Texts
Return to list | edit | delete | Create a new | history | Statistics | ? Help
Priäžän kylän “Pr’ažen’ka” pajattau 20 vuottu
Priäžän kylän “Pr’ažen’ka” pajattau 20 vuottu
Livvi
New written Livvic
Pr’ažen’ka-pajojoukko sai
allun , konzu priäžäläzet naizet piätettih kerätä joukko , kuduan piälikökse vuvvennu 2005 rodih L’ubov’ Pšennikova .Pajojoukon repertuaras on hengellizii da rahvahallizii pajoloi , kanzallizii sävelmii da nygözien säveldäjien tevoksii .Pajattajat pajatetah a’capella , bajanan da fonogramman myödäh .Merkipäiväkse ven’alaine pajojoukko valmisti suuren konsertan . Ven’alazien pajoloin suvaiččijat kerävyttih Priäžän kul’tuurutaloin pidoh , kuduan nimekse pandih "Ven’an pajuo pajatetah syväimel da hengel ".
– Kyläs elämmö , ga kai uudizet terväh tiijustetah . Pajojoukkoh ruttoh kerävyi lähes 20 eriigästy nastu viittykymmendy vuottu nuorembua .
Meijän mugah , ga ihan nuorikkazet .Nikudual heis ei olluh muuzikkuopastustu , ga oli suuri himo pajattua , sanoi L’ubov’ F’odorovna .Pajojoukole terväh löydyigi nimi "Pr’ažen’ka ".Pajattajinnu oldih priäžäläzet inehmizet .Pajojoukon roindupäiväkse rodih tuhukuun 3. päivy 2005.
L’ubov’ Pšennikova ajeli Priäžäh epetitsieloile Pyhärvespäi , kus nygöigi eläy .Pajojoukko kerävyi kaksi kerdua nedälis .Jälles rua duo naizet kiirehtettih paikallizeh kluubah .
Vuvvennu 2007 priäžäläzet pajattajat käydih kogo joukol Vengrieh festivualih "Luomisruado – nuorusaigu – taido ".Rajan taguapäi pajattajat tuodih enzimäzen sijan diploman nominatsies "Joukol pajatandu ".Vuvvennu 2010 Pr’ažen’ka " sai rahvahalline paojoukko -arvonimen .L’ubov’ F’odorovna Pšennikova vuvvennu 2011 andoi pajojoukon piälikön ohjakset Larisa Aleksand-rovna Fofanovale (Prokopenkovale ) da alallizele soittajale Dmitrii Muhorinale .
Pajojoukon repertuaras endizelleh oldih rahvahallizet pajot da vaigu ven’an kielel .Äijät niilöis – "Nelli taloidu ", "Puudogan rahvahalline " da toizet roittih suvaittavat , konzu niidy kuuneltah konsertois rahvas ,pajatetah myödäh da kučutah pajattajii lavale äijän kerdua .
– Se on minun elaijan kirjavin juno . Kai naizet oldih rohkiet , kirmiet .Piäh tuli äijy uuttu mieldy , enimät niilöis myö todevutimmo , mustelou Larisa Fofanova .
Kylän eläjät ainos hyväl mielel vastattih pajattajii , kuduat puaksuh tuldih pajattamah omil mašinoil da omih varoih .Nikudai piirin pruazniekku ei mennyh ilmai "Pr’ažen’kua ".
Vuvves 2023 pajojoukon piälikönny on Ol’eg Jevgenjevič Kaliničev .Uvven piälikön ruadotaival algavui kolmekymmen vuottu tagaperin da häi ruadoi äijien pajojoukkoloin kel .
Tänäpäi pajojoukkoh kuuluu viizitostu nastu ,enimät heis oldih joukkuo alguh panemas .Naizet pajatetah hengellizii , kazakoin , ven’alazii liirizii , omanmuansu vaičuspajoloi .Se andau mahton yhtyö kaikenmoizih pruazniekkoih .Pajojoukko ainos yhtyy piirin da tazavallan festivualiloih , kerran vuvves naizet kävväh pajattamah kunnetahto Ven’ale libo rajan tuakse .
Priäžän kylän “Pr’ažen’ka” pajattau 20 vuottu
Livvi
New written Livvic