Texts
Return to list | edit | delete | Create a new | history | Statistics | ? Help
Natalja Sinitskaja. Udmurtien da Karjalan väline saldatoin matku: 84 vuottu
Natalja Sinitskaja
Udmurtien da Karjalan väline saldatoin matku: 84 vuottu
Livvi
New written Livvic
Udmurtielaine
Anatolii Dobr’akov lomale kerävyi loitokse – Karjalah .Kolmel mašinal tuldih Anatoulien pereh , hänen tuttavat da omahizet .Tuldih suurdu da tärgiedy dieluo : tiä oldih voinan aigah omua muadu puolistamas heijän pruavodied’oit – 313. ambujien diviizien saldatat , kuduat puolistettih Petroskoidu Priäžän lohkol .
Anatoulii jo ammui tahtoi löydiä oman pruavodied’oin Ivan Tihonovič Tihonovan kalman .Voinale händy otettih kezäl 1941 Udmurties Šarkanskas .Dokumentoin mugah Ivan Tihonov sai surman 11. syvyskuudu 1941.Enzimäzekse muahpanendukohtakse on merkitty Matrosoin kylä .
– Vältämättäh Ivan Tihonov oli yksi äijis tuhanzis urholois , kuduat annettih omat henget korgevuttu 168,5 puolistamas . Myö yhtes käimmö sih mustokohtah , ekskursien pidi Ilja Geras’ov , Rubeži Petrozavodska - projektan alguhpanii , sanou Tatjana Seppänen Priäžän Etnokeskuksen piälikkö .
Udmurtielazet gost’at mielihyväl käydih keskukseh .Paginua pidäjes ruvettih livailemah niilöin Ruskien armien saldatoin nimiluvetteluloi , kuduat ollah pandu muah Priäžäh .
– Toinah hämmästyimmö myö , konzu näimmö nämmis luvettelulois Ivan Tinonovangi nimen . Myö kerras astuimmo velleskalmalluo , kus kivizil nimilaudazil Anatoulii nägi oman pruavodied’oin nimen , jatkau Tatjana Seppänen .
Moine oli tämän udmurtielazien pitkän kezämatkan tulos : Priäžän velleskalman muah ripoitettih Udmurtiespäi , saldatan roindumualpäi tuoduu muadu .
– Vie on hengis Ivan Tihonovan tytär , hänel on 93 vuottu . Häi hätken vuottau viestii sih nähte , kuduah kohtah rauheni hänen tuatto , uskou Tatjana Seppänen .
Vie eräs udmurtielaine pereh löydi oman urhoin Karjalas .Jelena Rudol’fovna toi omii bunukkoi tänne , ku lapset tiettäs kunne kuadui heijän pruavodied’oi Kondratii Ivanovič Šustov syvyskuus 1941.Miehel oli vaigu 35 vuottu .
– Vie eräs nimi rodih meile lähembi da omembi . Vuvvennu 1906 Udmurtien Alnašin lahkol rodivunnuh mies on pandu muah Priäžän kyläh .Da mustopäivinny kukkii velleskalmalluo pannes myö rubiemmo mustamah , ku loittozes Udmurties eletäh meijän puolistajan jälgeläzet , hänen pereh .
Udmurtien da Karjalan väline saldatoin matku: 84 vuottu
Livvi
New written Livvic