "Baboin ripakod – ozan puzuine ".I neciš nimes om süvä mel’ , melevuz’ , mitte anttas pol’vespäi pol’vehe , baboišpäi vunukoile .
Olin ihastusiš vastata äi tutabid sijaližid eläjid da adivoid Terval-küläs .Äjad oliba tradicionaližiš sädoiš pöl’vhaspäi .Mugoižed käzil ombeltud sädod lahjoičeba hüvid melid da täutaba südänt armastusel kodiröunaha .Hüvän tradicijan mödhe nored artistad toiba scenale rusttoid ezipaikoid vepsläižiden kirjaimidenke , miččišpäi oli keratud praznikan nimen .Ezipaikoid riputadihe kurgesižel aidal , i nece azj kuti ozuti kinktad sidod ezitatoidenke .
Kacujile lujas tuli mel’he kantelistoiden ansambl’ "Ilomieli " Karjalaspäi .Piterišpäi praznikale tuli inkerilaižiden "Inkerin Liitto " -sebran "Piirileikki "-kargkollektiv , a Podporožjen rajonan Vidlküläspäi tuli "Sudaruški "-ansambl’ .Oli äi toižid-ki hüvid kollektivoid .Tradicijan mödhe hö kaik astuiba ühtehe ümbrusehe , a jäl’ges otiba linduižid-kaičijoid i riputiba niid simvoližehe puhu .Praznikan adivod vastsiba artistoid lujas lämäs , komedoil aplodil .Tahtoin sanuda sured spasibod praznikan tegijoile da kaikile ühtnikoile neciš čomas ozakahas päiväs , mastariden jarmarkas da hüviš meliš .
Ihastusiš kundlin Nikolai Abramovan runoid da pajoid hänen runoile , kacuin norid Terval-külän eläjid , kudambile scenal lahjoitihe kitändkirjeižid .
Toižel päiväl sarnan baboin ripakoiden polhe nägištiba Enarv’-külän eläjad .Adivoiden sanoiden mödhe , praznik oli lujas čoma , da se jäb rahvahan muštho i südäimihe pit’käks a igaks .
Ozan puzuine endevanhas Tervalas
Veps
New written Veps