Texts
Return to review | Return to list
Suureh kruugah mendih eläjät da gost’at
history
August 19, 2025 in 11:36 Нина Шибанова
- created the text
- created the text: Kanzoinvälizenny Kandurahvahien päivänny Petroskois Oniegan rannas piettih perindölline Karjalaine kruugu flešmob. Kruugah yhtyi läs 250 Karjalan eläjiä da linnan gost’ua. Karjalazeh perindöllizeh kruugu-tansih Petroskoin randupihal yhtyi pidoh nareko tulluzii ristittyzii kanzallizis ruuttilois da muite siiriči astujii linnan eläjii da gostii. Kruugan vedi Gorničču-fol’klouruteatran ohjuaju Boris Šustov, flešmoban vedäjänny oli Kanzallizen teatran artistu Andrei Gorškov. – Boris Fedotovič ylen nerokkahasti vedi kruugan, häi maltau jogahistu kuhkuttua tansimah. Karjalan kuulužan horeografan Viola Malmin ruavon jatkajannu olles häi ylen huolekkahasti sellittäy rahvahal, midä pidäy ruadua, sanelou tansih nähte. Kruugan jälles čuasun aloh häi opasti rahvastu eri rahvahallizih tansiloih, kačoi tarkah, ku jogahizel olis puaru, ku kai olis perindön mugah, sanoi kruugah yhtynyh Karjalan Rahvahien ystävystaloin ruadai Alina Kartinen. Karjalaine kruugu flešmobua pietäh Karjalan tazavallan Kanzallizen da alovehellizen poliitiekan ministerstvan kannatuksel.