Texts
Return to list | edit | delete | Create a new | history | Statistics | ? Help
Alina Gapejeva. Sada kymmen vuottu rahvhan hyväkse
Alina Gapejeva
Sada kymmen vuottu rahvhan hyväkse
Livvi
New written Livvic
Jessoilan ambulatourii
täyttäy 110 vuottu .Se on Karjalan vahnimii mediekkulaitoksii .Siämärven bol’niččua ruvettih nostamah vuvvennu 1910, konzu gosudari-imperaatoru andoi bol’niččan nostamizeh Petroskoin ujezdale kuuzitostu tuhattu rubl’ua .Kaksi vuottu enne sanituaru-nevvostos oli piätetty nostua bol’ničču Ugmoilah ."Ugmoilan " muanruadajat mendih myödäh da annettih muapalan – puolen kymmenysty , vie piätettih andua ilmai halgoloi bol’ničan lämmittämizekse ", muga on kirjutettu arhiivulähtehes .
Vuvvekse 1914 muanruadajien annetul mual oli nostettu statsionuaru 20 hengele , infektsiiozasto , kodi ruadajih niškoi , kyly , sovanpezohuoneh , kuolluzien huoneh , jiähuoneh , tahnut da časounu .
Kaksikerdaine puuhine ,bol’ničču otti vastah patsientoi vuodessah 1988.Bol’ničas ruattih , voibi sanuo elettihgi douhturit , sanituarat , šouferit , hevonkaččojat da toizet ruadajat .Bol’ničan kunnivoruadajien joukos on Lidija Abramovna Spitsina .Häi puolen vuozisuan aigah oli vahnimannu voimattomanhoidajannu da hiirehellizen avun feršalinnu .Nygöi Lidija Spitsinal on 81 vuottu igiä .Häi mustau kaikkii , kenenke ruadoi vuozinnu 1965–2010.
– Toiči tuvvah voimatunnuh , hänel hiirozii ailastau . Enzikse voimatoi pidäy lämmittiä hiilavas vies , vannas .Sih niškoi pidäy sada litrua vetty .Kannoimmo vetty kaivospäi , mustelou Lidija Abramovna omii ruadopäivii .Paiči omua piäruaduo , mediekat lämmitettih päččilöi , kannettih vetty bol’niččah , kazvatettih kartohkua patsientole syödäväkse , varustettih heiniä bol’ničan heboh niškoi .Hebo oli tärgienny ruadajannubol’ničas sil kynnettih peldoloi , toiči sil ajeltih voimattomien luokse .
Kaikkih vaigevuksih kaččomattah Lidija Abramovna mustelou mennyzii ruadovuozii hyväl mielel .Häi sanou , ku ruadajat ehtittih ruadua dai huogavuo , piettih suurdu yhteiskunnallistu ruaduo kyläs .
Lidija Spitsinua monet mustetah nerokkahannu , da vastuonalazennu mediekannu ,ei varannuh häi lähtie kuččuloih loittozih kylih .Voimattoman luokse lähtijeshäi oli valmis kaikkeh : ristikanzal voibi kivistiä hos midä : hos piädy , hos kandupiädy .
– Kerran kučuttih Alasalmeh , sie naine oli suamas lastu . Tielöi ei olluh – kai oldih ummattu .Mašin oli ajanuh vaiku kylässäh ,minä kualoin kodissah lumes .Naine oli jo suamas lastu ,minä tulin aijoilleh .Sit myö ,šouferinke istutimmo muaman yhtes lapsenke regeh da veimmö teissäh , kus oli meijän "ЗИМ ", sanelou Lidija Abramovna .
Lidija Abramovna ammui jo on eläkkehel , ga hänen abuu da nevvuo rahvas aiven kyzytäh .
Vuvvennu 1988 ambulatourii siirdyi ruadamah Nevvostoliiton aigah nostettuh rakendukseh Jessoilan keskuččah .Vuvvennu 2022 sie piettih perustehellizet kohendusruavot .
Pertivälit da pertit ollah valgiet da puhtahat . Eläjih niškoi roittih ylen hyvät olot ambulatouries . Kai on pandu uvvet : vezitruvat , sähkölangat , kanalizatsiet , lämmityssistiemu .Ambulatouries roittih hammaskabiniettu da ruadajien huogavusperti , on uuzi laittehisto : ul’traiänilaittehet , verianuaizan buohimielline da kliničeskoi analizuattorat , rentgenkuvalaittehet da muut .
Tiettäväine , bol’ničan piäylbevyksenny ollah sen vračat , feršalit , voimattomienhoidajat , sanituarat .
Sada kymmen vuottu rahvhan hyväkse
Livvi
New written Livvic